ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

ദേശീയപാത 66-ൽ സ്വകാര്യ ബസിന്റെ റൗഡിസം തുടരുന്നു; എൻ.എച്ച്.എ.ഐ ബാരിക്കേഡ് തകർത്ത് സർവീസ് റോഡിലേക്ക് കയറി


തിരൂരങ്ങാടി : ദേശീയപാത 66 ആറുവരിപ്പാതയിൽ ഓരോ ദിവസവും ബസുകളുടെ നിയമലംഘനങ്ങള്‍ നടത്തിക്കൊണ്ടുളള സംഭവങ്ങളാണ്  പുറത്ത് വരുന്നത്. അതിനിടയിലാണ് കഴിഞ്ഞ ദിവസം നാഷണൽ ഹൈവേ അതോറിറ്റി ഓഫ് ഇന്ത്യ സ്ഥാപിച്ച ബാരിക്കേഡുകൾ തകർത്ത് സ്വകാര്യ ബസിന്റെ വൻ നിയമലംഘനം. ചേളാരി പടിക്കലിനും പാലക്കലിനും ഇടയിലാണ് സംഭവം.

കോഴിക്കോട് ഭാഗത്തേക്ക് സർവീസ് നടത്തുകയായിരുന്ന 'കമാൻഡർ' എന്ന സ്വകാര്യ ബസാണ് അപകടകരമായ രീതിയിൽ ഗതാഗത തടസ്സമുണ്ടാക്കി ബാരിക്കേഡുകൾ തകർത്തത്. ​ആറുവരിപ്പാതയിലെ എക്സിറ്റ് പോയിന്റ് കടന്ന് മുന്നോട്ട് പോയ ബസ് പെട്ടെന്ന് പിറകോട്ട് എടുക്കുകയും, തുടർന്ന് എക്സിറ്റിൽ എൻ.എച്ച്.എ.ഐ സ്ഥാപിച്ചിരുന്ന ബാരിക്കേഡുകൾ ഇടിച്ചുതകർത്ത് സർവീസ് റോഡിലേക്ക് കടക്കുകയുമായിരുന്നു.

സ്റ്റേജ് കാര്യേജ് ബസുകൾ ആറുവരിപ്പാതയിലൂടെ സർവീസ് നടത്തരുതെന്നും നിശ്ചിത സർവീസ് റോഡുകൾ ഉപയോഗിക്കണമെന്നുമുള്ള മോട്ടോർ വാഹന വകുപ്പിന്റെ കർശന നിർദ്ദേശം കാറ്റിൽപ്പറത്തിയാണ് പല സ്വകാര്യ ബസുകളും ഓടുന്നത്. ​ആറുവരിപ്പാതയിലൂടെ വേഗത്തിലെത്തി യാത്രക്കാരെ സർവീസ് റോഡിലിറക്കാതെ ഹൈവേയിൽ തന്നെ ഇറക്കിവിടുന്നതിനെതിരെ വ്യാപക പരാതികളുണ്ട്.

ഇത്തരത്തിൽ യാത്രക്കാരെ ദുരിതത്തിലാക്കുകയും റോഡ് സുരക്ഷാ മാനദണ്ഡങ്ങൾ ലംഘിക്കുകയും ചെയ്യുന്ന ബസുകൾക്കെതിരെ ശക്തമായ നിയമനടപടികളും പെർമിറ്റ് റദ്ദാക്കൽ അടക്കമുള്ള നടപടികളും സ്വീകരിക്കുമെന്ന് മോട്ടോർ വാഹന വകുപ്പ് അധികൃതർ മുന്നറിയിപ്പ് നൽകി.

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.