PALLIKKAL TIMES

  ന്യൂഡല്‍ഹി :   സെപ്റ്റംബർ 28 മുതല്‍ 30 വരെ നടക്കാൻ സാധ്യതയുള്ള മൂന്ന് ദിവസത്തെ ബാങ്ക് പണിമുടക്ക് കണക്കിലെടുത്ത്, പൊതുമേഖലാ ബാങ്കുകള്‍ എടിഎം ഉപഭോക്താക്കള്‍ക്കായി സുപ്രധാന ഇളവുകള്‍ പ്രഖ്യാപിച്ചു. പണിമുടക്ക് ദിനങ്ങളില്‍ നിശ്ചിത സൗജന്യ പരിധിക്ക് മുകളിലുള്ള എടിഎം ഇടപാടുകള്‍ക്ക് പ്രത്യേക ചാർജുകള്‍ ഒന്നും ഈടാക്കില്ലെന്ന് സ്റ്റേറ്റ് ബാങ്ക് ഓഫ് ഇന്ത്യ (SBI), പഞ്ചാബ് നാഷണല്‍ ബാങ്ക് (PNB), ബാങ്ക് ഓഫ് ബറോഡ (BoB), യൂണിയൻ ബാങ്ക് ഓഫ് ഇന്ത്യ, ഇന്ത്യൻ ബാങ്ക് തുടങ്ങിയ പ്രമുഖ പൊതുമേഖലാ ബാങ്കുകള്‍ വ്യക്തമാക്കിയിട്ടുണ്ട്. ആർ.ബി.ഐയുടെ നിലവിലെ മാനദണ്ഡങ്ങള്‍ അനുസരിച്ച്‌, സ്വന്തം ബാങ്കിന്റെ എടിഎമ്മുകളില്‍ നിന്ന് മാസം അഞ്ച് സൗജന്യ ഇടപാടുകളും, മറ്റ് ബാങ്കുകളുടെ എടിഎമ്മുകളില്‍ നിന്ന് മെട്രോ നഗരങ്ങളില്‍ മൂന്നും മറ്റ് പ്രദേശങ്ങളില്‍ അഞ്ചും സൗജന്യ ഇടപാടുകളുമാണ് അനുവദിച്ചിട്ടുള്ളത്. എന്നാല്‍ സെപ്റ്റംബർ 28 മുതല്‍ 30 വരെയുള്ള ദിവസങ്ങളില്‍ ഏതൊരു ബാങ്കിന്റെ എടിഎം ഉപയോഗിച്ചാലും അധിക നിരക്കുകള്‍ ഈടാക്കില്ല. ഇത് പണിമുടക്ക് സമയത്ത് ഉപഭോക്താക്കള്‍ക്ക് തടസമില്ലാതെ പണം പിൻവലിക്കാൻ സഹായകമാകും. ഡിജിറ്റല്‍ മാർഗങ്ങള്‍...

  മലപ്പുറം:   ദേശീയപാത 66-ൽ രാമനാട്ടുകര മുതൽ കൊടുങ്ങല്ലൂർ വരെ കൂടുതൽ നടപ്പാലങ്ങൾ നിർമിക്കാൻ ദേശീയപാത അതോറിറ്റി ഓഫ് ഇന്ത്യ (NHAI) തീരുമാനം. മലപ്പുറം ജില്ലയിൽ 14 ഇടങ്ങളിലും തൃശൂർ ജില്ലയിൽ എട്ട് ഇടങ്ങളിലുമായി ആകെ 22 നടപ്പാലങ്ങളാണ് നിർമിക്കുക. രാമനാട്ടുകര–കാപ്പിരിക്കാട്, കാപ്പിരിക്കാട്–കൊടുങ്ങല്ലൂർ സെക്ഷനുകളിലായാണ് പുതിയ നടപ്പാലങ്ങൾ നിർമിക്കുന്നത്. നിർമാണത്തിന് ആവശ്യമായ ഭൂമി ഏറ്റെടുക്കൽ ഉൾപ്പെടെയുള്ള നടപടികൾ പരിശോധിച്ച് അംഗീകാരം നൽകണമെന്ന് ജില്ലാ കളക്ടർമാരോട് എൻ.എച്ച്.എ.ഐയുടെ കൊച്ചി പ്രോജക്ട് ഇംപ്ലിമെന്റേഷൻ യൂണിറ്റ് ആവശ്യപ്പെട്ടതായി മാധ്യമങ്ങൾ റിപ്പോർട്ട് ചെയ്തു. മലപ്പുറം ജില്ലയിൽ യൂണിവേഴ്‌സിറ്റി, കോഹിനൂർ, വെളിമുക്ക്, കൊളപ്പുറം, തങ്ങൾപടി, കോഴിച്ചെന, കഞ്ഞിപ്പുര, പാണ്ടികശാല, ചേട്ടൻമൂടാൽ, ഈശ്വരമംഗലം, തെയ്യങ്ങാട്, ഉറൂബ് നഗർ, പുതുപൊന്നാനി എന്നിവിടങ്ങളിലാണ് നടപ്പാലങ്ങൾ നിർമിക്കുക. തൃശൂർ ജില്ലയിൽ മന്ദലാംകുന്ന്, എടക്കഴിയൂർ, മണത്തല, ഏങ്ങണ്ടിയൂർ/പൊക്കുളങ്ങര, നാട്ടിക സെന്റർ, വലപ്പാട്, കൈപ്പമംഗലം, പള്ളിനട എന്നിവിടങ്ങളിലാണ് പുതിയ നടപ്പാലങ്ങൾ വരുന്നത്. നേരത്തെ നിർമാണം ആരംഭിച്ച രണ്ടത്താണിയിലെ...

തിരുവനന്തപുരം: സംസ്ഥാനത്ത് ഇന്നും നാളെയും വൈദ്യുതി നിയന്ത്രണം ഉണ്ടാകില്ലന്ന് കെഎസ്‌ഇബി. മധ്യപ്രദേശില്‍ നിന്ന് പീക്ക് സമയത്ത് 200 മെഗാവാട്ട് വൈദ്യുതി ലഭ്യമാകുന്നുണ്ടെന്നും സ്വാപ്പ് വ്യവസ്ഥയിലാണ് വൈദ്യുതി കിട്ടുന്നതെന്നും കെഎസ്‌ഇബി വ്യക്തമാക്കി. റിയല്‍ ടൈം മാര്‍ക്കറ്റിലും വൈദ്യുതി ലഭിക്കുന്നുണ്ട്. അതിനാല്‍ ഇന്നും നാളെയും നിയന്ത്രണങ്ങള്‍ ഇല്ലെന്ന് കെഎസ്‌ഇബിയുടെ വാര്‍ത്താക്കുറിപ്പിലൂടെ അറിയിച്ചു. വെള്ളിയാഴ്ച സംസ്ഥാനത്തെ വൈദ്യുത ഉപയോഗം താരതമ്യേന ഉയർന്ന നിലയില്‍ത്തന്നെയായിരുന്നുവെന്നും കെഎസ്‌ഇബി വ്യക്തമാക്കി. പവർ എക്സ്ചേഞ്ചില്‍ നിന്നുള്ള വൈദ്യുതിയുടെ ലഭ്യത താരതമ്യേന മെച്ചപ്പെട്ട അവസ്ഥയിലായിരുന്നു. ഊർജ്ജിതമായ ശ്രമത്തെത്തുടർന്ന് APCPDCL (ആന്ധ്രാപ്രദേശ്)ല്‍ നിന്നും 150-300MW ലഭ്യമാക്കി.

  ബേപ്പൂർ:  ഫിറ്റ്നസ് ലഭിക്കാത്തതിനെ തുടർന്ന് 2 ആഴ്ചയായി നിർത്തിവെച്ചിരുന്ന ചാലിയം - ബേപ്പൂർ ജങ്കാർ സർവീസ് ഇന്ന് മുതൽ പുനരാരംഭിക്കും. ഫിറ്റ്നസ് ഇല്ലാത്തതിനാൽ സർവീസ് നിർത്തിവെക്കാൻ ബേപ്പൂർ പോർട്ട് ഓഫീസർ നോട്ടീസ് നൽകിയതോടെയാണ് സർവ്വീസ് പ്രതിസന്ധിയിലായത്. തുടർന്ന് ഫിറ്റ്നസിന് വേണ്ടി ഫിഷറീസ് വകുപ്പും മാരിടൈം ബോർഡും നിർദേശിച്ച എല്ലാ സൗകര്യങ്ങളും റിപ്പയറുകളും പൂർണമായും പൂർത്തിയാക്കിയതിന്റെ അടിസ്ഥാനത്തിൽ ഫിറ്റ്നസ് അനുവദിക്കുകയായിരുന്നു. സർവീസ് പുനരാരംഭിക്കുന്നതിന് വേണ്ടി പഞ്ചായത്ത് പ്രസിഡന്റ് ഒ. ഭക്തവത്സലന്റെ നേതൃത്വത്തിലുള്ള ജനപ്രതിനിധി സംഘം ബേപ്പൂർ പോർട്ട് ഓഫീസർ, മാരിടൈം ബോർഡ് സർവെയർ എന്നിവരുമായി ചർച്ച നടത്തിയിരുന്നു. 2 ആഴ്ചയായി സർവീസ് മുടങ്ങിയത് യാത്രക്കാർക്കും വാഹന ഉടമകൾക്കും വലിയ ബുദ്ധിമുട്ടായിരുന്നു. സർവീസ് പുനരാരംഭിക്കുന്നതോടെ ആശ്വാസമാകും.

  തിരുവനന്തപുരം : ഈ വർഷത്തെ ഓണം ബമ്പർ നറുക്കെടുപ്പ് നാളെ നടക്കും. 30 കോടി രൂപ സ്വന്തമാക്കാനുള്ള സുവർണാവസരമാണ് ഭാഗ്യാന്വേഷികള്‍ക്ക് മുന്നിലുള്ളത്.  ഇത്തവണത്തെ തിരുവോണം ബമ്പർ  ആർക്കാകും എന്നറിയാനുള്ള കാത്തിരിപ്പിലാണ് കേരളം. തിരുവനന്തപുരത്ത് ലോട്ടറി ആസ്ഥാനമായ ഗോർഖി ഭവനില്‍ ആരോഗ്യം, ദേവസ്വം വകുപ്പ് മന്ത്രി കെ മുരളീധരനാണ് തിരുവോണം ബമ്പർ നറുക്കെടുപ്പ് ഉദ്ഘാടനം ചെയ്യുക. തിരുവോണം ബമ്പർ 2026ൻ്റെ 90 ലക്ഷം ടിക്കറ്റുകളാണ് അച്ചടിച്ചത്. ഇതില്‍ ഏകദേശം മുഴുവന്‍ ടിക്കറ്റുകള്‍ ഇതിനകം വിറ്റഴിഞ്ഞു. സംസ്ഥാന ഭാഗ്യക്കുറി ചരിത്രത്തില്‍ ആദ്യമായാണ് ഒന്നാം സമ്മാനം 30 കോടി രൂപയായി ഉയർത്തുന്നത്. അതുകൊണ്ട് തന്നെ ടിക്കറ്റ് വില്‍പ്പനയിലും വൻ സ്വീകാര്യതയാണ് ലഭിച്ചത്. 30 കോടി ലഭിക്കുന്ന ഒന്നാം സ്ഥാനക്കാരന് പുറമെ 20 പേർക്ക് കൂടി ഓണം ബമ്പറിലൂടെ കോടിപതികളാകാൻ കഴിയും. രണ്ടാം സമ്മാനമായ ഒരു കോടി രൂപ 20 പേര്‍ക്കാണ് ലഭിക്കുന്നത്. ഓരോ സീരിസിലെയും രണ്ടു പേര്‍ കോടിപതികളാകും. ഒന്നാം സമ്മാനത്തിനൊപ്പം രണ്ടാം സമ്മാനം നേടുന്ന 20 പേർകൂടി ചേരുമ്പോള്‍ ആകെ 21 പേര്‍ കോടിപതികളാകും. ഇതിന് പുറമെ 45 ലക്ഷാധിപതികളെയും ഓണം ബമ്പർ സൃഷ...

മലപ്പുറം :  നാടിനെ നടുക്കിയ പെരിന്തൽമണ്ണ അക്ബർ സോമിൽ മാനേജർ ബാലകൃഷ്ണനെ ക്രൂരമായി കൊലപ്പെടുത്തി അറക്കപ്പൊടി കുഴിയിൽ കുഴിച്ചുമൂടിയ കേസിൽ 18 വർഷങ്ങൾക്ക് ശേഷം ഒന്നാം പ്രതി പിടിയിൽ. അസമിലെ ദേമാജി ജില്ലയിൽ അരുണാചൽ പ്രദേശ് അതിർത്തിയോട് ചേർന്നുള്ള വിദൂര ഗ്രാമമായ 'ഗോഗമുഖ്' എന്ന സ്ഥലത്തുനിന്നാണ് പ്രതിയെ മലപ്പുറം ക്രൈംബ്രാഞ്ച് സംഘം സാഹസികമായി പിടികൂടിയത്. 2007 ഡിസംബറിലായിരുന്നു കേസിനാസ്പദമായ സംഭവം നടന്നത്. പെരിന്തൽമണ്ണ മൗലാനാ ആശുപത്രിക്ക് സമീപമുള്ള അക്ബർ സോമില്ലിൽ വെച്ച് മാനേജരായ ബാലകൃഷ്ണനെ കൊലപ്പെടുത്തിയ ശേഷം മൃതദേഹം ചാക്കിലാക്കി മില്ലിലെ അറക്കപ്പൊടി കുഴിയിൽ ഒളിപ്പിക്കുകയായിരുന്നു. സംഭവത്തിന് തൊട്ടടുത്ത ദിവസങ്ങളിൽ മില്ലിൽ ജോലി ചെയ്തിരുന്ന അന്യസംസ്ഥാന തൊഴിലാളികൾ അപ്രത്യക്ഷരായി. ഇവർ നൽകിയിരുന്ന വിലാസവും പേരും വ്യാജമാണെന്ന് തെളിഞ്ഞതോടെ പോലീസിന്റെ അന്വേഷണം പ്രതിസന്ധിയിലാവുകയായിരുന്നു. വർഷങ്ങളോളം ബിഹാർ, അസം തുടങ്ങിയ സംസ്ഥാനങ്ങളിൽ പ്രതികൾക്കായി വലവീശിയെങ്കിലും ഒളിത്താവളങ്ങൾ ഇടയ്ക്കിടെ മാറിയത് അന്വേഷണത്തിന് വലിയ വെല്ലുവിളിയായി. ഒടുവിൽ മലപ്പുറം ക്രൈംബ്രാഞ്ച് എസ്.പിയുടെ മേൽനോട്ടത്തിൽ ശാസ്ത്രീയ...

 തിരുവനന്തപുരം: മിനിമം ചാർജ് 15 രൂപയാക്കണം എന്ന് സ്വകാര്യ ബസ് ഉടമകൾ. ഇവർ ഗതാഗത മന്ത്രിക്ക് നിവേദനം നൽകി. ആവശ്യങ്ങൾ അംഗീകരിച്ചില്ലെങ്കിൽ പ്രതിഷേധിക്കുമെന്നാണ് മുന്നറിയിപ്പ്. വിദ്യാർഥികളുടെ കൺസെഷൻ നിരക്ക് നിലവിലെ ചാർജിന്റെ 50 ശതമാനമാക്കണമെന്നും ആവശ്യം ഉന്നയിച്ചിട്ടുണ്ട്. ആവശ്യങ്ങൾ അടിയന്തരമായി അംഗീകരിച്ചില്ലെങ്കിൽ സംസ്ഥാനത്തെ മുഴുവൻ സ്വകാര്യ ബസുകളും നിരത്തിലിറക്കാതെ ശക്തമായ പ്രക്ഷോഭത്തിലേക്ക് നീങ്ങുമെന്നാണ് മുന്നറിയിപ്പ്. നിലവിലെ മിനിമം നിരക്കായ 12 രൂപയിൽ നിന്ന് 15 രൂപയായി വർധിപ്പിക്കണം. വിദ്യാർഥികളുടെ യാത്രാനിരക്ക് നിലവിലുള്ള നിരക്കിന്റെ 50 ശതമാനമായി (കുറഞ്ഞത് 5 രൂപ മുതൽ 7.50 രൂപ വരെ) ക്രമീകരിക്കണം. രാമചന്ദ്രൻ കമ്മീഷൻ റിപ്പോർട്ടിലെ ശുപാർശകൾ നടപ്പാക്കണമെന്നുമാണ് ബസ് ഉടമകളുടെ ആവശ്യം. കഴിഞ്ഞ നാലര വർഷമായി ബസ് നിരക്ക് വർധിപ്പിച്ചിട്ടില്ലെന്നും ഈ കാലയളവിൽ ഡീസൽ വിലയിൽ മാത്രം 13 രൂപയുടെ വർധനവുണ്ടായെന്നും ബസ് ഉടമകൾ ചൂണ്ടിക്കാണിക്കുന്നു. പ്രിയദർശിനി പദ്ധതി ഉൾപ്പെടെയുള്ള മാറ്റങ്ങൾ കാരണം സ്വകാര്യ ബസ് മേഖലയ്ക്ക് വലിയ രീതിയിലുള്ള വരുമാനച്ചോർച്ചയുണ്ടായിട്ടുണ്ട്. നിരക്ക് വർധനവില്ലാതെ മുന്നോട്ടുപോകാ...

കോഴിക്കോട്‌ : ബേപ്പൂര്‍-ചാലിയം ജങ്കാര്‍ സര്‍വീസ്‌ സുരക്ഷാ കാരണങ്ങള്‍ ചൂണ്ടിക്കാട്ടി അധികൃതര്‍ നിര്‍ത്തിവച്ചതോടെ യാത്രക്കാര്‍ ദുരിതത്തിലായി. മുന്നറിയിപ്പില്ലാതെ സര്‍വീസ്‌ നിര്‍ത്തിയിട്ട്‌ 10 ദിവസം പിന്നിട്ടിട്ടും ബദല്‍ സംവിധാനം ഒരുക്കാന്‍ അധികൃതര്‍ക്ക്‌ ഇതുവരെയും ആയിട്ടില്ല. നോക്കിയാല്‍ കാണുന്ന മറുകര കടക്കാന്‍ ഇപ്പോള്‍ എട്ട്‌ കിലോമീറ്ററോളം ചുറ്റി സഞ്ചരിക്കേണ്ട ഗതികേടിലാണ്‌ യാത്രക്കാര്‍.  10 മിനിറ്റ്‌ കൊണ്ട്‌ എത്തേണ്ടിടത്ത്‌ എത്താന്‍ അര മണിക്കൂറിലധികം സമയമെടുക്കുന്ന അവസ്‌ഥയിലായിരുന്നു. എന്നാല്‍ കഴിഞ്ഞ ദിവസം മുതല്‍ ചെറുവണ്ണൂര്‍ മേല്‍പ്പാല നിര്‍മ്മാണത്തിന്‍റെ ഭാഗമായി റോഡും അടച്ചതോടെ ഇരുകരയിലെയും യാത്രക്കാരിപ്പോള്‍ തീരാദുരിതത്തിലായി. ജങ്കാര്‍ സര്‍വീസ്‌ നിലച്ചതോടെ ഏറ്റവും കൂടുതല്‍ ബുദ്ധിമുട്ടിലായത്‌ ബേപ്പൂര്‍, ചാലിയം ബീച്ചുകളിലേക്ക്‌ എത്തുന്ന സഞ്ചാരികളും, ബേപ്പൂര്‍ ഹാര്‍ബറിലേക്കും ചാലിയം ഫിഷ്‌ ലാന്‍ഡിങ്‌ സെന്ററിലേക്കും എത്തുന്ന മത്സ്യത്തൊഴിലാളികളും വിദ്യാര്‍ഥികളുമാണ്‌. വാഹനങ്ങളുമായി കടവിലെത്തുന്ന പലരും ജങ്കാര്‍ ഇല്ലാത്തതിനാല്‍ തിരിച്ചുപോകുകയാണ്‌.  സാമൂഹിക പ്രവര്‍ത്തകര്‍ നല്‍കിയ പരാത...

 മലപ്പുറം : പൂക്കോട്ടുംപാടം കോട്ടപ്പുഴയില്‍ മലവെള്ളപ്പാച്ചിലില്‍ കാണാതായ യുവതിയുടെ മൃതദേഹം കണ്ടെത്തി. ടി.കെ ഉന്നതിയിലെ സജിതയുടെ മൃതദേഹമാണ് അല്‍പ്പസമയം മുമ്പ് കണ്ടെത്തിയത്. ഇതോടെ അപകടത്തില്‍ കാണാതായ മുഴുവൻ പേരുടെയും മൃതദേഹങ്ങള്‍ കണ്ടെത്തി. മലവെള്ളപ്പാച്ചിലില്‍ കാണാതായ അഞ്ച് പേരുടെ മൃതദേഹങ്ങള്‍ നേരത്തെ കണ്ടെത്തിയിരുന്നു. സജിതയുടെ മൃതദേഹം കൂടി കണ്ടെത്തിയതോടെയാണ് തിരച്ചില്‍ പൂർത്തിയായത്. എൻഡിആർഎഫ്, അഗ്നിരക്ഷാസേന, പൊലീസ്, സന്നദ്ധപ്രവർത്തകർ എന്നിവരുടെ നേതൃത്വത്തില്‍ നടത്തിയ തിരച്ചിലിനൊടുവിലാണ് മൃതദേഹം കണ്ടെത്തിയത്. കോട്ടക്കല്‍ എടരിക്കോട് സ്വദേശി മങ്ങാടൻ അനസ് യാസീൻ, തിരൂർ സ്വദേശി മുഹമ്മദ് കുട്ടി, വണ്ടൂർ സ്വദേശി കുപ്പനത്ത് സജ്ജാദ്, കരുവാരക്കുണ്ട് സ്വദേശി റഹീം എന്നിവരെയാണ് നേരത്തെ തിരിച്ചറിഞ്ഞത്. ഒഴുക്കില്‍പ്പെട്ട മൂന്ന് പേരെ രക്ഷപ്പെടുത്തിയിരുന്നു. അപകടസമയത്ത് പുഴയോരത്ത് മഴയുണ്ടായിരുന്നില്ല. എന്നാല്‍ വനമേഖലയില്‍ ശക്തമായ മഴ പെയ്തതിനെ തുടർന്ന് പുഴയിലെ ജലനിരപ്പും ഒഴുക്കും പെട്ടെന്ന് ഉയർന്നതാണ് മലവെള്ളപ്പാച്ചിലിന് കാരണമായത്.

  വളാഞ്ചേരി : നിയന്ത്രണം വിട്ട കാര്‍ റോഡരികിലെ കുളത്തിലേക്ക്‌ മറിഞ്ഞെങ്കിലും ഡ്രൈവര്‍ അത്ഭുതകരമായി രക്ഷപ്പെട്ടു. എടയൂര്‍ ഒടുങ്ങാട്ടുകുളത്തില്‍ കഴിഞ്ഞ ദിവസം രാത്രി 12.20നായിരുന്നു അപകടം. വളാഞ്ചേരിയില്‍ നിന്ന്‌ മഞ്ചേരിയിലേക്ക്‌ പോവുകയായിരുന്ന കാര്‍ നിയന്ത്രണം വിട്ട്‌ ഒടുങ്ങാട്ടുകുളത്തിലേക്ക്‌ മറിയുകയായിരുന്നു. വളാഞ്ചേരി കാട്ടിപ്പരുത്തിയില്‍ താമസിക്കുന്ന കുന്നത്തുപറമ്പില്‍ മുബാസ്‌(34)ആണ്‌ കാര്‍ ഓടിച്ചിരുന്നത്‌. കാറില്‍ മറ്റാരും ഉണ്ടായിരുന്നില്ല.  മഞ്ചേരി സ്വദേശിയായ സുഹൃത്തിന്റേതാണ്‌ കാര്‍. വളാഞ്ചേരി മാര്‍ക്കറ്റില്‍ ജോലി ചെയ്ുന്നയ മുബാസ്‌ സുഹൃത്തിന്‌ കാര്‍ എത്തിച്ചുകൊടുക്കുന്നതിനായി രാത്രിയില്‍ യാത്ര ചെയ്യുകയായിരുന്നു. ഡ്രൈവിങ്ങിനിടെ ഉറങ്ങിപ്പോയതിനെ തുടര്‍ന്ന്‌ കാര്‍ നിയന്ത്രണം വിട്ട്‌ കുളത്തിലേക്ക്‌ പതിച്ചതായാണ്‌ മുബാസ്‌ പറഞ്ഞത്‌. ഡ്രൈവര്‍ സീറ്റിനടുത്തുള്ള ഗ്ലാസ്‌ ഉയര്‍ത്തിവെച്ചിരുന്നതിനാല്‍ കാര്‍ വെള്ളത്തില്‍ പൂര്‍ണമായി താഴുന്നതിന്‌ മുമ്പ്‌ അതുവഴി പുറത്തുകടക്കുകയായിരുന്നു. നീന്തി കരയിലെത്തിയ മുബാസിന്റെ കൈക്ക്‌ പരുക്കേറ്റതിനെ തുടര്‍ന്ന്‌ രാത്രി അതുവഴിയെത്തിയ ബൈക്കില്‍ വളാഞ്ചേരിയി...

തിരൂരങ്ങാടി :  ദേശീയപാത 66 ആറുവരിപ്പാതയിൽ ഓരോ ദിവസവും ബസുകളുടെ നിയമലംഘനങ്ങള്‍ നടത്തിക്കൊണ്ടുളള സംഭവങ്ങളാണ്  പുറത്ത് വരുന്നത്. അതിനിടയിലാണ് കഴിഞ്ഞ ദിവസം നാഷണൽ ഹൈവേ അതോറിറ്റി ഓഫ് ഇന്ത്യ സ്ഥാപിച്ച ബാരിക്കേഡുകൾ തകർത്ത് സ്വകാര്യ ബസിന്റെ വൻ നിയമലംഘനം. ചേളാരി പടിക്കലിനും പാലക്കലിനും ഇടയിലാണ് സംഭവം. കോഴിക്കോട് ഭാഗത്തേക്ക് സർവീസ് നടത്തുകയായിരുന്ന 'കമാൻഡർ' എന്ന സ്വകാര്യ ബസാണ് അപകടകരമായ രീതിയിൽ ഗതാഗത തടസ്സമുണ്ടാക്കി ബാരിക്കേഡുകൾ തകർത്തത്. ​ആറുവരിപ്പാതയിലെ എക്സിറ്റ് പോയിന്റ് കടന്ന് മുന്നോട്ട് പോയ ബസ് പെട്ടെന്ന് പിറകോട്ട് എടുക്കുകയും, തുടർന്ന് എക്സിറ്റിൽ എൻ.എച്ച്.എ.ഐ സ്ഥാപിച്ചിരുന്ന ബാരിക്കേഡുകൾ ഇടിച്ചുതകർത്ത് സർവീസ് റോഡിലേക്ക് കടക്കുകയുമായിരുന്നു. സ്റ്റേജ് കാര്യേജ് ബസുകൾ ആറുവരിപ്പാതയിലൂടെ സർവീസ് നടത്തരുതെന്നും നിശ്ചിത സർവീസ് റോഡുകൾ ഉപയോഗിക്കണമെന്നുമുള്ള മോട്ടോർ വാഹന വകുപ്പിന്റെ കർശന നിർദ്ദേശം കാറ്റിൽപ്പറത്തിയാണ് പല സ്വകാര്യ ബസുകളും ഓടുന്നത്. ​ആറുവരിപ്പാതയിലൂടെ വേഗത്തിലെത്തി യാത്രക്കാരെ സർവീസ് റോഡിലിറക്കാതെ ഹൈവേയിൽ തന്നെ ഇറക്കിവിടുന്നതിനെതിരെ വ്യാപക പരാതികളുണ്ട്. ഇത്തരത്തിൽ യാത്രക്കാരെ ...

  പരപ്പനങ്ങാടി:  ആളില്ലാത്ത വീടുകൾ കേന്ദ്രീകരിച്ച് കഴിഞ്ഞ രണ്ടു മാസത്തോളമായി തുടർച്ചയായി മോഷണം നടത്തി നാട്ടുകാർക്കും പോലീസിനും തലവേദന സൃഷ്ടിച്ചിരുന്ന പ്രതി പിടിയിൽ. താനൂർ പുത്തൻതെരു സ്വദേശി 'മൂർഖൻ പ്രദീപ്' എന്ന മണി (42) യെയാണ് പരപ്പനങ്ങാടി റെയിൽവേ സ്റ്റേഷനിൽ നിന്ന് പോലീസ് അറസ്റ്റ് ചെയ്തത്. അരിയല്ലൂർ, പരപ്പനങ്ങാടി, നെടുവ മേഖലകളിൽ പൂട്ടുപൊളിച്ചും ഓട് ഇളക്കിയും വീടുകളിൽ കയറിയാണ് ഇയാൾ മോഷണം നടത്തിയിരുന്നതെന്ന് പോലീസ് പറഞ്ഞു. നെടുവ സ്കൂളിന് സമീപത്തെ വീട്ടിൽ നിന്ന് പതിനായിരം രൂപ മോഷണം പോയ സംഭവത്തിലെ സി.സി.ടി.വി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണമാണ് പ്രതിയിലേക്ക് എത്തിയത്. താനൂർ ഡിവൈ.എസ്.പിയുടെയും പരപ്പനങ്ങാടി ഇൻസ്പെക്ടറുടെയും നിർദേശപ്രകാരം സാദാ വേഷത്തിൽ ബൈക്ക് പട്രോളിങ് നടത്തിയും റെയിൽവേ സ്റ്റേഷനുകൾ കേന്ദ്രീകരിച്ച് നിരീക്ഷണം നടത്തിയും പ്രത്യേക അന്വേഷണ സംഘം പ്രതിയെ പിടികൂടുകയായിരുന്നു. താനൂർ സ്റ്റേഷനിലെ റൗഡി ലിസ്റ്റിൽ ഉൾപ്പെട്ടിട്ടുള്ളതും മുൻപ് കാപ്പ ചുമത്തപ്പെട്ടിട്ടുള്ളതുമായ പ്രദീപിനെതിരെ സംസ്ഥാനത്തിനകത്തും പുറത്തുമായി നിരവധി കേസുകളുണ്ടെന്ന് പോലീസ് അറിയിച്ചു. പാലക്കാട്...

  തിരൂർ:  ഓടിക്കൊണ്ടിരുന്ന കാറിന് പെട്ടെന്ന് തീപിടിച്ച് വാഹനം ഭാഗികമായി കത്തിനശിച്ചു. ബുധനാഴ്ച വൈകീട്ട് തിരൂർ ഗൾഫ് മാർക്കറ്റിന് സമീപമാണ് സംഭവം. കാറിലുണ്ടായിരുന്ന കുടുംബം തലനാരിഴയ്ക്കാണ് ദുരന്തത്തിൽ നിന്ന് രക്ഷപ്പെട്ടത്. പരപ്പനങ്ങാടി ചിറമംഗലം സ്വദേശിയായ തൊട്ടിയിൽ മുബാറക്ക് ഓടിച്ചിരുന്ന ഹ്യൂണ്ടായ് കാറിനാണ് തീപിടിച്ചത്. യാത്രയ്ക്കിടെ വാഹനത്തിന്റെ മുൻഭാഗത്തുനിന്ന് പെട്ടെന്ന് പുകയും തീയും ഉയരുന്നത് ശ്രദ്ധയിൽപ്പെട്ട ഉടൻ തന്നെ ഡ്രൈവറും കുടുംബവും കാറിൽ നിന്നും പുറത്തേക്കിറങ്ങുകയായിരുന്നു. സെക്കൻഡുകൾക്കകം കാറിന്റെ മുൻഭാഗത്തേക്ക് തീ ആളിപ്പടർന്നു. വിവരമറിഞ്ഞ് സ്ഥലത്തെത്തിയ ഫയർഫോഴ്‌സും പ്രദേശവാസികളും ചേർന്ന് ഉടൻ തന്നെ തീ നിയന്ത്രണവിധേയമാക്കി അണച്ചു. അപകടത്തിൽ കാറിന്റെ മുൻഭാഗം പൂർണ്ണമായും കത്തിനശിച്ചിട്ടുണ്ട്. സംഭവത്തെ തുടർന്ന് തിരൂർ പോലീസ് സ്ഥലത്തെത്തി തുടർന്നുള്ള നടപടികൾ സ്വീകരിച്ചു. എഞ്ചിനിലെ  ഷോട്ട് സർക്യൂട്ടാണ് തീപിടുത്തത്തിന് കാരണമെന്നാണ് പ്രാഥമിക നിഗമനം.

മലപ്പുറം:  ബസിലെ  ജോലിയിൽനിന്ന് പിരിച്ചുവിട്ടതിലുള്ള വൈരാഗ്യത്തെ തുടർന്ന് ബസിന്റെ എൻജിനിൽ ഉപ്പ് വാരിയിട്ട് നശിപ്പിച്ച സംഭവത്തിൽ രണ്ടുപേരെ നിലമ്പൂർ പൂക്കോട്ടുംപാടം പോലീസ് അറസ്റ്റ് ചെയ്തു. കരുവാരകുണ്ട് കേരള പൂച്ചപടി സ്വദേശി റമീസ്, കാരപ്പുറം സ്വദേശി സൽമാൻ എന്നിവരാണ് പിടിയിലായത്. കഴിഞ്ഞ മാസം 30-ന് രാത്രി പത്തരയോടെ പൂക്കോട്ടുംപാടം ഇന്ത്യൻ ഓയിൽ പമ്പിൽ നിർത്തിയിട്ടിരുന്ന, പൂക്കോട്ടുംപാടം - കോഴിക്കോട് റൂട്ടിൽ സർവീസ് നടത്തുന്ന 'സി.കെ.ബി' ബസിന്റെ ബോണറ്റ് തുറന്നാണ് പ്രതികൾ എൻജിനകത്തേക്ക് വലിയ അളവിൽ ഉപ്പിട്ടത്. ബസ് കൃത്യമായി പരിപാലിക്കാത്തതിനെ തുടർന്ന് ഉടമ ഇവരെ ജോലിയിൽനിന്ന് പിരിച്ചുവിട്ടിരുന്നു. ഇതിലുള്ള പകപോക്കലാണ് കൃത്യത്തിന് പിന്നിലെന്ന് പോലീസ്. പിറ്റേ ദിവസം സർവീസ് നടത്തുന്നതിനിടെ ബസിൽനിന്ന് വലിയ അളവിൽ പുക ഉയരുകയും എൻജിന്റെ പ്രവർത്തനം പൂർണ്ണമായും നിലയ്ക്കുകയുമായിരുന്നു. തുടർന്ന് നടത്തിയ പരിശോധനയിലാണ് എൻജിനിൽ ഉപ്പ് കലർന്നത് കണ്ടെത്തിയത്. എൻജിൻ പണിക്കായി ബസുടമയ്ക്ക് രണ്ടു ലക്ഷത്തോളം രൂപ ചെലവഴിക്കേണ്ടിവന്നു. ഉപ്പിട്ടാൽ ആഴ്ചകൾ കൊണ്ട് പതുക്കെയേ എൻജിൻ നശിക്കൂ എന്നാണ് പ്രതികൾ കരുതിയിരുന്ന...

അരീക്കോട്:  സ്‌കൂള്‍ വിദ്യാര്‍ഥികളുടെ കായിക മേളക്ക് ഒരുക്കിയ പവലിയന്‍ നശിപ്പിച്ച നിലയില്‍. മലപ്പുറം അരീക്കോട് സുല്ലമുസലാം ഓറിയന്റല്‍ സ്‌കൂളിന്റെ കായിക മേളക്ക് ഒരുക്കിയ പവലിയനാണ് സാമൂഹ്യ വിരുദ്ധര്‍ തകര്‍ത്തത്. സ്‌കൂള്‍ കായിക മേളക്ക് വേണ്ടി ഒരുക്കിയ പവലിയന്‍ തകര്‍ക്കുകയും ഷീറ്റ് വലിച്ച് കീറുകയും ചെയ്തുവെന്നാണ് പരാതി. രണ്ടു ദിവസങ്ങളിലായി തിരട്ടമ്മല്‍ ഗ്രൗണ്ടില്‍ നടക്കേണ്ടിയിരുന്ന കായികമേളയുടെ ആദ്യദിനത്തിന് ശേഷം, രാത്രി 12 മണിക്കാണ് സാമൂഹ്യ വിരുദ്ധര്‍ ഈ ആക്രമണം നടത്തിയത്. കുട്ടികള്‍ക്ക് ചൂടില്‍ നിന്ന് തണലേകാന്‍ ഒരുക്കിയ പന്തലും ഷീറ്റും ഉള്‍പ്പടെയാണ് അക്രമികള്‍ നശിപ്പിച്ചത്. സംഭവത്തില്‍ സ്‌കൂള്‍ അധികൃതര്‍ പൊലീസിലും ജില്ലാ പൊലീസ് മേധാവിക്കും പരാതി നല്‍കി. മുമ്പ് വാഹനങ്ങള്‍ കയറിയിറങ്ങിയിരുന്ന ഗ്രൗണ്ടില്‍ കായിക മേളയ്ക്കായി വാഹനങ്ങള്‍ വിലക്കിയത് സാമൂഹികവിരുദ്ധരെ പ്രകോപിപ്പിച്ചതാകാമെന്ന് അധ്യാപകര്‍ പറയുന്നു. പവലിയന്‍ തകര്‍ത്തതിനെ തുടര്‍ന്ന് വിദ്യാര്‍ഥികള്‍ പ്രതിഷേധവുമായി രംഗത്തെത്തി.

 മഞ്ചേരി :  വ്യാജരേഖകള്‍ സമർപ്പിച്ച്‌ ബാങ്കില്‍ നിന്ന് 1.48 കോടി രൂപ തട്ടിയെന്ന കേസില്‍ യുവതി അറസ്റ്റില്‍.  തുവ്വൂർ പായിപ്പുള്ള് സ്വദേശി മോനിഷ മോഹനനെയാണ് മഞ്ചേരി പൊലീസ് അറസ്റ്റ് ചെയ്തത്. മഞ്ചേരിയിലെ സ്വകാര്യ ബാങ്ക് ശാഖയില്‍ നിന്നാണ് പണം തട്ടിയതെന്നാണ് പൊലീസിന്റെ കണ്ടെത്തല്‍.  വ്യാജ ആധാരവും നികുതി ചീട്ടും തയ്യാറാക്കി ബാങ്കില്‍ സമർപ്പിച്ചാണ് തട്ടിപ്പ് നടത്തിയതെന്നാണ് കേസ്. കേസില്‍ മോനിഷ മോഹനന്റെ ഭർത്താവ് ശ്രീജിത്താണ് ഒന്നാം പ്രതി. ഇയാള്‍ നിലവില്‍ ഒളിവിലാണെന്നും പൊലീസ് അറിയിച്ചു. സംഭവത്തില്‍ കൂടുതല്‍ അന്വേഷണം തുടരുകയാണ്.

  തിരുവനന്തപുരം : ഡ്രൈവിങ് ലൈസൻസ് നേടാൻ ഇനി പുതിയൊരു കടമ്പ കൂടി. റോഡിൽ വാഹനം ഓടിക്കുമ്പോൾ മുന്നിലുള്ള അപകടസാധ്യതകൾ എത്ര വേഗത്തിൽ തിരിച്ചറിയാൻ കഴിയുമെന്ന് പരിശോധിക്കുന്ന ഹസാർഡ് പെർസെപ്ഷൻ ടെസ്റ്റ് ഇനി ലൈസൻസ് പരീക്ഷയുടെ ഭാഗമാകും. ലേണേഴ്‌സ് പരീക്ഷയ്ക്ക് ശേഷമായിരിക്കും പുതിയ കമ്പ്യൂട്ടർ അധിഷ്ഠിത പരീക്ഷ. ഡിസംബർ ഒന്ന് മുതൽ പുതിയ സംവിധാനം നടപ്പാക്കാനാണ് തീരുമാനം. റോഡപകടങ്ങൾ കുറയ്ക്കുന്നതിനൊപ്പം അപകടസാഹചര്യങ്ങൾ മുൻകൂട്ടി തിരിച്ചറിഞ്ഞ് സമയബന്ധിതമായി പ്രതികരിക്കാൻ ഡ്രൈവർമാരെ പ്രാപ്തരാക്കുകയാണ് പുതിയ പരീക്ഷയുടെ ലക്ഷ്യമെന്ന് ഗതാഗത കമ്മീഷൻ അറിയിച്ചു. നിലവിൽ ലേണേഴ്‌സ് പരീക്ഷ, ഗ്രൗണ്ട് ടെസ്റ്റ്, റോഡ് ടെസ്റ്റ് എന്നിങ്ങനെ മൂന്ന് ഘട്ടങ്ങളിലൂടെയാണ് ലൈസൻസ് നേടേണ്ടത്. പുതിയ പരീക്ഷ കൂടി വരുന്നതോടെ നാല് ഘട്ടങ്ങളാകും. ആദ്യ ഘട്ടമായി ലേണേഴ്‌സ് പരീക്ഷ തുടരും. ഇതിന് പിന്നാലെ രണ്ടാം ഘട്ടത്തിലാണ് ഹസാർഡ് പെർസെപ്ഷൻ ടെസ്റ്റ് നടത്തുക. ഈ പരീക്ഷ വിജയിച്ചാൽ മാത്രമേ മൂന്നാം ഘട്ടമായ ഗ്രൗണ്ട് ടെസ്റ്റിലേക്കും തുടർന്ന് നാലാം ഘട്ടമായ റോഡ് ടെസ്റ്റിലേക്കും പ്രവേശിക്കാനാകൂ. ഡ്രൈവിങിനിടെ ഉണ്ടാകാൻ സാധ്യതയുള്ള അപകടങ്ങൾ തിരിച്ചറിയാ...

  കോഴിക്കോട് :  കമ്മത്ത്‌ലെയ്‌നിലെ വിവിധ ജൂവലറികളില്‍ നിന്നും വ്യാപാരികള്‍ വില്‍ക്കാനേല്‍പ്പിച്ച 1.39 കോടി രൂപയിലധികം വില വരുന്ന 118 പവനിലേറെ സ്വർണാഭരണങ്ങളുമായി മുങ്ങിയ പ്രതി ഒടുവില്‍ പൊലീസിന്റെ വലയിലായി. കോഴിക്കോട് നടക്കാവ് നാലുകുടിപറമ്പില്‍ സഫർനാസിനെയാണ് (29) മലപ്പുറം പുളിക്കലിലെ വാടകവീട്ടില്‍ വെച്ച്‌ സിറ്റി പൊലീസ് പിടികൂടിയത്. കഴിഞ്ഞ ജൂലൈ 28-നാണ് കേസിനാസ്പദമായ സംഭവം നടക്കുന്നത്. മറ്റ് വ്യാപാരികളുടെ കൈവശമുണ്ടായിരുന്ന ലക്ഷക്കണക്കിന് രൂപ വിലമതിക്കുന്ന സ്വർണവുമായി കടന്നുകളഞ്ഞ പ്രതിയെ കണ്ടെത്താൻ സിറ്റി പോലീസ് കമ്മിഷണർ എ.പി. ഷൗക്കത്തലിയുടെ നേതൃത്വത്തില്‍ പ്രത്യേക അന്വേഷണ സംഘം രൂപീകരിച്ച്‌ ഊർജിതമായ അന്വേഷണം നടത്തിവരികയായിരുന്നു. * 46 ദിവസമായി ഒളിവിൽ കഴിഞ്ഞിരുന്ന പ്രതി  പൊലീസിന്റെ നീക്കങ്ങൾ മനസ്സിലാക്കി മൂന്ന് തവണ രക്ഷപ്പെട്ട പ്രതിയെ, ബന്ധുക്കളുടെയും സുഹൃത്തുക്കളുടെയും ഫോൺ ബന്ധങ്ങൾ ഉൾപ്പെടെ കൃത്യമായി പിന്തുടർന്നാണ് അന്വേഷണ സംഘം വലയിലാക്കിയത്. ജൂലൈ 27ന് കമ്മത്ത് ലൈനിലെ 11 ജ്വല്ലറികളിൽ നിന്ന് ആഭരണങ്ങൾ വാങ്ങി തിരികെ നൽകാമെന്ന് പറഞ്ഞാണ് തട്ടിപ്പ് ആസൂത്രണം ചെയ്തതെന്നാണ് പൊല...

  മലപ്പുറം :  വള്ളിക്കുന്നില്‍ മാരത്തണ്‍ ഓട്ടത്തിനിടെ മുൻ കായിക അധ്യാപകൻ കുഴഞ്ഞു വീണ് മരിച്ചു. വള്ളിക്കുന്ന് അത്താണിക്കല്‍ സ്വദേശി ശ്രീകുമാർ (62) ആണ് മരിച്ചത്. ലഹരിക്കെതിരെയുളള ക്യാമ്പയിന്‍റെ ഭാഗമായി ജെസിഐ വള്ളിക്കുന്ന് സംഘടിപ്പിച്ച മാരത്തണ്‍ ഓട്ടത്തിനിടെയാണ് കുഴഞ്ഞു വീണത്. കായിക അധ്യാപകനായി മലപ്പുറം ജില്ലയില്‍ പല സ്കൂളുകളിലും പ്രവർത്തിച്ച്‌ വിരമിച്ചയാളാണ് ശ്രീകുമാർ.

  കോഴിക്കോട്:  പുല്ലാളൂരില്‍ കുടിവെള്ളം ചോദിച്ചെത്തി വീട്ടില്‍ നിന്ന് പണവും സ്വർണവും കവർന്നു. പ്രതിക്കായി അന്യേഷണം ഊര്‍ജ്ജിതമാക്കി. കേസില്‍ പ്രതി സഞ്ചരിച്ച കാർ കണ്ടെത്തി. മലപ്പുറം മേല്‍മുറിയില്‍ ഉപേക്ഷിച്ച നിലയിലാണ് തമിഴ്നാട് രജിസ്ട്രേഷനിലുള്ള കാർ കണ്ടെത്തിയത്. കൊടുവള്ളി സ്വദേശി മക്സൂസ് ഹാനൂക് ആണ് മോഷണം നടത്തിയതെന്നാണ് പൊലീസ് കണ്ടെത്തിരിയിക്കുന്നത് . കുരുവട്ടൂർ പച്ചക്കുളം കുറ്റിപ്പുറത്ത് താഴത്ത് ഇസ്‌മായില്‍ കുട്ടി ഹാജിയുടെ വീട്ടിലാണ് കഴിഞ്ഞ ദിവസം മോഷണം നടന്നത്. വീട്ടിലെ പുരുഷന്മാർ ജുമുഅ നമസ്‌കാരത്തിനായി പള്ളിയില്‍ പോയ സമയത്താണ് കുടിവെള്ളം ആവശ്യപ്പെട്ട് യുവാവ് വീട്ടിലെത്തിയത്. ഈ സമയം വീട്ടില്‍ ഇസ്‌മായില്‍ കുട്ടി ഹാജിയുടെ ഭാര്യ ആമിനയും മരുമകള്‍ സഫ്‌നയും മാത്രമാണ് ഉണ്ടായിരുന്നത്. വെള്ളം എടുക്കുന്നതിനായി ഇരുവരും അകത്തേക്ക് പോയ സമയത്ത് യുവാവ് വീട്ടിനുള്ളില്‍ കയറി ഷെല്‍ഫില്‍ സൂക്ഷിച്ചിരുന്ന ഒന്നര ലക്ഷം രൂപയും അഞ്ചര പവൻ സ്വർണവും കവരുകയായിരുന്നു. വെള്ളവുമായി പുറത്തേക്ക് എത്തിയപ്പോഴാണ് യുവാവിനെ കാണാനില്ലെന്ന് വീട്ടുകാർ ശ്രദ്ധിച്ചത്. തുടർന്ന് നടത്തിയ പരിശോധനയിലാണ് പണവും സ്വർണവും നഷ്ട...

  ഝാൻസി:   ഉത്തർ പ്രദേശില്‍ റീല്‍ ചിത്രീകരിക്കാൻ വേണ്ടി ഡാമിലേക്ക് ചാടിയ യുവാവിന് ഗുരുതര പരിക്ക്. 38കാരനായ പുഷ്പേന്ദ്രയ്ക്കാണ് പരിക്കേറ്റത്. ഇയാളുടെ ഇരുകാലുകളും ഒടിഞ്ഞു. ഡാമില്‍ വെള്ളമുണ്ടെന്ന് തെറ്റിദ്ധരിച്ചു ചാടിയതാണ് യുവാവിന് വിനയായത്. വെള്ളം കുറവുള്ള ഭാഗത്തേക്ക് ചാടിയ യുവാവ് പാറയിലേക്ക് പതിച്ചതാണ് പരിക്കിന് കാരണമായത്. ഝാൻസിയിലെ പഹുജ് ഡാമിലാണ് സംഭവം. ഇക്കഴിഞ്ഞ ഞായറാഴ്ച ആണ് പുഷ്പേന്ദ്രയും സുഹൃത്തുക്കളും സോഷ്യല്‍ മീഡിയയിലേക്ക് റീല്‍ ചിത്രീകരിക്കാനായി ഡാമില്‍ എത്തിയത്. സാഹസിക റീല്‍ ചിത്രീകരിക്കാനായി, യുവാവ് ഡാമിൻ്റെ വ്യൂ പോയിന്റിലുള്ള ഇരുമ്പ് കമ്പിയില്‍ കയറുകയും 30 അടി ഉയരത്തില്‍നിന്ന് വെള്ളത്തിലേക്ക് ചാടുകയുമായിരുന്നു. വെള്ളം കുറവുള്ള ഭാഗത്തെ പാറയിലേക്ക് ഇടിച്ചുവീണതോടെ യുവാവിൻ്റെ ഇരുകാലുകള്‍ക്കും പരിക്കേറ്റു. പരിക്കിനെ തുടർന്ന് യുവാവിന് കരയിലേക്ക് കയറാനായില്ല. വെള്ളത്തില്‍ മുങ്ങുന്ന സാഹചര്യമുണ്ടായതോടെ യുവാവ് കൈകള്‍ ഉപയോഗിച്ച്‌ വെള്ളത്തില്‍ പൊങ്ങിക്കിടക്കാൻ ശ്രമം നടത്തി. സംഭവം കണ്ട് പന്തികേട് മനസ്സിലാക്കിയ ഒപ്പമുണ്ടായിരുന്നവർ യുവാവിനെ ഉടൻതന്നെ കരയ്ക്ക് കയറ്റി. ഉടൻതന്നെ പൊലീസും...

  തിരുവനന്തപുരം : പി.എം ശ്രീ പദ്ധതി നടപ്പാക്കുന്നതിനെതിരെ കെ.പി.സി.സി ഭാരവാഹി യോഗത്തില്‍ ഒരു വിഭാഗം നേതാക്കള്‍ രംഗത്തെത്തി. പദ്ധതിയെക്കുറിച്ച്‌ പൊതുസമൂഹത്തെ ബോദ്ധ്യപ്പെടുത്താൻ കഴിയില്ലെന്ന് നേതാക്കള്‍ ചൂണ്ടിക്കാട്ടി. പി.എം ശ്രീ തിരഞ്ഞെടുപ്പ് വിജയത്തിന് കാരണമായെന്നും പദ്ധതി നടപ്പാക്കരുതെന്നുമാണ് കെ.പി.സി.സി യോഗത്തില്‍ നേതാക്കള്‍ ആവശ്യപ്പെട്ടത്.  എന്നാല്‍ പി.എം ശ്രീ മാത്രമല്ല തിരഞ്ഞെടുപ്പ് വിജയത്തിന് കാരണമെന്നും പദ്ധതിയില്‍ നിന്ന് പിൻമാറാൻ ആകില്ലെന്നും മുഖ്യമന്ത്രി വി.ഡി. സതീശൻ മറുപടി നല്‍കി. മറ്റ് സംസ്ഥാനങ്ങളിലെ കോണ്‍ഗ്രസ് മുഖ്യമന്ത്രിമാർ പദ്ധതി നടപ്പാക്കിയിട്ടുണ്ടെന്നും കേന്ദ്രത്തിന് മുൻപാകെ ഉപാധികള്‍ വയ്ക്കുമെന്നും വി.ഡി. സതീശൻ കൂട്ടിച്ചേർത്തു. പി.എം. നിയാസ്, ദീപ്തി മേരി വർഗീസ്, മാത്യു കുഴല്‍നാടൻ, എ.എ. ഷുക്കൂർ തുടങ്ങിയവരാണ് പി.എം ശ്രീയെ എതിർത്തത്. പി.എം ശ്രീ വിഷയം യു.ഡി.എഫ് വിജയത്തിന് കാരണമായെന്ന് നിയാസ് പറഞ്ഞു. എന്നാല്‍ അതു മാത്രമല്ല കാരണമെന്ന് മുഖ്യമന്ത്രി മറുപടി നല്‍കി. കരിക്കുലം, സ്കൂളുകള്‍ എന്നിവ സംസ്ഥാന സർക്കാർ തീരുമാനിക്കുമെന്നും ഉപാധി വയ്ക്കുമെന്നും മുഖ്യമന്ത്രി വ്യക്...

  മലപ്പുറം:  മദ്യപിച്ച്‌ വീട്ടിലെത്തി, ഭാര്യയുമായി വഴക്കിട്ട്, എട്ടുവയസുകാരിയായ മകളുടെ മേല്‍ തിളച്ച വെള്ളമൊഴിച്ച പിതാവ് അ‌റസ്റ്റില്‍.ഊർങ്ങാട്ടിരി പഞ്ചായത്തില്‍ കക്കാടംപൊയില്‍ കരിമ്പ് ഉന്നതിയിലെ നാടുവാഴി വീട്ടില്‍ എം. മജു (47) ആണ് അറസ്റ്റിലായത്.  മദ്യപാനത്തിന് ശേഷം വീട്ടിലെത്തിയ ഇയാള്‍ ഭാര്യയുമായി വഴക്കിട്ടു. വഴക്ക് മൂത്തതോടെ അ‌ടുപ്പത്തിരുന്ന തിളച്ച കഞ്ഞിവെള്ളം ഇയാള്‍ ഭാര്യക്ക് നേരേ എടുത്ത് ഒഴിച്ചു. എന്നാല്‍ ഭാര്യ പെട്ടെന്ന് ഒഴിഞ്ഞുമാറിയപ്പോള്‍ പിന്നില്‍ നിന്ന മകളുടെ ദേഹത്തേക്ക് ഈ തിളച്ച വെള്ളം വീഴുകയായിരുന്നു. ഇതിനെത്തുടർന്ന് കുട്ടിയുടെ കാലിന് ഗുരുതരമായ പൊള്ളലേറ്റു. തുടർന്ന് പരുക്കേറ്റ മകളെ പിതാവ് തന്നെ ആശുപത്രിയില്‍ എത്തിച്ചു. അ‌തിന് ശേഷം ഇയാള്‍ അ‌വിടെനിന്ന് രക്ഷപ്പെട്ടു. കുട്ടിയെ പിന്നീട് കോഴിക്കോട് മെഡിക്കല്‍ കോളേജ്‌ ആശുപത്രിയിലേക്കു മാറ്റി. സംഭവ ശേഷം ഒളിവില്‍പോയ മജുവിനെ പിന്നീട് പോലീസ് ചുണ്ടത്തുപൊയിലില്‍നിന്ന് പിടികൂടിയത്. തുടർന്ന് കോടതിയില്‍ ഹാജരാക്കി റിമാൻഡ്‌ചെയ്തു.

  കണ്ണൂര്‍:  കണ്ണൂര്‍ ചൊക്ലിയില്‍ നിന്ന് പതിനേഴുകാരനായ ശിവസൂര്യ നാടുവിട്ടിട്ട്  ഒരു മാസം തികയുന്നു. കേരള പോലിസും പ്രത്യേക അന്വേഷണ സംഘവും നാടൊട്ടാകെ അരിച്ചുപെറുക്കിയിട്ടും പതിനേഴുകാരന്‍ എവിടെയെന്നതില്‍ യാതൊരു സൂചനയുമില്ല. ഞാന്‍ കാശിയിലേക്ക് പോകുന്നു.. ഇനിയുള്ള കാലം അവിടെ ജീവിച്ച്‌ ദൈവത്തോട് അലിയും' എന്നൊരു കുറിപ്പ് എഴുതിവച്ചാണ് പതിനേഴുകാരന്‍ നാടുവിട്ടത്. വീട്ടുകാര്‍ മൊബൈല്‍ ഫോണ്‍ വാങ്ങി വെച്ചതിലുള്ള മാനസിക വിഷമത്തെ തുടര്‍ന്നാണ് കഴിഞ്ഞ മാസം എട്ടാം തീയതി ശിവസൂര്യ വീടുവിട്ടിറങ്ങിയത്. തുടര്‍ന്ന് പോലിസ് നടത്തിയ തെരച്ചിലിലാണ് കാശിയിലേക്ക് പോകുന്നുവെന്ന് വ്യക്തമാക്കുന്ന കുറിപ്പ് വീട്ടില്‍ നിന്നും കണ്ടെത്തിയത്. എന്നാല്‍ ഒരു മാസം പിന്നിട്ടിട്ടും മകനെക്കുറിച്ച്‌ യാതൊരു വിവരവുമില്ലാത്തത് കുടുംബത്തെ കടുത്ത ആശങ്കയിലാഴ്ത്തിയിരിക്കുകയാണ്. ഒടുവില്‍ ശിവസൂര്യയെ തേടി വാരണാസിയിലേക്ക് പോയ പോലിസ് സംഘം തിരികെ മടങ്ങിയിരുന്നു. ഒരാഴ്ച പരിശോധന നടത്തിയിട്ടും ശിവസൂര്യയെക്കുറിച്ച്‌ സൂചനകളൊന്നുമില്ല. യുപി പോലിസിന്റെ സഹായത്തോടെ 100ലേറെ സിസിടിവി ക്യാമറകളാണ് പരിശോധിച്ചത്. മലയാളി അസോസിയേഷന്‍ പ്രവര്‍ത്തകര...

പഞ്ചാബ്: തങ്ങളുടെ മകൻ എന്ന് തെറ്റിദ്ധരിച്ച്‌ മൃതസംസ്കാര ചടങ്ങുകളും മറ്റ് അന്ത്യക്രിയകളും പൂർത്തിയാക്കി കുറച്ച്‌ ദിവസങ്ങള്‍ കഴിഞ്ഞ് അവർ കേട്ടത് തങ്ങളുടെ മകൻ മരിച്ചിട്ടില്ലെന്ന വാർത്തയാണ്. സംഭവത്തിന് ശേഷമുണ്ടയ ഞെട്ടലിലും ആശ്വാസത്തിലുമാണ് പഞ്ചാബിലെ കപൂർത്തലയിലുള്ള ഒരു കുടുംബം. മരിച്ചുവെന്ന് കരുതി മൃതദേഹം സംസ്‌കരിച്ച യുവാവ് ജയിലില്‍ ജീവനോടെയുണ്ടെന്നാണ് കുടുംബത്തിന് വിവരം ലഭിച്ചത്. കപൂർത്തല സ്വദേശിയായ രവി കുമാറിനെ ഓഗസ്റ്റ് 5-നാണ് വീട്ടില്‍ നിന്ന് കാണാതാകുന്നത്. കുടുംബാംഗങ്ങള്‍ തിരച്ചില്‍ നടത്തിയെങ്കിലും കണ്ടെത്താനായില്ല. തുടർന്ന് ഓഗസ്റ്റ് 11-ന് ഇവർ കപൂർത്തല സിറ്റി പോലീസ് സ്റ്റേഷനില്‍ പരാതി നല്‍കി. ഇതിനിടയില്‍, കത്തിക്കരിഞ്ഞ നിലയില്‍ കണ്ടെത്തിയ ഒരു യുവാവിന്‍റെ മൃതദേഹത്തിന്‍റെ ചിത്രങ്ങള്‍ പോലീസ് കുടുംബത്തെ കാണിച്ചു. കുറച്ചു ദിവസങ്ങള്‍ക്ക് ശേഷം കുടുംബാംഗങ്ങളും നാട്ടുകാരും ചേർന്ന് അത് രവി കുമാറിന്‍റെ മൃതദേഹമാണെന്ന് തെറ്റായി തിരിച്ചറിഞ്ഞു. ഓഗസ്റ്റ് 13-ന് കുടുംബം മൃതദേഹം സംസ്‌കരിക്കുകയും ചെയ്തു. എന്നാല്‍ സെപ്റ്റംബർ 2-ന് കാര്യങ്ങള്‍ മാറിമറിഞ്ഞു. കപൂർത്തല സെൻട്രല്‍ ജയിലിലെ ജീവനക്കാരൻ രവി കുമാറിന്‍റ...

കൊണ്ടോട്ടി:  പ്രസവത്തിന് പിന്നാലെ ഗുരുതരാവസ്ഥയിലായ യുവതി ചികിത്സയിലിരിക്കെ മരിച്ചു. തുറക്കല്‍ സ്വദേശി പള്ളത്തില്‍ റീം സിതാര (24) ആണ് മരിച്ചത്. വെള്ളിയാഴ്ച രാവിലെയാണ് പ്രസവത്തിനായി യുവതിയെ കൊണ്ടോട്ടിയിലെ സ്വകാര്യ ആശുപത്രിയില്‍ പ്രവേശിപ്പിച്ചത്. വൈകീട്ടോടെ പ്രസവം നടന്നതിന് പിന്നാലെ അമിത രക്തസ്രാവമുണ്ടായതായാണ് ബന്ധുക്കള്‍ പറയുന്നത്. ആരോഗ്യനില ഗുരുതരമായതിനെ തുടർന്ന് റീം സിതാരയെ കോഴിക്കോട് സ്വകാര്യ ആശുപത്രിയിലേക്ക് മാറ്റി ചികിത്സ നല്‍കുകയായിരുന്നു. എന്നാല്‍ ശനിയാഴ്ച പുലർച്ചയോടെ മരണം സംഭവിച്ചു. നവജാത ശിശുവിനെ മഞ്ചേരി മെഡിക്കല്‍ കോളജ് ആശുപത്രിയില്‍ ചികിത്സയില്‍ പ്രവേശിപ്പിച്ചിരിക്കുകയാണ്. ചികിത്സയ്ക്കിടെ ഉണ്ടായ ഗുരുതരാവസ്ഥയും മരണവും സംബന്ധിച്ച്‌ ഡോക്ടറുടെ അനാസ്ഥയുണ്ടായെന്നാണ് ബന്ധുക്കളുടെ ആരോപണം. സംഭവത്തില്‍ ചികിത്സയുമായി ബന്ധപ്പെട്ട സാഹചര്യങ്ങള്‍ സംബന്ധിച്ച്‌ കൂടുതല്‍ വ്യക്തത ആവശ്യപ്പെട്ട് ബന്ധുക്കള്‍ രംഗത്തെത്തിയിട്ടുണ്ട്. തുറക്കല്‍ ജാബിർ പള്ളത്തിലിന്റെയും ഷെറീന മണ്ണാരിലിന്റെയും മകളാണ് റീം സിതാര. മഞ്ചേരി വീമ്പൂർ മാരിയാട് സ്വദേശി പി. മുഹമ്മദ് വാസീം (മദീന) ആണ് ഭർത്താവ്. നസല്‍ ഷാഹിൻ, ...

രാമനാട്ടുകര :  തോട്ടുങ്ങലിലെ  ബീവറേജ് ഔട്ട്‌ലെറ്റിന്റെ പൂട്ടുപൊളിച്ച് 2.60 ലക്ഷം രൂപ മോഷ്ടിച്ച കേസിലെ പ്രതി കാരാട് സ്വദേശിയായ പുല്ലാലയിൽ ഷിജിൽ (26) പിടിയിലായി. ഡൽഹിയിലെ മഹിപാൽപുരിൽ ഒളിവിൽ കഴിയുന്നതിനിടെയാണ് ഫറോക്ക് പോലീസും പ്രത്യേക അന്വേഷണ സംഘവും ചേർന്ന് പ്രതിയെ സാഹസികമായി പിടികൂടിയത്. കമ്മിഷണർ ഷൗക്കത്തലി ഐ.പി.എസിന്റെ പ്രത്യേക മേൽനോട്ടത്തിൽ, ഫറോക്ക് അസിസ്റ്റന്റ് കമ്മിഷണർ എ. പ്രേമജിത്തിന്റെ നേതൃത്വത്തിലുള്ള ഫറോക്ക് സ്‌ക്വാഡും എസ്.ഐ. മിഥുനിന്റെ നേതൃത്വത്തിലുള്ള ഫറോക്ക് പോലീസും ചേർന്നാണ് ഡൽഹിയിലെത്തി പ്രതിയെ പിടികൂടിയത്. സ്വാതന്ത്ര്യദിനത്തോടനുബന്ധിച്ച് ബീവറേജ് ഔട്ട്‌ലെറ്റിന് അവധിയായിരുന്ന ആഗസ്റ്റ് 15-ാം തീയതി രാത്രിയിലാണ് മോഷണം നടന്നത്. അന്വേഷണ സംഘത്തെ വഴിതെറ്റിക്കാൻ പ്രതി ആസൂത്രിതമായ രീതിയിലാണ് കുറ്റകൃത്യം നടത്തിയതെന്നാണ് പോലീസ് കണ്ടെത്തൽ. മോഷണത്തിന് മുമ്പ് രാമനാട്ടുകരയിൽ അന്യസംസ്ഥാന തൊഴിലാളികൾ താമസിക്കുന്ന മുറിയിലെത്തിയ പ്രതി, പുറത്തുള്ള അയയിൽ ഉണക്കാനിട്ടിരുന്ന വസ്ത്രങ്ങളും ഒരു കുടയും മോഷ്ടിച്ചു. തുടർന്ന് ഈ വസ്ത്രങ്ങൾ ധരിക്കുകയും കുട നിവർത്തി മുഖം മറച്ചുമാണ് പ്രതി ബീവറേജ് ഔട...

  തിരൂരങ്ങാടി:  കാർ ഡിവൈഡറിൽ ഇടിച്ചു മറിഞ്ഞ് പരിക്കേറ്റു ചികിത്സയിലായിരുന്ന മൂന്ന് വയസ്സുകാരി മരിച്ചു. കൊടിഞ്ഞി കാളന്തിരുത്തി കൊല്ലംതൊടി തൻവീർ സഫ്ന ഷെറിൻ ദമ്പതികളുടെ മകൾ സൂന നഹർ ആണ് മരിച്ചത്. കഴിഞ്ഞ 31ന് വൈകിട്ട് നാലിന് ദേശീയപാതയിലെ  വെളിമുക്കിലായിരുന്നു അപകടം. സഫ്ന ഷെറിന്റെ മാതാപിതാക്കളും ബന്ധുക്കളും പണിക്കൊട്ടുംപടിയിലെ വീട്ടിലേക്ക് മടങ്ങുമ്പോഴാണ് അപകടം. വെളിമുക്കിൽ വെച്ച് നിയന്ത്രണംവിട്ട കാർ ഡിവൈഡറിൽ ഇടിച്ചു മറിയുകയായിരുന്നു. അപകടത്തില്‍ കുട്ടിയുടെ തലയോട്ടിക്ക് ഗുരുതരമായി പരിക്കേറ്റു. ഉടൻ തന്നെ കോഴിക്കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ആരോഗ്യനില ഗുരുതരമായതിനെ തുടർന്ന് കൂടുതല്‍ വിദഗ്ദ്ധ ചികിത്സയ്ക്കായി കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കാനായില്ല.

  വയനാട്:  മാപ്പിളപ്പാട്ട് ഗായകൻ നിസാർ വയനാട് ദുബൈയില്‍ അന്തരിച്ചു. 44 വയസായിരുന്നു. വയനാട്  കമ്പളക്കാട് സ്വദേശിയാണ്. സംഗീതപരിപാടിക്കായി കഴിഞ്ഞമാസം ദുബൈയിലെത്തിയതാണ്. പനിയെ തുടർന്നാണ് ആശുപത്രിയില്‍ ചികില്‍സ തേടിയത്. ഇന്ന് വൈകുന്നേരം ദുബൈ മൻഖൂല്‍ ആശുപത്രിയിലായിരുന്നു മരണം. അടുത്തദിവസം സൗദിയിലും, ദുബൈയിലും വിവിധ സംഗീതപരിപാടിയില്‍ പങ്കെടുക്കാനിരിക്കെയാണ് മരണം. നിരവധി മാപ്പിളപ്പാട്ട് ആല്‍ബങ്ങളില്‍ പാടി അഭിനയിച്ചിട്ടുണ്ട്. 'പ്രഫസർ ഡിങ്കൻ' എന്ന മലയാള സിനിമയിലും, കന്നട സിനിമയിലും പിന്നണി ഗായകനായി ഗാനമാലപിച്ചു. ബോളിവുഡ് ഗായകൻ ഉദിത്ത് നാരായണന്റെ ശബ്ദ സാദൃശ്യമാണ് ഗാനമേള വേദികളില്‍ നിസാറിനെ ശ്രദ്ധേയനാക്കിയത്. ഇറോത്ത് വീട്ടില്‍ ഇബ്രായിയുടെയും സൈനബയുടേയും മകനാണ്. ഭാര്യ: ഷഹന നിസാർ. മക്കള്‍: സിംബ്രീന, അംബ്രീന, സഹോദരങ്ങള്‍: ബുഷറ, നസീറ, അൻസാർ.

കോഴിക്കോട് :  താമരശ്ശേരി ചുരം ഏഴാം വളവിൽ കണ്ടെയ്നർ ലോറി സംരക്ഷണ ഭിത്തിയിലേക്ക് ഇടിച്ചു കയറിയതിനെ തുടർന്ന് ചുരത്തിൽ രൂക്ഷമായ ഗതാഗതക്കുരുക്ക് രൂപപ്പെട്ടു. അപകടത്തെത്തുടർന്ന് വലിയ വാഹനങ്ങൾക്ക് കടന്നുപോകാൻ സാധിക്കാത്ത അവസ്ഥയാണുള്ളത്. ട്രാവലർ അടക്കമുള്ള ചെറിയ വാഹനങ്ങൾ മാത്രമാണ് നിലവിൽ ഒരു വശത്തുകൂടി സാവധാനം കടത്തിവിടുന്നത്. ചുരം കയറാനായി വാഹനങ്ങളുടെ നിര കിലോമീറ്ററുകളോളം നീണ്ടുകിടക്കുന്നതിനാൽ യാത്രക്കാർ കടുത്ത ദുരിതത്തിലാണ്. കണ്ടെയിനർ ലോറി നീക്കം ചെയ്യാനായി ക്രെയിൻ സംഭവസ്ഥലത്തേക്ക് തിരിച്ചിട്ടുണ്ട്, വാഹനം മാറ്റിയ ശേഷം മാത്രമേ ഗതാഗതം പൂർണ്ണതോതിൽ പുനഃസ്ഥാപിക്കാൻ സാധിക്കൂ. അതിനാൽ അത്യാവശ്യ യാത്രക്കാർ സമയം ക്രമീകരിച്ച് മാത്രം യാത്ര തിരിക്കണമെന്ന് അഭ്യർത്ഥിക്കുന്നു.  

  കോഴിക്കോട്:  വടകര മുക്കാളി റെയില്‍വേ സ്‌റ്റേഷനില്‍ ട്രാക്കിലേക്ക് ലോറി വീണു. ഇന്ന് രാവിലെ 7.30ഓടെയാണ് അപകടം. ഇതോടെ ട്രെയിനുകള്‍ വൈകുകയാണ്. റെയില്‍വേ സ്റ്റേഷനില്‍ പ്ലാറ്റ്ഫോം വികസന ജോലികള്‍ നടന്നു വരികയായിരുന്നു. ഇതിന്റെ ഭാഗമായി പ്ലാറ്റ്ഫോമിലേക്ക് മണ്ണ് നിറയ്ക്കുന്നതിനിടെ നിയന്ത്രണംവിട്ട ലോറി ട്രാക്കിലേക്ക് മറിയുകയായിരുന്നു. അപകടത്തെത്തുടര്‍ന്ന് പാതയിലൂടെയുള്ള തീവണ്ടി ഗതാഗതം താത്കാലികമായി നിര്‍ത്തിവെച്ചു. ട്രാക്കില്‍ വീണ ലോറി മാറ്റുന്നതിനുള്ള ശ്രമങ്ങള്‍ റെയില്‍വേ അധികൃതരും പ്രദേശവാസികളും ചേര്‍ന്ന് നടത്തുകയാണ്.

 

മുംബൈ : പ്രാർഥിക്കാനായി ബെർത്തില്‍ ദീപം കത്തിച്ചുവെച്ചതിന് 55 വയസ്സുള്ള യാത്രക്കാരനെ ദീർഘദൂര ട്രെയിനില്‍നിന്ന് ഇറക്കിവിട്ടു. ഇയാളുടെപേരില്‍ റെയില്‍വേ പോലീസ് കേസുമെടുത്തു ഹസ്രത്ത് നിസാമുദ്ദീൻ-മൈസൂരു എക്സ്പ്രസില്‍ കഴിഞ്ഞദിവസമാണ് സംഭവം. മധ്യപ്രദേശിലെ ഗ്വാളിയറില്‍നിന്നുള്ള ഗരീബ എന്ന യാത്രക്കാരനായിരുന്നു ബെർത്തില്‍ ദീപം കത്തിച്ചുവെച്ചത്. യാത്രക്കാരനില്‍നിന്ന് തീപ്പെട്ടി, ഒരു ധൂപപാത്രം എന്നിവ കണ്ടെടുക്കുകയും ഭൂസാവല്‍ സ്റ്റേഷനില്‍ ഇറക്കിവിടുകയുമായിരുന്നു.തീപിടിക്കാൻ സാധ്യതയുണ്ടെന്ന് ടി.ടി.ഇ. യാത്രക്കാരനോട് പറഞ്ഞെങ്കിലും പ്രാർഥന കഴിഞ്ഞിട്ട് അണയ്‌ക്കാമെന്ന് പറയുകയായിരുന്നു. ഇക്കാര്യങ്ങളെല്ലാം ടി.ടി.ഇ.യുടെ മൊബൈല്‍ ഫോണിലും പകർത്തിയിട്ടുണ്ടെന്ന് റെയില്‍വേ അറിയിച്ചു.

  സേലം:  ഇഷ്‌ടികവ്യാപാരിയായ യുവാവിനെ വഴിയരികിൽ കാറിൽ മരിച്ചനിലയിൽ കണ്ടെത്തിയ സംഭവം കൊലപാതകമെന്ന് തെളിഞ്ഞു. സംഭവത്തിൽ പ്രതിയായ ഭാര്യ കാമുകനൊപ്പം പിടിയിൽ. സേലം ഓമലൂരിലാണ് സംഭവം. ഓമലൂർ സ്വദേശി വി ഭൂപതി (45) എന്ന ഇഷ്‌ടിക വ്യാപാരിയാണ് കൊല്ലപ്പെട്ടത്. ഇയാളുടെ ഭാര്യ സുജിതശ്രീയെ (31) പൊലീസ് അറസ്റ്റ് ചെയ്‌തു.  ഓമലൂർ-ശങ്കരി റോഡിലെ ആറ്റുകാർന്നൂർ സഹകരണ സൊസൈറ്റിക്ക് മുന്നിലായി കാറിനുള്ളിൽ രണ്ട് ദിവസം മുൻപാണ് ഭൂപതിയുടെ മൃതദേഹം കണ്ടത്. ഭർത്താവും താനും ക്ഷേത്രത്തിൽ പോകുമ്പോൾ മോഷ്‌ടാക്കൾ കാറുതടഞ്ഞ് ഭൂപതിയെ കൊലപ്പെടുത്തി എന്നാണ് സുജിതശ്രീ പൊലീസിന് മൊഴി നൽകിയത്. അജ്ഞാതരായ മൂന്നുപേരാണ് കൊലയാളികളെന്നും കത്തികാട്ടി തന്റെ 12 പവൻ ആഭരണങ്ങളും ഇവർ തട്ടിയെടുത്തെന്നായിരുന്നു സുജിതശ്രീയുടെ മൊഴി.  എന്നാൽ ഇതിൽ ഭൂപതിയുടെ ബന്ധുക്കൾ സംശയം പ്രകടിപ്പിച്ചു. തുടർന്ന് ഓമലൂർ പൊലീസ് വീട്ടിൽ നടത്തിയ പരിശോധനയിൽ രക്തക്കറ കണ്ടെത്തി. ഇതോടെ കൊലപാതക വിവരം പുറത്താകുകയായിരുന്നു. സുജിതശ്രീക്ക് പ്രദേശവാസിയായ സന്തോഷ് രാജ് എന്നയാളുമായി ബന്ധമുള്ളതായി പൊലീസ് കണ്ടെത്തി. ഈ പ്രശ്‌നത്തിൽ ഭൂപതിയും സുജിതശ്രീയും തമ്മിൽ തർക്കം പ...

വേങ്ങര :  വേങ്ങരയിൽ വിദ്യാർത്ഥികൾ തമ്മിൽ ചേരിതിരിഞ്ഞ്  വീണ്ടും സംഘട്ടനം. വേങ്ങര ബോയ്സ് സ്കൂളിലെ ജൂനിയർ-സീനിയർ വിദ്യാർത്ഥികൾ തമ്മിലാണ് ഏറ്റുമുട്ടലുണ്ടായത്. സ്കൂൾ വളപ്പിൽ നിന്ന് ആരംഭിച്ച തർക്കം പിന്നീട് വേങ്ങര ടൗണിലേക്ക് വ്യാപിക്കുകയായിരുന്നു. ടൗണിൽ വലിയ രീതിയിലുള്ള സംഘർഷാന്തരീക്ഷമാണ് ഇത് സൃഷ്ടിച്ചത്. സംഘർഷത്തിൽ ഒരു വിദ്യാർത്ഥിയുടെ തലയ്ക്ക് പരിക്കേറ്റു. കുട്ടിയെ വേങ്ങരയിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. നാട്ടുകാരും പൊലിസും ചേര്‍ന്ന് വിദ്യാര്‍ത്ഥികളെ വിരട്ടിയോടിച്ചാണ് രംഗം ശാന്തമാക്കിയത്. രംഗം ശാന്തമാക്കിയതും വിദ്യാർത്ഥികളെ അവിടെനിന്ന് പിരിച്ചുവിട്ടതും. ഒരിടവേളയ്ക്ക് ശേഷം പ്രദേശത്ത് വിദ്യാർത്ഥികൾ തമ്മിൽ വീണ്ടും സംഘർഷമുണ്ടായത് നാട്ടുകാരിൽ ആശങ്ക പരത്തിയിട്ടുണ്ട്.  

  മലപ്പുറം:  മുഖ്യമന്ത്രിയുടെ ഇസ്‌ലാം വിരുദ്ധ പരാമര്‍ശം പിന്‍വലിക്കണമെന്ന ആവശ്യവുമായി എപി സമസ്തയുടെ ബഹുജന സംഘടനയായ കേരള മുസ്‌ലിം ജമാഅത്ത് രംഗത്ത്. കേരള മുസ്‌ലിം ജമാഅത്ത് മലപ്പുറം ജില്ലാ കമ്മിറ്റിയാണ് ആവശ്യം ഉന്നയിച്ച് പ്രസ്താവന പുറത്തിറക്കിയിരിക്കുന്നത്.  മുഖ്യമന്ത്രി പ്രസ്താവന പിന്‍വലിച്ച് മുസ്‌ലിം സമൂഹത്തോട് മാപ്പ് പറയണമെന്നാണ് എപി സമസ്തയുടെ ബഹുജന സംഘടന ആവശ്യം.ഇസ്ലാമിക ചരിത്രത്തെയും സംഭവങ്ങളെയും തെറ്റായി വ്യാഖ്യാനിച്ച് അത് സന്ദര്‍ഭം പോലും മനസ്സിലാക്കാതെ പരസ്യമായി വിളിച്ചുപറയുന്നത് മുഖ്യമന്ത്രിയുടെ പദവിക്ക് യോജിച്ചതല്ലെന്ന് കേരള മുസ്‌ലിം ജമാഅത്ത് കുറ്റപ്പെടുത്തി.  വിശുദ്ധ ഖുര്‍ആനെയും പ്രവാചകനെയും ഇസ്‌ലാമിക ചരിത്രത്തെയും ശരിയായ രീതിയില്‍ പഠിച്ച് മനസ്സിലാക്കാന്‍ വായനാ പ്രിയനെന്ന് അവകാശപ്പെടുന്ന മുഖ്യമന്ത്രി ഇനി തയ്യാറാകണമെന്നും മലപ്പുറം ജില്ലാ കമ്മിറ്റി ആവശ്യപ്പെട്ടു. മുഖ്യമന്ത്രി പരാമര്‍ശം പിന്‍വലിച്ച് മുസ്‌ലിം സമൂഹത്തോട് മാപ്പ് പറയണമെന്നാണ് ആവശ്യം. കാന്തപുരം എ പി അബൂബക്കര്‍ മുസ്‌ലിയാരുടെ സ്ത്രീ വിരുദ്ധ പ്രസ്താവനയ്‌ക്കെതിരെ മുഖ്യമന്ത്രി ഇന്ന് നിലപാട് വ്യക്തമാക്കിയിരു...

  തിരൂരങ്ങാടി:   സമൂഹമാധ്യമ പ്ലാറ്റ്‌ഫോമായ സ്‌നാപ്‌ചാറ്റ് വഴി പരിചയപ്പെട്ട യുവതിയുടെ സ്വകാര്യ ചിത്രങ്ങളും വീഡിയോകളും പ്രചരിപ്പിക്കുകയും ഭീഷണിപ്പെടുത്തുകയും ചെയ്‌തെന്ന കേസില്‍ യുവാവ് അറസ്റ്റില്‍. കോഴിക്കോട് കൊയിലാണ്ടി കുറുവങ്ങാട് സ്വദേശി എൻ.കെ. അനന്ദു (22) വിനെയാണ് മലപ്പുറം തിരൂരങ്ങാടി പോലീസ് അറസ്റ്റ് ചെയ്തത്. യുവതിയെ ഭീഷണിപ്പെടുത്തി സ്‌നാപ്‌ചാറ്റ് അക്കൗണ്ടിന്റെ പാസ്‌വേഡ് കൈക്കലാക്കിയ ശേഷമാണ് പ്രതി സ്വകാര്യ ചിത്രങ്ങളും വീഡിയോകളും പ്രചരിപ്പിച്ചതെന്നാണ് കേസ്. സംഭവത്തില്‍ യുവതി നല്‍കിയ പരാതിയുടെയും മൊഴിയുടെയും അടിസ്ഥാനത്തിലാണ് തിരൂരങ്ങാടി പോലീസ് കേസെടുത്തത്. കേസെടുത്തതിന് പിന്നാലെ പ്രതിയെ പിടികൂടാനുള്ള നടപടികള്‍ പോലീസ് ശക്തമാക്കിയിരുന്നു. ഇതിനിടെ അനന്ദു വിദേശത്തേക്ക് പോകാനുള്ള നീക്കത്തിലായിരുന്നുവെന്ന് പോലീസ് അറിയിച്ചു. വിദേശത്തേക്ക് കടക്കാൻ ശ്രമിച്ച ദിവസമാണ് പ്രതിയെ പോലീസ് പിടികൂടിയത്. തിരൂരങ്ങാടി പോലീസ് ഇൻസ്‌പെക്ടർ പ്രദീപ്‌കുമാറിന്റെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്. സബ് ഇൻസ്‌പെക്ടർ സഫുവാൻ, അസിസ്റ്റന്റ് സബ് ഇൻസ്‌പെക്ടർമാരായ സുബൈർ, സതീഷ്, മഞ്ജുഷ എന്നിവരും...

  മലപ്പുറം:  അമീബിക് മസ്തിഷ്കജ്വരം ബാധിച്ച് കോഴിക്കോട് മെഡിക്കൽ കോളജിൽ ചികിത്സയിലായിരുന്ന യുവാവ് മരിച്ചു. മലപ്പുറം പിലാത്തറ സ്വദേശി മുഹമ്മദ് ഷഫീഖ് ആണ് മരിച്ചത്. കഴിഞ്ഞ ആഴ്ചയാണ് ഷഫീഖിനെ കോഴിക്കോട് മെഡിക്കൽ കോളജിൽ പ്രവേശിപ്പിച്ചത്. കടുത്ത രോഗലക്ഷണങ്ങളെ തുടർന്ന് ഷഫീഖിനെ ആദ്യം കോട്ടക്കലിലെ സ്വകാര്യ ആശുപത്രിയിലാണ് പ്രവേശിപ്പിച്ചിരുന്നത്. സ്ഥിതി ഗുരുതരമായതിനെത്തുടർന്ന് കോഴിക്കോട് മെഡിക്കൽ കേളജിലേക്ക് മാറ്റുകയായിരുന്നു. ചികിത്സയിലിരിക്കെയാണ് മരണം. മലപ്പുറം അഥവനാട് പഞ്ചായത്തിലെ ചെലൂർ ഭരണികുളത്തിൽ കുളിച്ചതിൽ നിന്നാകാം അമീബ ശരീരത്തിൽ പ്രവേശിച്ചതെന്നാണ് ആരോഗ്യവകുപ്പിന്റെയും ജില്ലാ ഭരണകൂടത്തിന്റെയും പ്രാഥമിക നിഗമനം. ഖബറടക്കം വെട്ടിച്ചിറ ജുമാ മസ്ജിദിൽ നടക്കും. ഒരിടവേളയ്ക്ക് ശേഷം വീണ്ടും അമീബിക് മസ്തിഷ്കജ്വരം മൂലം മരണം റിപ്പോർട്ട് ചെയ്തത് ആരോഗ്യവകുപ്പിനും ജനങ്ങൾക്കും വലിയ ആശങ്ക ഉയർത്തുന്നുണ്ട്.