PALLIKKAL TIMES

കോഴിക്കോട് :  സ്കൂള്‍ കുട്ടികളുമായി പോകുന്നതിനിടെ ദേഹാസ്വാസ്ഥ്യമുണ്ടായ വാൻ ഡ്രൈവർ മരിച്ചു. അടുക്കത്ത് അയിരാണിപ്പൊയില്‍ അനില്‍ കുമാറാണ് (50) ആശുപത്രിയില്‍ മരിച്ചത്. അസ്വസ്ഥത തോന്നിയപ്പോള്‍ വാഹനം സുരക്ഷിതമായി റോഡരികില്‍ നിർത്തി അനില്‍ കുട്ടികളുടെ സുരക്ഷ ഉറപ്പാക്കിയിരുന്നു. തിങ്കളാഴ്ച വൈകിട്ട് കുറ്റ്യാടിയിലെ സ്കൂളില്‍ നിന്നും വേളം ഭാഗത്തേക്ക് കുട്ടികളുമായി പോകുന്നതിനിടയിലാണ് സംഭവം. ചെറുകുന്ന് വാഴയില്‍മുക്കില്‍ എത്തിയപ്പോഴേക്കും അനിലിന് കടുത്ത ദേഹാസ്വാസ്ഥ്യം അനുഭവപ്പെടുകയായിരുന്നു. വണ്ടി നിയന്ത്രണം വിട്ട് അപകടത്തില്‍പ്പെടാതിരിക്കാൻ അദ്ദേഹം മനസ്സാന്നിധ്യം വീണ്ടെടുത്ത് വാൻ റോഡരികിലേക്ക് മാറ്റി നിർത്തി. തുടർന്ന് അവിടെയുണ്ടായിരുന്ന നാട്ടുകാരെ കൂട്ടി സ്വന്തം ഫോണില്‍ നിന്ന് സ്കൂള്‍ അധികൃതരെ വിവരമറിയിച്ചു. സ്കൂള്‍ അധികൃതർ ഉടനടി ആംബുലൻസുമായി സ്ഥലത്തെത്തി അനിലിനെ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല. തുടർന്ന് സ്കൂളില്‍ നിന്നും മറ്റൊരു ഡ്രൈവർ എത്തിയാണ് വാനിലുണ്ടായിരുന്ന കുട്ടികളെ സുരക്ഷിതമായി വീടുകളില്‍ എത്തിച്ചത്. പരേതരായ കുമാരന്റെയും ജാനുവിന്റെയും മകനാണ് അനില്‍. കുറ്റ്യാടി കെഎം...

  ബോസ്റ്റണ്‍ : ലോകകപ്പ് വേദികളില്‍ അട്ടിമറികളുടെ പെരുമഴക്കാലം തുടരുന്നു. കരുത്തരായ ജര്‍മനിക്ക് പിന്നാലെ വമ്പന്മാരായ ഹോളണ്ടിനും ലോകകപ്പില്‍ കണ്ണീര്‍മടക്കം. ശ്വാസമടക്കിപ്പിടിച്ച പെനാല്‍റ്റി ഷൂട്ടൗട്ടില്‍ നെതര്‍ലന്‍ഡ്‌സിനെ 3-2 ന് അട്ടിമറിച്ച്‌ ആഫ്രിക്കന്‍ കരുത്തരായ മൊറോക്കോ ലോകകപ്പിന്റെ പ്രീ-ക്വാര്‍ട്ടറിലേക്ക് രാജകീയമായി മാര്‍ച്ച്‌ ചെയ്തു. മൈതാനത്ത് നെഞ്ചിടിപ്പ് കൂട്ടിയ നാടകീയ നിമിഷങ്ങള്‍ക്കൊടുവിലാണ് ആഫ്രിക്കന്‍ അദ്ഭുതമായ മൊറോക്കോ വീണ്ടുമൊരു ചരിത്ര വിജയം എഴുതിച്ചേര്‍ത്തത്. എല്ലാം ദൈവത്തില്‍ അര്‍പ്പിച്ചുകൊണ്ട് കളിമണ്ണില്‍ പോരാടിയ മൊറോക്കന്‍ നിരയുടെ പ്രാര്‍ത്ഥനകളും അധ്വാനവും ഒടുവില്‍ വെറുതെയായില്ല. പെനാല്‍റ്റി ഷൂട്ടൗട്ടിലെ അവസാന കിക്കിന്റെ സമ്മര്‍ദ്ദഘട്ടത്തിലാണ് മൊറോക്കോയുടെ ഇസ്മയേല്‍ സായ്ബാരി പന്തുമായി എത്തിയത്. ഗാലറിയെ മുഴുവന്‍ നിശബ്ദമാക്കിക്കൊണ്ട് ഹോളണ്ട് ഗോള്‍കീപ്പര്‍ ബാര്‍ട്ട് വെര്‍ബ്രുഗനെ പൂര്‍ണ്ണമായും കാഴ്ചക്കാരനാക്കി സായ്ബാരി പന്ത് വലയുടെ താഴെ ഇടത് മൂലയിലേക്ക് അടിച്ചുകയറ്റി (3-2). ഗോള്‍ വീണതിന് പിന്നാലെ ജേഴ്‌സിയൂരി ആരാധകര്‍ക്ക് നേരെ പാഞ്ഞടുത്ത സായ്ബാരിയെയും മൊറോക്കന്‍ താരങ്ങളെയു...

  മലപ്പുറം : മൊറയൂരിൽ ഇന്ന് രാവിലെ മുതൽ കാണാതായിരുന്ന വയോധികയെ വീട്ടുപറമ്പിലെ കിണറ്റിൽ മരിച്ച നിലയിൽ കണ്ടെത്തി. മൊറയൂർ വാലൻഞ്ചേരി സ്വദേശിനി വി. ടി. നബീസയാണ്  മരിച്ചത്. ഉപയോഗശൂന്യമായി കിടന്നിരുന്ന കിണറ്റിലാണ് ഇവരുടെ മൃതദേഹം കണ്ടെത്തിയത്. നബീസ വീട്ടിൽ ഒറ്റയ്ക്കായിരുന്നു താമസം. ഇന്ന് രാവിലെ മുതൽ ഇവരെ കാണാതായതിനെ തുടർന്ന് ആശങ്കയിലായ ബന്ധുക്കളും നാട്ടുകാരും പ്രദേശത്താകെ വ്യാപകമായ തിരച്ചിൽ നടത്തിവരികയായിരുന്നു. മണിക്കൂറുകൾ നീണ്ട തിരച്ചിലിനൊടുവിലാണ് വീട്ടുപറമ്പിലെ കിണറ്റിൽ മൃതദേഹം കണ്ടെത്തിയത്. ഉടൻ തന്നെ നാട്ടുകാർ ഫയർഫോഴ്സിനെ വിവരമറിയിക്കുകയും, ഫയർഫോഴ്സ് സംഘം സ്ഥലത്തെത്തി മൃതദേഹം കിണറ്റിൽ നിന്നും പുറത്തെടുക്കുകയുമായിരുന്നു. അബദ്ധത്തിൽ കിണറ്റിൽ വീണതാകാം മരണകാരണമെന്നാണ് പൊലീസിന്റെ പ്രാഥമിക നിഗമനം. സംഭവസ്ഥലത്തെത്തിയ പൊലീസ് ഇൻക്വസ്റ്റ് നടപടികൾ ആരംഭിച്ചിട്ടുണ്ട്. പോസ്റ്റ്മോർട്ടം നടപടികൾക്ക് ശേഷം മാത്രമേ മരണത്തിന്റെ കൃത്യമായ കാരണം വ്യക്തമാകൂ എന്ന് പൊലീസ് അറിയിച്ചു.

കോഴിക്കോട്: കുട്ടികളിൽ കണ്ടുവരുന്ന അപൂർവ രോഗമായ കവാസാക്കി ബാധിച്ചാണ് കോഴിക്കോട് കടലൂർ സ്വദേശിയായ ഒൻപതു വയസ്സുകാരി മെഡിക്കൽ കോളജ് ആശുപത്രിയിൽ മരിച്ചതെന്നു നിഗമനം. കടലൂർ കോടിക്കൽ രരോത്ത് ജബ്നാസിന്റെയും മുഹസിനയുടെയും മകൾ ആയിഷ ഹെൽനയാണ് ശനിയാഴ്ച മെഡിക്കൽ കോളജ് ആശുപത്രിയിൽ മരിച്ചത്. കോടിക്കൽ എഎംയുപി സ്കൂളിലെ നാലാം ക്ലാസ് വിദ്യാർഥിയാണ്. കബറടക്കം പുളിവളപ്പ് മസ്ജിദ് കബർസ്ഥാനിൽ നടത്തി. കുട്ടികളുടെ രക്തക്കുഴലുകളിൽ വീക്കം ഉണ്ടാക്കുന്ന അപൂർവ രോഗമാണ് കവാസാക്കി. പകരുന്ന രോഗമല്ലാത്തതിനാൽ ആശങ്ക വേണ്ടെന്ന് ആരോഗ്യ വകുപ്പ് അധികൃതർ പറഞ്ഞു. പനി കൂടിയതോടെ ചൊവ്വാഴ്‌ചയാണ്‌ കുട്ടിയെ സ്വകാര്യ ആശുപത്രിയിൽ പ്രവേശിപ്പിച്ചത്‌. ശരീരത്തിൽ ചുവന്ന തടിപ്പുകളുണ്ടായിരുന്നു. നാക്ക്‌ അമിതമായി ചുവന്നിരുന്നു. ഈ ലക്ഷണങ്ങൾ വിലയിരുത്തിയ ത്വക്ക് രോഗ ഡോക്‌ടറാണ്‌ കവാസാക്കി രോഗം ആകാൻ ഇടയുണ്ടെന്നു സൂചിപ്പിച്ച് മെഡിക്കൽ കോളജ് ആശുപത്രിയിലേക്ക് മാറ്റാൻ നിർദേശിച്ചത്‌. വ്യാഴാഴ്ച ഉച്ചയോടെ കുട്ടിയെ മെഡിക്കൽ കോളജിലേക്ക്‌ മാറ്റി. തുടർച്ചയായ ദിവസങ്ങളിൽ 104 ഡിഗ്രിക്കടുത്ത്‌ പനിയുണ്ടായിരുന്നു. അലർജിക്കുള്ള ആന്റിബയോട്ടിക്ക് മരുന്നും പനിക്കുള്ള സാധ...

  പത്തനംതിട്ട : ജില്ലാ പോലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനക്കിടയില്‍ ലഹരി വിരുദ്ധ സംഘടനയുടെ സംസ്ഥാന പ്രസിഡന്റ് എം ഡി എം എയുമായി പോലീസിന്റെ പിടിയില്‍. പെരുമ്പെട്ടി എഴുമറ്റൂര്‍ കൈമല പുത്തന്‍പുരക്കല്‍ വീട്ടില്‍ ഷര്‍ഫിന്‍ സെബാസ്റ്റ്യന്‍ (25) നെയാണ് 1.590 ഗ്രാം എം ഡി എം എയുമായി ഡാന്‍സാഫ് ടീം അറസ്റ്റ് ചെയ്തത്.  ഇയാളുടെ കൈവശം സൂക്ഷിച്ചിരുന്ന ആന്റി ഡ്രഗ്സ് മൂവ്മെന്റ് ഇന്‍ നേഷ്യന്‍(ADMIN) എന്ന സംഘടനയുടെ യൂത്ത് മൂവ്മെന്റിന്റെ സംസ്ഥാന പ്രസിഡന്റ് എന്ന് രേഖപ്പെടുത്തിയ തിരിച്ചറിയല്‍ കാര്‍ഡും കണ്ടെടുത്തു. പോലീസിന് ലഭിച്ച വിവരത്തിന്റെ അടിസ്ഥാനത്തില്‍ ഡാന്‍സാഫ് സംഘം ദിവസങ്ങളായി ഇയാളെ നിരീക്ഷിച്ചു വരികയായിരുന്നു. കഴിഞ്ഞ ദിവസം ഉച്ചയോടെ ഇയാളുടെ വീട്ടിലെത്തിയ പോലീസ് സംഘത്തെ സ്വന്തം മുറി കാട്ടിക്കൊടുക്കാതെ മറ്റൊന്നാണെന്ന്  പറഞ്ഞ് തെറ്റിദ്ധരിപ്പിക്കാന്‍ ശ്രമിച്ചു. വീടിന്റെ മുക്കും മൂലയും അരിച്ചുപെറുക്കിയ പോലീസ് ഒരു രഹസ്യ അറയില്‍ പുസ്തകങ്ങള്‍ക്കിടയില്‍ ഒളിപ്പിച്ച നിലയില്‍ എം ഡി എം എ കണ്ടെടുക്കുകയായിരുന്നു. തുടര്‍ന്നുള്ള പരിശോധനയില്‍ ഇയാളുടെ മുറിയില്‍ നിന്...

കോഴിക്കോട് :  ദേശീയപാത ബൈപ്പാസില്‍ ടോള്‍ നല്‍കാതെ കടന്നുപോകുന്ന വാഹനങ്ങള്‍ക്കെതിരെ നടപടി ശക്തമാക്കി പോലീസ്. ടോള്‍ പ്ലാസ അധികൃതർ നല്‍കിയ വിവരങ്ങളുടെ അടിസ്ഥാനത്തില്‍ ടോള്‍ വെട്ടിച്ച്‌ പോയ വാഹനങ്ങളുടെ ഉടമകള്‍ക്ക് പിഴ ചുമത്താൻ തുടങ്ങി. ഇന്നലെ മാത്രം 86 വാഹനങ്ങളും ഇന്ന് ഉച്ചയ്ക്ക് ഒരു മണിവരെ 32 വാഹനങ്ങളും ടോള്‍ നല്‍കാതെ കടന്നുപോയതായാണ് കണക്ക്. ടോള്‍ നല്‍കാതെ പോകുന്ന വാഹനങ്ങള്‍ക്ക് ആയിരം രൂപയാണ് ട്രാഫിക് പോലീസ് പിഴ ഈടാക്കുന്നത്. ടോള്‍ നല്‍കാൻ വിസമ്മതിക്കുന്നവരുമായുള്ള തർക്കങ്ങള്‍ ഒഴിവാക്കാൻ പ്ലാസയിലെ ജീവനക്കാർ വാഹനങ്ങള്‍ തടഞ്ഞുനിർത്തുന്നത് നിർത്തിയതോടെയാണ് ടോള്‍ വെട്ടിപ്പ് വ്യാപകമായത്. ടോള്‍ നല്‍കാതെ കടന്നുപോകുന്നവയില്‍ ഭൂരിഭാഗവും കാറുകളാണ്. നിയമലംഘനം നടത്തുന്ന വാഹനങ്ങളുടെ വിവരങ്ങള്‍ ടോള്‍ പ്ലാസ അധികൃതർ കൃത്യമായി പോലീസ് കൈമാറുന്നുണ്ട്. ഇത്തരത്തില്‍ പിടിക്കപ്പെടുന്ന വാഹന ഉടമകള്‍ക്ക് പിഴയടക്കം കനത്ത തുക നഷ്ടമാകുമെന്ന് പോലീസ് മുന്നറിയിപ്പ് നല്‍കി.

ഹുസ്റ്റണ്‍ : ഫുട്ബോള്‍ ലോകം കാത്തിരിക്കുന്ന ആവേശപ്പോരാട്ടത്തില്‍ ഇന്ന് ബ്രസീലും ജപ്പാനും നേർക്കുനേർ. റൗണ്ട് ഓഫ് 32-ലെ ഈ നിർണ്ണായക മത്സരം ഇന്ത്യൻ സമയം രാത്രി 10:30-നാണ് ആരംഭിക്കുന്നത്. ടൂർണമെന്റിന്റെ നോക്കൗട്ട് ഘട്ടത്തിലെ ഏറ്റവും വാശിയേറിയ പോരാട്ടങ്ങളിലൊന്നിനായി ഇന്ത്യൻ ആരാധകർ വലിയ ആകാംക്ഷയോടെയാണ് കാത്തിരിക്കുന്നത്. വിനീഷ്യസ് ജൂനിയറില്‍ കണ്ണുനട്ട് ബ്രസീല്‍ ഈ ടൂർണമെന്റില്‍ ബ്രസീലിയൻ മുന്നേറ്റനിരയുടെ കുന്തമുന വിനീഷ്യസ് ജൂനിയറാണ്. അദ്ദേഹത്തിന്റെ വേഗതയും ഡ്രിബ്ലിംഗ് മികവും ജപ്പാന്റെ അച്ചടക്കമുള്ള പ്രതിരോധത്തിന് വലിയ വെല്ലുവിളിയാകും. എന്നാല്‍, ഹൈ-പ്രസിംഗ് ഗെയിമിലൂടെ വമ്പന്മാരെ തളയ്ക്കുന്ന ജപ്പാന്റെ ശൈലിയെ വിനീഷ്യസ് എങ്ങനെ മറികടക്കുമെന്നാണ് ആരാധകർ ഉറ്റുനോക്കുന്നത്. അലിസണ്‍, മാർക്വിനോസ് തുടങ്ങിയ പ്രമുഖ താരങ്ങള്‍ ഇന്ന് ബ്രസീല്‍ നിരയില്‍ അണിനിരന്നേക്കും. ജപ്പാൻ നിരയില്‍ പരിക്കിന്റെ ആശങ്കകളില്ലെന്നത് അവർക്ക് ആശ്വാസമാണ്. ഫൈനല്‍ ലൈനപ്പ് ഔദ്യോഗികമായി പുറത്തുവന്നിട്ടില്ല. ഇന്നത്തെ മത്സരത്തില്‍ വിജയിക്കുന്നവർ ക്വാർട്ടർ ഫൈനലിലേക്ക് മുന്നേറും. മത്സരം തടസ്സമില്ലാതെ കാണാൻ ചില ടിപ്‌സ് പേപ്പറില്‍ ബ്രസീലിനാണ...

  FIFA WC 2026 :  ലോക കപ്പ് ഗ്രൂപ്പ് ഘട്ട മത്സരങ്ങള്‍ ശേഷം നോക്കൗണ്ട് Round 32 മത്സരങ്ങളിലേക്ക് കടന്നു. സഹ ആതിഥേയരായ മെക്‌സിക്കോ, ഫ്രാന്‍സ്,ന അര്‍ജന്റീന എന്നീ മൂന്ന് ടീമുകള്‍ ഗ്രൂപ്പ് ഘട്ടത്തില്‍ മൂന്ന് മല്‍സരങ്ങളും വിജയിച്ചുകൊണ്ടാണ് നോക്കൗട്ടിലേക്ക് മുന്നേറിയിരിക്കുന്നത്. ബ്രസീല്‍, സ്വിറ്റ്സര്‍ലന്‍ഡ്, മൊറോക്കോ, യുഎസ്‌എ, നെതര്‍ലന്‍ഡ്‌സ്, ജപ്പാന്‍, ബെല്‍ജിയം, സ്‌പെയിന്‍, കേപ് വര്‍ദെ, കൊളംബിയ, പോര്‍ച്ചുഗല്‍, ഇംഗ്ലണ്ട് എന്നീ വന്‍ ടീമുകള്‍ എല്ലാം തന്നെ സമനില വഴങ്ങിയെങ്കിലും തോല്‍വിയറിയാതെയാണ് നോക്കൗട്ടിലേക്ക് എത്തിയത്. യോഗ്യത നേടിയ ടീമുകളുടെ സമ്പൂർണ പട്ടികയും അവസാന 32 മത്സരങ്ങളുടെ ഷെഡ്യൂളും താഴെ നല്‍കുന്നു . നിലവില്‍ 12 ഗ്രൂപ്പുകളില്‍ നിന്നും മികച്ച രണ്ട് ടീമുകളും, മികച്ച എട്ട് മൂന്നാം സ്ഥാനക്കാരായ ടീമുകളും ഗ്രൂപ്പ് ഘട്ടത്തില്‍ നിന്ന് റൗണ്ട് ഓഫ് 32ലേക്ക് മുന്നേറി. ഗ്രൂപ്പ് എ: മെക്സിക്കോ, ദക്ഷിണാഫ്രിക്ക ഗ്രൂപ്പ് ബി: സ്വിറ്റ്സർലൻഡ്, കാനഡ, ബോസ്നിയ ആൻഡ് ഹെർസഗോവിന ഗ്രൂപ്പ് സി: ബ്രസീല്‍, മൊറോക്കോ ഗ്രൂപ്പ് ഡി: യുഎസ്‌എ, ഓസ്‌ട്രേലിയ, പരാഗ്വേ ഗ്രൂപ്പ് ഇ: ജർമനി, ഐവറി കോസ്റ്റ്, ഇക്വഡോർ...

  ന്യൂഡൽഹി:  എല്ലാ ആഭ്യന്തര വിമാനക്കമ്പനികളും യാത്രക്കാർക്ക് വൈ-ഫൈ സേവനം നൽകുന്നത് പരിഗണിക്കണമെന്ന് ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡിജിസിഎ) നിർദേശിച്ചു. എയർലൈനുകളുടെ ഡെപ്യൂട്ടി മാനേജർമാർക്ക് അയച്ച കത്തിലൂടെയാണ് ഈ നിർദേശം നൽകിയിരിക്കുന്നത്. എയർക്രാഫ്റ്റ് റൂൾസ് 1937-ലെ റൂൾ 29 ബി പ്രകാരം, വിമാനയാത്രയ്ക്കിടെ മൊബൈൽ ഫോണുകൾ ഫ്ലൈറ്റ് മോഡിലായിരിക്കുമ്പോൾ യാത്രക്കാർക്ക് വൈ-ഫൈ വഴി ഇന്റർനെറ്റ് ഉപയോഗിക്കാമെന്ന് ഡിജിസിഎ വ്യക്തമാക്കി. ഇന്ത്യൻ വ്യോമയാന മേഖലയെ ആഗോള നിലവാരത്തിലേക്ക് ഉയർത്താനുള്ള കേന്ദ്രസർക്കാരിന്റെ നീക്കത്തിന്റെ ഭാഗമായാണ് ഈ തീരുമാനം. എന്നാൽ, എല്ലാ വിമാനങ്ങളിലും വൈ-ഫൈ സംവിധാനം ഒരുക്കുന്നത് ചെലവേറിയതും സാങ്കേതികമായി വെല്ലുവിളിയുള്ളതുമാണെന്ന് വിവിധ എയർലൈൻ പ്രതിനിധികൾ അഭിപ്രായപ്പെട്ടു. പഴയ വിമാനങ്ങളിൽ സംവിധാനം സ്ഥാപിക്കാൻ അവ താൽക്കാലികമായി സർവീസിൽ നിന്ന് പിൻവലിക്കേണ്ടി വരുമെന്നും, പുതുതായി നിർമ്മിക്കുന്ന വിമാനങ്ങളിൽ ആദ്യം സേവനം ആരംഭിക്കാമെന്നുമാണ് ചിലരുടെ നിലപാട്. നിലവിൽ സ്‌പൈസ്‌ജെറ്റ് 2020 ഓഗസ്റ്റ് മുതൽ 'സ്പൈസ് സ്‌ക്രീൻ' വൈ-ഫൈ സേവനം യാത്രക്കാർക്ക് ലഭ്യമാക്കുന്നുണ്ട്. എയർ ...

  തൂത്തൂകുടി :  കുരങ്ങുകളുടെ ആക്രമണത്തെത്തുടർന്ന് മലമുകളില്‍ നിന്ന് താഴേക്ക് വീണ് യുവതി മരിച്ചു. തൂത്തുക്കുടിയിലെ സൗത്ത് തിട്ടൻകുളം പ്രദേശത്തെ അനിത (24) എന്ന യുവതിയാണ് മരിച്ചത്. ക്ഷേത്രത്തില്‍ ദർശനത്തിനെത്തിയ യുവതി ആണ് ഒരു കൂട്ടം കുരങ്ങുകള്‍ വളഞ്ഞതിനെ തുടർന്ന് പരിഭ്രാന്തയായി ഓടുന്നതിനിടെ കുത്തനെയുള്ള ഇറക്കത്തില്‍ വെച്ച്‌ കാലിടറി താഴേക്ക് വീണത്. കഴിഞ്ഞ മാസമാണ് 29 കാരനായ സുരേഷിനെ അനിത വിവാഹം കഴിച്ചത്. വിദേശത്ത് ജോലി ചെയ്യുന്ന സുരേഷ് അടുത്തിടെ നാട്ടിലേക്ക് മടങ്ങിയെത്തിയിരുന്നു. ദമ്പതികള്‍ കഴുഗുമലയിലെ കലുഗസാലമൂർത്തി ക്ഷേത്രത്തില്‍ പ്രാർത്ഥനയ്ക്കായി പോയപ്പോഴാണ് ദാരുണമായ സംഭവം നടത്തത്. പ്രധാന ക്ഷേത്രത്തില്‍ ആരാധന നടത്തിയ ശേഷം ദമ്പതികള്‍ കുന്നിൻ മുകളിലുള്ള ഉച്ചിപ്പിള്ളയർ ക്ഷേത്രത്തിലേക്ക് കയറി. ദമ്പതികള്‍ കുരങ്ങുകള്‍ക്ക് പഴങ്ങള്‍ കൊടുക്കുന്നതിനിടെ പെട്ടെന്ന് കൂടുതല്‍ കുരങ്ങുകള്‍ കൂട്ടത്തോടെ എത്തുകയും ദമ്പതികളെ വളയുകയുമായിരുന്നു. കുരങ്ങുകള്‍ അക്രമാസക്തരായതോടെ ഭയന്നോടിയ അനിത നിയന്ത്രണം വിട്ട് താഴ്ചയിലേക്ക് വീഴുകയായിരുന്നു. ഒപ്പമുണ്ടായിരുന്ന ഭർത്താവ് നോക്കിനില്‍ക്കെയായിരുന്നു ദുരന്തം...

പുളിക്കല്‍  : വീടിൻ്റെ ടെറസിന്റെ മുകളിൽ നിന്നും മാങ്ങ പറിക്കുന്നതിനിടെ ഗേറ്റിലേക്ക് വീണ്  കഴുത്തിൽ ഗേറ്റിൻ്റെ കമ്പി തുളച്ചു കയറി കോഴിക്കോട് മെഡിക്കൽ കോളേജിൽ ചികിത്സയിലായിരുന്ന പുളിക്കൽ സിയാംകണ്ടത്തെ മുഹമ്മദ് മാസിൻ  മരിച്ചു.  ജൂൺ ഒന്നിനാണ് വീടിന് മുകളിൽ നിന്ന് മാങ്ങ പറിക്കുന്നതിനിടെ കാൽവഴുതി ഗേറ്റിന് മുകളിലേക്ക് വീണ് മാസിന്റെ  കഴുത്തിൽ കമ്പി തുളച്ചു കയറുകയായിരുന്നു. അപകടത്തെ തുടർന്ന് നാട്ടുകാരും ഫയർ റെസ്ക്ടീമും ഗേറ്റിന്റെ ഭാഗം സഹിതം കുട്ടിയെ ആശുപത്രിയിലെത്തിച്ചു. പുറത്തേക്ക് നീണ്ടുനിന്നിരുന്ന ഗേറ്റിന്റെ കമ്പി കാരണം ചികിത്സ ദുഷ്കരമായ സാഹചര്യത്തിൽ വെള്ളിമാടുകുന്ന് ഫയർ ആൻഡ് റെസ്ക്യൂ യൂണിറ്റിന്റെ സഹായം തേടി. ഫയർഫോഴ്‌സ് ഗേറ്റിന്റെ ഒരു ഭാഗം മുറിച്ചുനീക്കിയ ശേഷമാണ് ഡോക്ടർമാർ അതിസങ്കീർണമായ ശസ്ത്രക്രിയ നടത്തിയത്. എന്നാൽ ശസ്ത്രക്രിയക്ക് ശേഷം കുട്ടിയുടെ ആരോഗ്യ സ്ഥിതി വഷളായതിനെ തുടർന്ന് വെന്റിലേറ്റലിലേക്ക് മാറ്റുകയായിരുന്നു. സിയാംകണ്ടം പാലശ്ശേരി പറമ്പ് വീട്ടിൽ ഇരുമ്പുഴി മുഹമ്മദ് സഹീറിന്റെ മകനായ മുഹമ്മദ് മാസിൻ, പുളിക്കൽ എ.എം.എം ഹൈസ്ക്കൂൾ പത്താം ക്ലാസ്  വിദ്യാർത്ഥിയാ...

 ആർലിംഗ്ടണ്‍: ലോകകപ്പ് വേദിയില്‍ വീണ്ടുമൊരു മെസി മാജിക്. ജോർദാനെതിരായ ഗ്രൂപ്പ് ജെ-യിലെ അവസാന മത്സരത്തില്‍ പകരക്കാരനായി കളത്തിലിറങ്ങിയ ലയണല്‍ മെസി, തകർപ്പൻ ഫ്രീകിക്ക് ഗോളിലൂടെ അർജന്റീനയ്ക്ക് ആവേശം പകർന്നതിനൊപ്പം ലോകകപ്പ് ചരിത്രത്തില്‍ പുതിയ റെക്കോർഡുകളും കുറിച്ചു. മത്സരത്തിന്റെ 80-ാം മിനിറ്റിലായിരുന്നു ആരാധകരെ വിസ്മയിപ്പിച്ച ആ ഗോള്‍ പിറന്നത്. ജോർദാന്റെ പ്രതിരോധ മതിലിനെ വെട്ടിച്ച്‌, ഗോള്‍കീപ്പറെ പൂർണമായും കാഴ്ചക്കാരനാക്കി മെസി ഉതിർത്ത മനോഹരമായ 'ലോ കർലർ' ഫ്രീകിക്ക് വലയില്‍ ചെന്ന് തറയ്ക്കുകയായിരുന്നു. ഇത്തവണത്തെ ലോകകപ്പില്‍ കളിച്ച മൂന്ന് മത്സരങ്ങളില്‍ നിന്നുള്ള മെസിയുടെ ആറാമത്തെ ഗോളാണിത്. ഈ തകർപ്പൻ ഗോളോടെ ലോകകപ്പ് ചരിത്രത്തില്‍ തന്റെ ആകെ ഗോളുകളുടെ എണ്ണം 19 ആയി ഉയർത്താൻ മെസിക്ക് സാധിച്ചു. ഒപ്പം ലോകകപ്പിലെ ഏറ്റവും കൂടുതല്‍ ഫ്രീകിക്ക് ഗോളുകള്‍ എന്ന റെക്കോർഡിനൊപ്പമെത്താനും അർജന്റീനൻ നായകനായി. റെക്കോർഡുകള്‍ അവിടെയും തീരുന്നില്ല; ലോകകപ്പ് ചരിത്രത്തില്‍ തുടർച്ചയായി ഏഴ് മത്സരങ്ങളില്‍ ഗോള്‍ നേടുന്ന ആദ്യ കളിക്കാരനെന്ന ചരിത്ര നേട്ടവും മെസി സ്വന്തം പേരിലാക്കി. 2022 ഖത്തർ ലോകകപ്പില്‍ അർജന്റീന ക...

  കോഴിക്കോട്  :  ഒളവണ്ണ ടോൾ പ്ലാസയിൽ സംഘർഷം. ടോൾ നൽകാതെ പോകാൻ തുനിഞ്ഞ കാർ തടഞ്ഞ ജീവനക്കാരന് നേരെ കാർ ഓടിക്കുകയായിരുന്നു. മീറ്ററുകളോളം ഇയാളെ ബോണറ്റിൽ കയറ്റി വാഹനം ഓടിച്ചുപോയി. ഇതിന്റെ സിസിടിവി ദൃശ്യങ്ങൾ പുറത്തുവന്നു. വൈകിട്ട് അഞ്ചരയോടെയാണ് സംഭവം. കണ്ണൂർ ഭാഗത്തേക്ക് പോകേണ്ട ഒരു വെള്ള കാർ ടോൾ പ്ലാസയിൽ ഒരു കറുത്ത കാറിന്റെ തൊട്ടുപിന്നിൽ നിൽക്കുകയായിരുന്നു. ഫാസ്ടാഗിലൂടെ ടോൾ നൽകി മുന്നിലെ കാർ പോകുന്നതിനു തൊട്ടുപിന്നാലെ ടോൾ ബൂത്തിലെ ബാർ ഉയർന്നു നിൽക്കുമ്പോൾ വെള്ള കാർ ടോൾ നൽകാതെ ഓടിച്ചു പോകാൻ ശ്രമിച്ചു. ഇതു തടഞ്ഞ ജീവനക്കാരന് നേരെയാണ് കാർ ഓടിച്ചത്. വാഹനം തടഞ്ഞ ജീവനക്കാരൻ ഭാഗ്യം കൊണ്ടു മാത്രമാണ് കാറിന് അടിയിൽ പോകാതെ രക്ഷപ്പെട്ടത്. ടോൾ പ്ലാസയിൽ നിന്ന് അ‍ൻപതു മീറ്ററോളം ഓടിച്ച ശേഷമാണ് കാർ നിർത്തിയത്. പ്ലാസയിലെ മറ്റ് ജീവനക്കാർ കൂടി ഓടിയെത്തി കാർ തടഞ്ഞതോടെ കാർ യാത്രക്കാരും ജീവനക്കാരും തമ്മിൽ കയ്യാങ്കളിയായി. റോഡിനു സമീപം വീണ ജീവനക്കാരനെ കാറിലുണ്ടായിരുന്നവർ കയ്യേറ്റം ചെയ്യുന്നതും ദൃശ്യങ്ങളിൽ കാണാം. ടോൾ പ്ലാസയിൽ പിന്നാലെ വന്ന ഇരുചക്ര വാഹനങ്ങളിലെ ചിലരും കാർ ഓടിച്ചവർക്ക് പിന്തുണയുമായി ടോൾ ...

 മലപ്പുറം  : ശ്രീലങ്കയില്‍ സ്‌കൂബ ഡൈവിങിനിടെ ഹൃദയാഘാതം സംഭവിച്ച്‌ വേങ്ങര സ്വദേശിയായ യുവാവ് മരിച്ചു. പറപ്പൂർ റോഡ് കനറാ ബാങ്കിന് സമീപം അഞ്ചുകണ്ടൻ കോയയുടെ മകൻ എ.കെ.മുഹമ്മദ് ഇർഫാൻ (30) ആണ് മരിച്ചത്. 10 ദിവസം മുമ്പാണ് വിവാഹിതനായത്. ഭാര്യ ഷിഫയോടൊപ്പം വിനോദയാത്ര പോയതായിരുന്നു. സുഹൃത്തുക്കള്‍ക്കും ബന്ധുക്കള്‍ക്കുമൊപ്പമാണ് ഇവർ ശ്രീലങ്കയിലെത്തിയത്. കൊളംബോയില്‍ നിന്ന് 300 കിലോമിറ്റർ അകലെ ട്രിൻകൊവാലിയില്‍ സ്കൂബാ ഡൈവിങ് നടത്തുന്നതിനിടെയാണ് സംഭവം. മൃതദേഹം പോസ്റ്റ്മോർട്ടം ചെയ്യാനുള്ള നടപടികള്‍ തുടങ്ങി. ഇന്ത്യൻ എംബസിയുമായി ബന്ധപ്പെട്ട് മൃതദേഹം നാട്ടിലെത്തിക്കാനുള്ള ശ്രമം നടന്നുവരുന്നു. മന്ത്രി പി.കെ. കുഞ്ഞാലിക്കുട്ടി അടക്കമുള്ള നേതാക്കള്‍ ഇർഫാന്റെ നിര്യാണത്തില്‍ അനുശോചനം അറിയിച്ചു. പൊതുപ്രവർത്തന രംഗത്ത് സജീവമായിരുന്നു മുഹമ്മദ് ഇർഫാൻ. കഴിഞ്ഞ ദിവസങ്ങളില്‍ ഫുട്ബാള്‍ ലോക കപ്പുമായി ബന്ധപ്പെട്ട് വേങ്ങരയില്‍ നിന്നുള്ള മാധ്യമ വാർത്തകളില്‍ ഈ യുവാവ് ഇടംപിടിച്ചിരുന്നു. വോളിബാള്‍, ബാഡ്മിന്റണ്‍ കളിക്കാരനായിരുന്ന ഇർഫാൻ, നേരത്തെ ശ്രീലങ്ക സന്ദർശിച്ചിട്ടുണ്ട്.

  തേഞ്ഞിപ്പലം : കാലിക്കറ്റ് യൂണിവേഴ്സിറ്റിക്ക് സമീപം ചേലേമ്പ്ര പൈങ്ങോട്ടൂരിലെ വീട്ടിൽ സൂക്ഷിച്ച 1 കോടിയോളം വിലവരുന്ന എംഡിഎംഎ പിടികൂടിയ കേസിൽ പ്രധാന പ്രതി പിടിയിലായി. ചേലമ്പ്ര സ്വദേശി പെരിഞ്ചിക്കര  വീട്ടിൽ ജാസിർ(31) ആണ് പിടിയിലായത്.  ജാസിറിൻ്റെ  വീട്ടിൽ നിന്നാണ് 1.16 കിലോഗ്രാം എംഡിഎംഎ പിടികൂടിയിരുന്നത്. കേസുമായി ബന്ധപ്പെട്ട് ജാസിറിൻ്റെ പിതാവ്,  മാതാവ് എന്നിവരേയും ജാസിറിൻ്റെ സുഹൃത്ത് സലാവുദ്ദീൻ എന്നിവരേയും അറസ്റ്റ് ചെയ്തിരുന്നു.  കഴിഞ്ഞ ഫെബ്രുവരിയിൽ ഡാൻസാഫ് സംഘവും തേഞ്ഞിപ്പലം പോലീസും സംയുക്തമായി നടത്തിയ  പരിശോധനയിൽ വീട്ടിൽ നിന്നും 21 ലക്ഷത്തോളം രൂപയും 5 ഇലക്ടിക് ത്രാസ്സുകളും, വാക്കി ടോക്കി, ഗ്യാസ് ബർണർ  എന്നിവ പിടികൂടിയിരുന്നു. ലഹരി പിടികൂടിയതിനെ തുടർന്ന് ജാസിർ ഒളിവിൽ പോയി. ഇന്നലെ ഡാൻസാഫ് ടീം ബാംഗ്ലൂരിലെ ഒളിത്താവളത്തിൽ നിന്നാണ് ജാസിറിനെ പിടികൂടിയത്. മലപ്പുറം ജില്ലാ പോലീസ് മേധാവി ചൈത്ര തെരേസ ജോണിനു ലഭിച്ച രഹസ്യ വിവരത്തിൻ്റെ അടിസ്ഥാനത്തിൽ കൊണ്ടോട്ടി എഎസ്‌പി കാർത്തിക് ബാലകുമാർ, തേഞ്ഞിപ്പലം ഇൻസ്പക്ടർ  ശ്രീജിത്ത്, സബ് ഇൻസ്പക്ടർ സത്യജിത്ത് എന്ന...

കരിപ്പൂര്‍ :  കരിപ്പൂര്‍ പൊലീസ് സ്റ്റേഷനില്‍ നിന്നും പത്ത് ലക്ഷം രൂപയുടെ സ്വര്‍ണാഭരണങ്ങള്‍ കാണാതായി. വിവിധ കാലയളവുകളില്‍ കളഞ്ഞുകിട്ടിയതും കരിപ്പൂര്‍ വിമാനത്താവളത്തില്‍ നിന്നും മറ്റും കണ്ടെത്തി സ്റ്റേഷനില്‍ ഏല്‍പ്പിച്ചതുമായ സ്വര്‍ണമാണ് ദുരൂഹ സാഹചര്യത്തില്‍ നഷ്ടപ്പെട്ടത്. സ്വര്‍ണാഭരണങ്ങള്‍ സ്റ്റേഷനില്‍ കാണാനില്ലെന്ന് കൊണ്ടോട്ടി എഎസ്പി മലപ്പുറം എസ്പിക്ക് നല്‍കിയ റിപ്പോര്‍ട്ടില്‍ സ്ഥിരീകരിച്ചിട്ടുണ്ട്. 2018 ന് മുമ്പും ശേഷവും വിവിധ സമയങ്ങളിലായി സ്റ്റേഷനില്‍ ലഭിച്ച സ്വര്‍ണാഭരണങ്ങളാണ് ഇത്തരത്തില്‍ അപ്രത്യക്ഷമായത്. 2026 ഫെബ്രുവരിയില്‍ രഹസ്യാന്വേഷണ വിഭാഗം നല്‍കിയ റിപ്പോര്‍ട്ടിലാണ് സ്വര്‍ണം നഷ്ടപ്പെട്ട വിവരം ആദ്യമായി സൂചിപ്പിച്ചത്. ഏതാണ്ട് പത്ത് ലക്ഷം രൂപയിലധികം വിലമതിക്കുന്ന ആഭരണങ്ങള്‍ പൊലീസ് സ്റ്റേഷന്റെ കസ്റ്റഡിയില്‍ നിന്ന് നഷ്ടപ്പെട്ടതിനെ ഗുരുതരമായ സുരക്ഷാ വീഴ്ചയായാണ് കണക്കാക്കപ്പെടുന്നത്.

  ചെന്നൈ:  പ്രശസ്ത നടനും സംവിധായകനുമായ കെ ഭാഗ്യരാജ് അന്തരിച്ചു. 73 വയസായിരുന്നു. ചികിത്സയിലിരിക്കെ ചെന്നൈയില്‍ വെച്ചായിരുന്നു അന്ത്യം. സംവിധായകന്‍, അഭിനേതാവ്, തിരക്കഥാകൃത്ത്, സംഗീത സംവിധായകന്‍, നിര്‍മ്മാതാവ്, രാഷ്ട്രീയ പ്രവര്‍ത്തകന്‍ എന്നീ നിലകളില്‍ പ്രശസ്തനാണ് അദ്ദേഹം. മലയാള സിനിമയിലും അഭിനയിച്ചിട്ടുണ്ട്. ഇന്ത്യന്‍ സിനിമയിലെ തിരക്കഥകളുടെ രാജാവ് എന്നാണ് ഭാഗ്യരാജ് അറിയപ്പെടുന്നത്. തനതായ ഹാസ്യശൈലിയും കുടുംബബന്ധങ്ങളുടെ കഥ പറയുന്ന തിരക്കഥകളുമാണ് അദ്ദേഹത്തിന്റെ സിനിമകളുടെ പ്രധാന പ്രത്യേകത. 1953 ജനുവരി 7ന് തമിഴ്നാട്ടിലെ ഈറോഡ് ജില്ലയിലുള്ള വെള്ളന്‍കോയിലിലായിരുന്നു അദ്ദേഹത്തിന്റെ ജനനം. സംവിധായകന്‍ ഭാരതിരാജയുടെ സഹായിയായിട്ടാണ് ഭാഗ്യരാജ് സിനിമയില്‍ എത്തിയത്. 16 വയതിനിലേ, സിഗപ്പു റോജാക്കള്‍ തുടങ്ങിയ ചിത്രങ്ങളുടെ തിരക്കഥാ പങ്കാളിയായും ചെറിയ വേഷങ്ങള്‍ ചെയ്തും ശ്രദ്ധേയനായി. 1979ല്‍ പുറത്തിറങ്ങിയ സുവരില്ലാത്ത ചിത്തിരങ്ങള്‍ ആണ് അദ്ദേഹം ആദ്യമായി സംവിധാനം ചെയ്ത ചിത്രം. നടനെന്ന നിലയില്‍ 75ലധികം സിനിമകളില്‍ അഭിനയിക്കുകയും 25ലധികം സിനിമകള്‍ സംവിധാനം ചെയ്യുകയും ചെയ്തിട്ടുണ്ട്. തമിഴിന് പുറമെ ഹിന്...

  കൊല്ലങ്കോട്:  എക്സൈസ് സംഘത്തിനുനേരെ വളർത്തുനായകളെ തുറന്നുവിട്ട് രക്ഷപ്പെടാന്‍  ശ്രമം നടത്തിയ കഞ്ചാവു കേസിലെ പ്രതിയെ പിടികൂടി. കൊല്ലങ്കോട് താടനാറ ത്രാമണി സ്വദേശി ജിജിറ്റിനെയാണ് (19) പാലക്കാട് പുത്തൂർ വെള്ളോലി ലെയ്‌നിലെ വാടക വീട്ടിൽനിന്ന് എക്സൈസ് സംഘം പിടികൂടിയത്. മേഘാലയയിൽനിന്ന് കൊല്ലങ്കോട് തപാൽ ഓഫീസിലെത്തിയ പാഴ്സ‌ലിൽ 7.34 കിലോഗ്രാം കഞ്ചാവ് കണ്ടെടുത്ത കേസിലാണ് അറസ്റ്റ്. കൊല്ലങ്കോട്ടും പാലക്കാട്ടുമുള്ള ഇയാളുടെ വീടുകളിൽ ഒരേസമയത്തായിരുന്നു എക്സൈസിന്റെ പരിശോധന. രണ്ടുവീടുകളിലുമായി ഇരുപതോളം നായകളെയാണ് ഇയാൾ വളർത്തിയിരുന്നത്. ഈ നായകളെയാണ് എക്സൈസ് സംഘത്തിനുനേരേ തുറന്നുവിട്ടത്. പരിശോധനാസംഘം പാലക്കാട്ടെ വീടിനുമുൻപിൽ നിൽക്കുമ്പോൾ ടെറസ് വഴി രക്ഷപ്പെടാനും സഹോദരനുമായി ചേർന്ന് ആൾമാറാട്ടം നടത്തി എക്സൈസ് സംഘത്തെ തെറ്റിദ്ധരിപ്പിക്കാനും ഇയാൾ ശ്രമിച്ചു. കുറച്ചു ദിവസമായി പ്രദേശം നിരീക്ഷണത്തിലായിരുന്നു. വീട്ടിൽ വളർത്തുനായകളുണ്ടെന്ന് മനസ്സിലാക്കിയ സംഘം അവയെ അനുനയിപ്പിക്കാൻ ബിസ്കറ്റും മറ്റുമായാണ് എത്തിയത്. ഫെബ്രുവരി നാലിനാണ് ജിജിറ്റിന്റെ വിലാസത്തിൽ കൊല്ലങ്കോട് തപാൽ ഓഫീസിലെത്തിയ പാഴ്‌സലിൽ...

FIFA WC 2026:  ഈസ്റ്റ് റൂതര്‍ഫോര്‍ഡ്: ഫിഫ ലോകകപ്പില്‍ ഇത്തവണത്തെ ആദ്യത്തെ വമ്പന്‍ അട്ടിമറി വിജയത്തിന് അവകാശികളായിരിക്കുകയാണ് ലാറ്റിനമേരിക്കയിലെ കുഞ്ഞന്‍ ടീമുകളിലൊന്നായ ഇക്വഡോര്‍. ഗ്രൂപ്പ് ഇയിലെ അവസാന റൗണ്ട് മല്‍സരത്തില്‍ മുന്‍ ചാംപ്യന്‍മാരും യൂറോപ്യന്‍ പവര്‍ഹൗസുകളുമായ ജര്‍മനിയെയാണ് അവര്‍ അട്ടിമറിച്ചത്. ഒരു ഗോളിനു പിന്നില്‍ നിന്ന ശേഷമായിരുന്നു ഇക്വഡോറിന്റെ അവിശ്വസനീയ വിജയം. ഗ്രൂപ്പിലെ മറ്റൊരു കളിയില്‍ ക്യുറസാവോയെ ഐവറി കോസ്റ്റ് 2-0ന് കെട്ടുകെട്ടിച്ചു. ഇക്വഡോറിനു മുന്നില്‍ അടിതെറ്റിയെങ്കിലും ഇതു ജര്‍മനിക്കു വലിയ തിരിച്ചടിയായില്ല. മൂന്നു കളിയില്‍ നിന്നും ആറു പോയിന്റോടെ ഗ്രൂപ്പ് ജേതാക്കളായി തന്നെ ജര്‍മന്‍ പട റൗണ്ട് 32ല്‍ കടന്നു. ഇതേ പോയിന്റുമായി ഐവറി കോസ്റ്റും നോക്കൗട്ടിലെത്തിയിട്ടുണ്ട്. ഓരോ ജയവും സമനിലയും തോല്‍വിയുമടക്കം നാലു പോയിന്റ് നേടിയ ഇക്വോഡറും ഗ്രൂപ്പുഘട്ടത്തിലെ മികച്ച മൂന്നാംസ്ഥാനക്കാരില്‍ ഒന്നായി മുന്നേറി. അതേസമയം, ഗ്രൂപ്പ് എഫില്‍ നേരത്തേ തന്നെ നോക്കൗട്ടിലെത്തിയ നെതര്‍ലാന്‍ഡ്‌സ് 3-1ന് ടുണീഷ്യയെ കെട്ടുകെട്ടിച്ചു. ഗ്രൂപ്പിലെ മറ്റൊരു കളിയില്‍ ജപ്പാനും സ്വീഡനും 1-1ന്റെ സമനില ...

  കോഴിക്കോട് :   നഗരപരിധിയിൽനിന്നു കഴിഞ്ഞ മാസം കാണാതായ പതിനാറുകാരിയായ പെൺകുട്ടിയെ 36 ദിവസത്തിനുശേഷം കണ്ണൂരിലെ കൊളവല്ലൂർ രഹസ്യ കേന്ദ്രത്തിൽനിന്നു പൊലീസ് കെട്ടിടം വളഞ്ഞു രക്ഷപ്പെടുത്തി. രഹസ്യ വിവരത്തെ തുടർന്ന് പൊലീസ് എത്തും മുൻപ് 5 അംഗ സംഘം കടന്നുകളഞ്ഞു. സംഭവത്തിൽ പെൺകുട്ടിയെ തട്ടിക്കൊണ്ടുപോയ രണ്ടു പേർ ഉൾപ്പെടെ തടങ്കലിൽ പാർപ്പിച്ച സംഘത്തിലെ 7 പേർക്കെതിരെ ചേവായൂർ പൊലീസ് പോക്സോ കേസെടുത്ത് അന്വേഷണം തുടങ്ങി. പ്രതികളെ കണ്ടെത്താൻ ചേവായൂർ പൊലീസ് പ്രത്യേക അന്വേഷണ സംഘം വ്യാപകമായി അന്വേഷണം തുടങ്ങി. ലൈംഗികമായി പീഡിപ്പിച്ചെന്നു പെൺകുട്ടി പൊലീസിനു വിവരം നൽകിയിട്ടുണ്ട്. രക്ഷപ്പെടുത്തിയ പെൺകുട്ടിയെ കോഴിക്കോട് സിഡബ്ല്യുസിക്കു മുന്നിൽ ഹാജരാക്കി ഹോമിൽ താമസിപ്പിച്ചു. ചേവായൂർ പൊലീസ് സ്റ്റേഷൻ പരിധിയിൽനിന്നു മേയ് 15നു കാണാതായെന്നു രക്ഷിതാക്കളുടെ പരാതിയിലാണ് ചേവായൂർ പൊലീസ് കേസെടുത്ത് ഇൻസ്പെക്ട‌ർ ടി.മഹേഷിന്റെ നേതൃത്വത്തിൽ അന്വേഷണം ആരംഭിച്ചത്. കഴിഞ്ഞ മാസം 15നു രാത്രി 10.30നു കാറിൽ എത്തിയ രണ്ടു പേർ വീടിനു മുന്നിൽ റോഡിൽ പെൺകുട്ടിയെ തട്ടിക്കൊണ്ടുപോയതായാണ് പൊലീസിനു ലഭിച്ച വിവരം. പരാതി ലഭിച്ചതിനെ തുടർന്...

  കൊണ്ടോട്ടി :   കൊണ്ടോട്ടി ശിഹാബ് തങ്ങൾ ചാരിറ്റബിള്‍ ഡയാലിസിസ് കേന്ദ്രത്തിന് പ്രവർത്തന ഫണ്ട് സമാഹരിച്ച് നല്‍കി തറയിട്ടാൽ എംകെവിഎം ആർട്സ് ആൻറ് സ്പോർട്സ് ക്ലബ്. ക്ലബ് പ്രവർത്തകർ ചേർന്നു 200650-/രൂപയാണ് സമാഹരിച്ചത്. 65 ഡയാലിസിസ് മെഷീനുകളിലായി 250 അതികം വൃക്ക രോഗികൾക്കാണ് കേന്ദ്രത്തിൽ സൗചന്യമായി ഡയലിസിസ് നടത്തുന്നത്. സൗജന്യ മൊബൈൽ ലാബ്, ഫിസിയോതെറാപ്പി സംവിധാനം, ഭിന്നശേഷികർക്ക് തൊഴിൽ പരിശീലന സംരംഭം, ജല പരിശോധന മൊബൈൽ ലാബ്, വയോജക പാർപ്പിട സംവിധാനം തുടങ്ങിയവയും കേന്ദ്രത്തിന്റെ ഭാഗമാണ്. പൊതു ജന പിന്തുണയോടെ സമാഹരിച്ച തുക ക്ലബ് ചെയർമാൻ സി മൂസക്കുരിക്കൽ ഡയലിസിസ് കേന്ദ്ര ചെയർമാനും , മലപ്പുറം ജില്ല പഞ്ചായത്ത് പ്രസിഡന്റുമായ ജബാർ ഹാജിക്ക് കൈമാറി. ക്ലബ് പ്രസിഡന്റ് വിപി ഷെരീഫ്, സെക്രട്ടറി ഷുക്കൂർ, കോഓർഡിനേറ്റർ റഹീം, ഹംസ,സക്കറിയ , അലി, സൈനുല്‍ ആബിദ്, അർഷാദ് ,ലത്തീഫ് കൂട്ടലുങ്ങൾ, ഓർഗൻ മുഹമ്മദ്, മറ്റു ക്ലബ് ഭാരവാഹികൾ ചടങ്ങിൽ പങ്കെടുത്തു

  ചേലേമ്പ്ര : സൗദി അറേബ്യയിൽ മരിച്ച ചേലേമ്പ്ര സ്വദേശിയുടെ മൃതദേഹം ഇന്ന് (വ്യാഴം) നാട്ടിലെത്തിച്ചു. ചേലേമ്പ്ര സ്പിന്നിംഗ് മില്ലിന് സമീപം തുമ്പയിൽ നാരായണന്റെ മകൻ ബിനീഷാണ് (46) മരിച്ചത്.  താമസസ്ഥലത്ത് മരിച്ച നിലയിൽ കാണപ്പെടുകയായിരുന്നു.  കരിപ്പൂർ എയപോർട്ടിൽ എത്തിക്കുന്ന മൃതദേഹം വീട്ടിലെത്തിച്ചു. പൊതുദർശനത്തിന് ശേഷം ഗോതീശ്വരത്ത് സംസ്‌കാരത്തിനായി കൊണ്ട് പോയി. മാതാവ്: ചന്ദ്രമതി. ഭാര്യ: അമൃത. മക്കൾ: നവനിക, നിഹാരിക. സഹോദരങ്ങൾ: മിനി, ശ്രീജ.

  തിരുവനന്തപുരം :   സംസ്ഥാനത്ത് വീര്യംകുറഞ്ഞ മദ്യത്തിന് നികുതി കുറയ്ക്കാനുള്ള തീരുമാനത്തിൽ മുഖ്യമന്ത്രി വി.ഡി.സതീശനെതിരെ തുറന്നടിച്ച് മുതിർന്ന കോൺഗ്രസ് നേതാവ് വി.എം.സുധീരൻ. നിയമസഭയിൽ പ്രൊപ്പോസൽ വരുന്നതിന് മുമ്പു തന്നെ പാർട്ടി തലത്തിലും മുന്നണി തലത്തിലും ചർച്ച നടത്തുകയായിരുന്നു വേണ്ടതെന്ന് സുധീരൻ പറഞ്ഞു. വീര്യംകുറഞ്ഞ മദ്യവുമായി ബന്ധപ്പെട്ട വിഷയം വിവാദമായതിന് പിന്നാലെ യുഡിഎഫിൽ ചർച്ച ചെയ്ത് തീരുമാനമെടുക്കുമെന്നായിരുന്നു കഴിഞ്ഞ ദിവസം വി.ഡി.സതീശൻ നിയമസഭയിൽ പറഞ്ഞത്. എന്നാൽ ഒരു തീരുമാനം നിയമസഭയിൽ തന്നെ മുഖ്യമന്ത്രിക്ക് പറയാമായിരുന്നുവെന്നും സുധീരൻ കൂട്ടിച്ചേർത്തു. പാർട്ടിയിലും മുന്നണിയിലും വിഷയം നേരത്തെ ചർച്ച ചെയ്തിരുന്നെങ്കിൽ ഇപ്പോൾ ഉയർന്ന വിവാദം ഒഴിവാക്കാമായിരുന്നു. മദ്യത്തിന്റെ വ്യാപനവും ഉപയോഗവും കുറയ്ക്കുകയും ലഹരിക്കെതിരെ പോരാട്ടം നടത്തുക എന്നതാണ് നയം. ലഹരിയുടെ വ്യാപനമൂലം കേരളത്തിൽ ഇടക്കാലത്ത് മോശമായ അന്തരീക്ഷം ഉണ്ടായിട്ടുണ്ട്. പിണറായി സർക്കാർ മദ്യവ്യാപനം ശക്തിപ്പെടുത്തിയെന്നും സുധീരൻ പറഞ്ഞു. മുന്നണിയിൽ വിശദമായ ചർച്ച നടത്തി നയം രൂപീകരിച്ചിരുന്നെങ്കിൽ ഇതൊന്നും ഉണ്ടാകുമായിരുന്നി...

മോണ്ടറെയ് : ദക്ഷിണ കൊറിയയെ എതിരില്ലാത്ത ഒരു ഗോളിന് പരാജയപ്പെടുത്തി ദക്ഷിണാഫ്രിക്ക ഫിഫ ലോകകപ്പിന്റെ നോക്കൗട്ടില്‍. നിര്‍ണായകമായ മത്സരത്തില്‍ രണ്ടാം പകുതിയില്‍ തപെലോ മസെക്കോ നേടിയ ഗോളാണ് ദക്ഷിണാഫ്രിക്കയ്ക്ക് ചരിത്രവിജയം സമ്മാനിച്ചത്. ജൂണ്‍ 28-ന് ലോസ് ഏഞ്ചല്‍സില്‍ നടക്കുന്ന അടുത്ത റൗണ്ടില്‍ കാനഡയാണ് ദക്ഷിണാഫ്രിക്കയുടെ എതിരാളികള്‍. മെക്‌സിക്കോയ്ക്കും ചെക്ക് റിപ്പബ്ലിക്കിനുമെതിരായ മത്സരങ്ങളില്‍ ദക്ഷിണാഫ്രിക്ക പ്രകടിപ്പിച്ച മങ്ങിയ പ്രകടനത്തിന് വിപരീതമായി, വലിയ ഊര്‍ജസ്വലതയോടെയാണ് ഇത്തവണ ടീം കളത്തിലിറങ്ങിയത്. ആരാധകരുടെ ശക്തമായ ആവശ്യപ്രകാരം റെലെബോഹിലെ മൊഫോകെങ്ങിനെ ആദ്യ ഇലവനില്‍ ഉള്‍പ്പെടുത്തിയ കോച്ച്‌ ഹ്യൂഗോ ബ്രൂസിന്റെ തീരുമാനം മത്സരത്തില്‍ നിര്‍ണായകമായി. സ്‌ട്രൈക്കര്‍ എവിഡന്‍സ് മക്‌ഗോപയെയും ആദ്യ ഇലവനില്‍ ഉള്‍പ്പെടുത്തിയത് ടീമിന്റെ മുന്നേറ്റത്തിന് കരുത്തേകി. മറുവശത്ത്, പ്രീക്വാര്‍ട്ടര്‍ ഉറപ്പിച്ച ആത്മവിശ്വാസത്തില്‍ സൂപ്പര്‍ താരം സോണ്‍ ഹ്യൂങ്-മിന്നിനെ ആദ്യ ഇലവനില്‍ നിന്ന് ഒഴിവാക്കിയ ദക്ഷിണ കൊറിയയുടെ തീരുമാനം അവര്‍ക്ക് വിനയായി. ആദ്യ പകുതിയില്‍ ദക്ഷിണാഫ്രിക്ക വ്യക്തമായ ആധിപത്യം പുലര്‍ത്തിയെങ്കിലും...

തിരുവനന്തപുരം: സ്വർണവിലയില്‍ ഇന്ന് വൻ ഇടിവ് രേഖപ്പെടുത്തി. ഒരു ദിവസം കൊണ്ട് പവന് 2,040 രൂപയും ഗ്രാമിന് 255 രൂപയും കുറഞ്ഞതോടെ ആഭരണം വാങ്ങാൻ കാത്തിരുന്നവർക്ക് ആശ്വാസമായി. കേരള ഗോള്‍ഡ് മെർച്ചന്റ്സ് അസോസിയേഷന്റെ കണക്കുകള്‍ പ്രകാരം, ഇന്ന് 22 കാരറ്റ് സ്വർണത്തിന് ഗ്രാമിന് 12,845 രൂപയും പവന് 1,02,760 രൂപയുമാണ് വില. ജനുവരിക്ക് ശേഷം ആദ്യമായാണ് സ്വർണ വിലയില്‍ ഇത്രയും ഇടിവ് രേഖപ്പെടുത്തുന്നത്. കഴിഞ്ഞ മാസം റെക്കോർഡ് ഉയരത്തിലെത്തിയ സ്വർണവിലയില്‍ നിന്ന് വലിയ തിരിച്ചിറക്കമാണ് ഇപ്പോള്‍ സംഭവിച്ചിരിക്കുന്നത്. മെയ് 25-ന് പവന് 1,16,880 രൂപയായിരുന്നു വില. അവിടെ നിന്ന് ഇന്നത്തെ നിരക്കിലേക്ക് എത്തുമ്പോള്‍ പവന് 14,120 രൂപയുടെ ഇടിവാണ് ഉണ്ടായിരിക്കുന്നത്.സ്വർണവിലയ്‌ക്കൊപ്പം വെള്ളിവിലയും താഴ്ന്നിട്ടുണ്ട്. ഇന്ന് കേരളത്തില്‍ ഒരു ഗ്രാം വെള്ളിക്ക് 235 രൂപയും 10 ഗ്രാം വെള്ളിക്ക് 2,350 രൂപയുമാണ് വില. കഴിഞ്ഞ പത്ത് ദിവസത്തെ സ്വർണ നിരക്കുകള്‍- ജൂണ്‍ 15- 1,11,120 രൂപ ജൂണ്‍ 16- 1,11,000 രൂപ ജൂണ്‍ 17- 1,10,800 രൂപ ജൂണ്‍ 18- 1,09,640 രൂപ ജൂണ്‍ 19- 1,06,960 രൂപ ജൂണ്‍ 20- 1,07,120 രൂപ ജൂണ്‍ 21- 1,07,120 രൂപ ജൂണ്‍ 22- 1,07,440 ര...

മലപ്പുറം : ദേശീയപാത 66ലെ വെട്ടിച്ചിറ ടോള്‍പ്ലാസയില്‍ സംഘര്‍ഷം. ഫാസ്ടാഗുമായി ബന്ധപ്പെട്ട തര്‍ക്കത്തെ തുടര്‍ന്ന് ടോള്‍പ്ലാസ ജീവനക്കാരും യാത്രക്കാരും തമ്മില്‍ ഏറ്റുമുട്ടി. ഇന്നലെ രാത്രി രണ്ട് മണിയോടെയാണ് സംഭവം. കയ്യാങ്കളിയുടെ ദൃശ്യങ്ങള്‍ പുറത്തുവന്നിട്ടുണ്ട്.ടോള്‍ പ്ലാസ കടക്കുന്ന വാഹനത്തില്‍ ജീവനക്കാരന്‍ വടികൊണ്ട് അടിച്ചതോടെയാണ് സംഘര്‍ഷം ആരംഭിച്ചത്.  ടോള്‍ പ്ലാസ ജീവനക്കാരന്‍ വാഹനത്തിലേക്ക് തുടര്‍ച്ചയായി വടി കൊണ്ട് അടിക്കുന്നത് ദൃശ്യങ്ങളിലുണ്ട്. ജീവനക്കാരന്‍ യാത്രക്കാരന്റെ കഴുത്തിന് പിടിക്കുകയും മര്‍ദിക്കുകയും ചെയ്തു.ടോള്‍ പ്ലാസക്ക് എതിരെ നാട്ടുകാര്‍ വ്യാപക പരാതി ഉന്നയിക്കുന്നുണ്ട്. ജീവനക്കാര്‍ മോശമായി പെരുമാറുന്നുവെന്നാണ് പരാതി. ജീവനക്കാരില്‍ പലരും ഇതര സംസ്ഥാനക്കാരാണ്. യാത്രക്കാരെ അസഭ്യം വിളിക്കുകയും അക്രമിക്കുകയും ചെയ്യുന്നത് പതിവാണെന്നാണ് പരാതി ജീവനക്കാരുടേത് മോശം പെരുമാറ്റമെന്ന് പൊലീസും പറയുന്നു.

 കണ്ണൂർ: ഇരിട്ടി വാണിയപ്പാറത്തട്ടിലെ ഉണ്ണി മിശിഹാ പള്ളി സെമിത്തേരി കല്ലറയിലെ ദുരൂഹത അവസാനിച്ചു. കല്ലറ തുറന്നു പരിശോധിച്ചപ്പോൾ രണ്ടു മൃതദേഹങ്ങൾ മാത്രമാണ് കണ്ടെത്തിയത്. ദുരൂഹത ഉണ്ടാക്കിയ പായ നേരത്തേ അടക്കം ചെയ്ത മൃതദേഹത്തിന് ഒപ്പമുണ്ടായിരുന്നതാണെന്നും പൊലീസ് പറയുന്നു. ശ്മശാനത്തിലെ മുപ്പത്തെട്ടാം നമ്പർ കല്ലറയാണ് പൊളിച്ചത്. ഒരാഴ്ച മുൻപ് ജൂൺ 13ന് മറ്റൊരു മൃതദേഹം സംസ്കരിക്കുന്നതിനായി കല്ലറ തുറന്നപ്പോഴാണ് ദുരൂഹസാഹചര്യത്തിൽ ഒരു പായ കണ്ടെത്തിയത്. രണ്ടു മൃതദേഹങ്ങൾ കല്ലറയിൽ അടക്കം ചെയ്തുവെന്നാണ് പള്ളിയുടെ രേഖകളിലുള്ളത്. ഈ സാഹചര്യത്തിലാണ് അന്വേഷണം വേണമെന്ന് പള്ളി ആവശ്യപ്പെട്ടത്. ആർഡിഒയുടെ നേതൃത്വത്തിൽ ഡോക്റ്റർമാർ സാമൂഹ്യ പ്രവർത്തകർ എന്നിവരടങ്ങുന്ന സംഘം ബുധനാഴ്ച രാവിലെയാണ് കല്ലറ തുറന്ന് പരിശോധിച്ചത്. 2006ൽ മറിയം മൊയ്യപ്പള്ളിയെയും 2015ൽ ജയിംസ് കൂമ്പുക്കലിനെയും ആണ് ആണ് ഈ കല്ലറയിൽ സംസ്കരിച്ചിട്ടുള്ളത്. ഈ മൃതദേഹങ്ങൾ തന്നെയാണ് ബുധനാഴ്ചയിലെ പരിശോധനയിലും കണ്ടെത്താനായത്. ഇവരുടെ ഡിഎൻഎ പരിശോധനയ്ക്കായി ശേഖരിച്ചിട്ടുണ്ടെന്ന് പൊലീസ് അഡീഷണൽ സൂപ്രണ്ട് എൻ. ആർ. ജയരാജ് പറഞ്ഞു. ഇവരിലാരെയെങ്കിലും സംസ്കരിച്ചപ്പോൾ ഒ...

റിയാദ്:  സൗദി അറേബ്യയിലെ മഹായിലിൽ മലയാളി പ്രവാസി ഹൃദയാഘാതം മൂലം അന്തരിച്ചു. കുന്നുംപുറം ചെങ്ങാനി സ്വദേശി മുജീബ് ഇടയാട്ട് (40) ആണ് മരണപ്പെട്ടത്.കഴിഞ്ഞ 19 വർഷത്തോളമായി സൗദി അറേബ്യയിൽ വിവിധ മേഖലകളിൽ ജോലി ചെയ്ത് പ്രവാസ ജീവിതം നയിച്ചു വരികയായിരുന്നു അദ്ദേഹം. താമസസ്ഥലത്ത് വെച്ച് പെട്ടെന്നുണ്ടായ ഹൃദയാഘാതത്തെ തുടർന്നായിരുന്നു അന്ത്യം. ​നിലവിൽ മഹായിൽ സെൻട്രൽ ഹോസ്പിറ്റൽ മോർച്ചറിയിൽ സൂക്ഷിച്ചിരിക്കുന്ന മയ്യിത്ത്, സഊദിയിലെ ഔദ്യോഗിക നിയമ നടപടികൾ എത്രയും വേഗം പൂർത്തിയാക്കിയ ശേഷം മഹായിലിലെ പ്രാദേശിക ഖബറിസ്ഥാനിൽ തന്നെ മറവ് ചെയ്യും. പരേതനായ കുഞ്ഞാലാൻ ഹാജി ചെങ്ങാനിയാണ് മുജീബിന്റെ പിതാവ്. ഭാര്യ: അസ്നത്. നാല് മക്കളുണ്ട്.

  ന്യൂഡല്‍ഹി :  ഇന്ത്യക്കാരുടെ ഏറ്റവും പ്രധാനപ്പെട്ട തിരിച്ചറിയല്‍ രേഖയായി മാറിയിരിക്കുകയാണ് ആധാർ കാർഡ്. ബാങ്ക് അക്കൗണ്ടുകള്‍, സർക്കാർ പദ്ധതികള്‍, മൊബൈല്‍ സിം കാർഡ്, പാസ്‌പോർട്ട് തുടങ്ങി നിരവധി സേവനങ്ങള്‍ക്ക് ആധാർ നിർബന്ധമാണ്. അതുകൊണ്ട് തന്നെ ആധാറിലെ വിശദാംശങ്ങള്‍ എല്ലായ്‌പ്പോഴും കൃത്യമായി സൂക്ഷിക്കേണ്ടത് വളരെ പ്രധാനമാണ്. ഇപ്പോള്‍ ആധാർ ഉപയോക്താക്കള്‍ക്കൊരു സന്തോഷ വാർത്തയാണ് പുറത്തുവന്നിരിക്കുന്നത്. ആധാറിലെ ഇമെയില്‍ വിശദാംശങ്ങള്‍ അപ്‌ഡേറ്റ് ചെയ്യുന്നതിനായി ഡിസംബർ 31 വരെ സൗജന്യ അവസരം നല്‍കി യുഐഡിഎഐ. നിലവില്‍ 75 രൂപ സർവീസ് ചാർജുള്ള അപ്‌ഡേഷൻ ഈ കാലയളവില്‍, ആധാർ ആപ്പ് വഴി യാതൊരു ഫീസും കൂടാതെ അപ്‌ഡേറ്റ് ചെയ്യാൻ കഴിയും. ശരിയായ ഇമെയില്‍, മൊബൈല്‍ വിശദാംശങ്ങള്‍ എന്നിവ നല്‍കുന്നത് ആധാർ സേവനങ്ങളെ കൂടുതല്‍ സുരക്ഷിതമാക്കും. ആധാറുമായി ലിങ്ക് ചെയ്തിട്ടില്ലാത്തവർക്കും, ആധാറില്‍ ഇമെയില്‍ വിലാസം അപ്‌ഡേറ്റ് ചെയ്തിട്ടും അപ്‌ഡേറ്റ് ആവാത്തവർക്കും ഈ അപ്‌ഡേറ്റ് പ്രയോജനപ്പെടുത്താം. ആധാർ അംഗ ആപ്പ് വഴി നടത്തുന്ന അപ്‌ഡേറ്റുകള്‍ക്ക് മാത്രമേ ഈ സൗകര്യം ബാധകമാകൂ എന്ന് ഉദ്യോഗസ്ഥർ വ്യക്തമാക്കി. ആധാറില്‍ ശരിയ...

 ഹൂസ്റ്റണ്‍: ഹൂസ്റ്റണിലെ ടെക്സസ് സ്റ്റേഡീയത്തില്‍ തടിച്ചുകൂടിയ പതിനായിരങ്ങളെ സാക്ഷിയാക്കി പോർച്ചുഗലിന് 2026 ഫിഫ ലോകകപ്പില്‍ സ്വപ്നതുല്യമായ ആദ്യ ജയം. സൂപ്പർ താരം ക്രിസ്റ്റ്യാനോ റൊണാള്‍ഡോയുടെ  ഇരട്ട ഗോള്‍ മികവില്‍ ഉസ്ബക്കിസ്ഥാനെ മറുപടിയില്ലാത്ത അഞ്ച് ഗോളുകള്‍ക്കാണ് പോർച്ചുഗല്‍ തകർത്തത്. ആദ്യ മത്സരത്തില്‍ കോംഗോയോട് അപ്രതീക്ഷിത സമനില വഴങ്ങിയ പോർച്ചുഗലിന് ഗ്രൂപ്പ് കെ-യിലെ (Group K) അടുത്ത റൗണ്ട് സാധ്യതകള്‍ സജീവമാക്കാൻ ഈ തകർപ്പൻ ജയം അനിവാര്യമായിരുന്നു. അതേസമയം, ആദ്യ മത്സരത്തില്‍ കൊളംബിയയോടും ഇപ്പോള്‍ പോർച്ചുഗലിനോടും പരാജയപ്പെട്ട ഉസ്ബക്കിസ്ഥാൻ ഗ്രൂപ്പ് ഘട്ടത്തില്‍ തന്നെ ടൂർണമെന്റില്‍ നിന്നും പുറത്തായി. മത്സരത്തിന്റെ ആറാം മിനിറ്റില്‍ തന്നെ ക്യാപ്റ്റൻ ക്രിസ്റ്റ്യാനോ റൊണാള്‍ഡോയിലൂടെ പോർച്ചുഗല്‍ ഗോള്‍വേട്ട ആരംഭിച്ചു. ഈ ഗോളോടെ കരിയറില്‍ കളിച്ച ആറ് ലോകകപ്പുകളിലും (2006, 2010, 2014, 2018, 2022, 2026) ഗോള്‍ നേടുന്ന ലോകത്തിലെ ഏക ഫുട്ബോള്‍ താരമെന്ന അവിശ്വസനീയമായ ചരിത്ര റെക്കോഡ് റൊണാള്‍ഡോ സ്വന്തം പേരില്‍ കുറിച്ചു. തുടർന്ന് 17-ാം മിനിറ്റില്‍ യുവ ഡിഫൻഡർ നൂനോ മെൻഡസ് (Nuno Mendes) മികച്ചൊരു ഫ്രീക്ക...

 മലപ്പുറം : നാടിനെ നടുക്കിയ കടലുണ്ടി ട്രെയിൻ ദുരന്തത്തിന്  25 വർഷം. ദുരന്തത്തില്‍ 52 പേർക്ക് ജീവൻ നഷ്ടപ്പെടുകയും 222 ലധികം ആളുകള്‍ക്ക് ഗുരുതരമായി പരിക്കേല്‍ക്കുകയും ചെയ്തിരുന്നു . കാല്‍ നൂറ്റാണ്ട് പിന്നിടുമ്പോഴും അപകട കാരണം ഇപ്പോഴും അവ്യക്തമാണ്. ദുരന്തത്തെ അതിജീവിച്ചവരും രക്ഷാപ്രവർത്തനങ്ങളില്‍ പങ്കാളികളായവരും ആ ഇരുണ്ട ദിനം ഓർത്തെടുക്കുകയാണ്. 2001 ജൂണ്‍ 22ന് ആണ് മംഗളൂരു-ചെന്നൈ എക്സ്പ്രസ് റെയില്‍പാലത്തിനു മുകളില്‍ നിന്നു പാളംതെറ്റി കടലുണ്ടിപ്പുഴയില്‍ പതിച്ചത്. ഫറോക്ക് കഴിഞ്ഞാല്‍ പരപ്പനങ്ങാടിയില്‍ മാത്രം സ്റ്റോപ്പുള്ള ട്രെയിൻ കടലുണ്ടി സ്റ്റേഷൻ വിട്ടു പാലത്തിലേക്ക് പ്രവേശിച്ച ശേഷം വൈകിട്ട് 5.15നായിരുന്നു അപകടം. കടലുണ്ടിപ്പാലം കടന്ന ഉടനെ ഗർഡറുകള്‍ തകർന്ന് മുന്നിലെ 12 ബോഗികള്‍ക്ക് ശേഷമുള്ള ആറു ബോഗികള്‍ പുഴയിലേക്കു വീഴുകയായിരുന്നു. അതില്‍ രണ്ടെണ്ണം മണല്‍ത്തിട്ടയില്‍ തങ്ങിനിന്നു. വേലിയിറക്കം കാരണം പുഴയില്‍ വെള്ളം നന്നായി കുറഞ്ഞതാണ് മരണനിരക്ക് കുറച്ചത്. അപകടം നടന്നയുടനെ നാട്ടുകാരും മണല്‍ത്തൊഴിലാളികളും മീൻപിടിത്തക്കാരുമെല്ലാം ഓടിയെത്തി രക്ഷാപ്രവർത്തനം തുടങ്ങി. ബേപ്പൂരില്‍നിന്ന് ഖലാസികളു...

കാസര്‍കോട്: സമസ്ത കേന്ദ്ര മുശാവറ അംഗവും കാസര്‍കോട് ജില്ലാ പ്രസിഡന്റും ദക്ഷിണ കന്നഡ (മംഗളൂരു), ഉഡുപ്പി ജില്ലകളിലെയും കാസര്‍കോട് ജില്ലയിലെ കീഴൂരിലെയും സംയുക്ത ഖാസിയുമായ തളങ്കര ഖാസിലൈന്‍ ഖാസിയാരകം വീട്ടില്‍ ത്വാഖ അഹമ്മദ് അല്‍ അസ് ഹരി (78) അന്തരിച്ചു. വാര്‍ധക്യകാല അസുഖത്തെ തുടര്‍ന്ന് മംഗളൂരുവിലെ സ്വകാര്യ ആശുപത്രിയില്‍ ചികിത്സയിലായിരുന്നു. നിലവില്‍ ദക്ഷിണ കന്നഡ ജംഇയ്യത്തുല്‍ ഉലമ വൈസ് പ്രസിഡന്റ് കൂടിയാണ്. ദക്ഷിണ കന്നഡ, ഉഡുപ്പി ജില്ലകളിലെയും കാസര്‍കോട് കീഴൂര്‍ സംയുക്ത ജമാഅത്ത്, കുഞ്ചത്തൂര്‍ എന്നിവിടങ്ങളിലെ ഇരുന്നൂരില്‍പരം മഹല്ലുകളുടെ ഖാസിയാണ്. 1948 ഏപ്രില്‍ എട്ടിന് ഖാസിയാര്‍ മുഹമ്മദ് കുഞ്ഞി ഹാജിയുടെയും ആയിഷയുടെയും മകനായാണ് ജനനം. ഉത്തര്‍പ്രദേശിലെ ദാറുല്‍ ഉലൂം ദയൂബന്തില്‍ നിന്ന് ഹദീസിലും അദബിലും മാഖൂലാത്തിലും തഹ്‌സീറിലും മതബിരുദങ്ങള്‍ നേടിയിട്ടുണ്ട്. തളങ്കര മുസ് ലിം ഹൈസ്‌കൂള്‍ വിദ്യാര്‍ഥിയായിരുന്നു. ഈജിപ്തിലെ കെയ്‌റോ അല്‍ അസ്ഹര്‍ സര്‍വകലാശാലയില്‍ നിന്ന് ഉസൂലുല്‍ ഫിഖ്ഹില്‍ മാജിസ്റ്റര്‍ (ആലിമിയ്യ) ബിരുദവും നേടി. കാസര്‍കോട് റൗളത്തുല്‍ ഉലൂം മദ്‌റസ, പൊന്നാനി മഊനത്ത് അറബിക് കോളജ്, അഴീക്കോട് ഇര്‍ഷാദ് ...

 ഫിലാഡെല്‍ഫിയ: ഫിഫ ലോകകപ്പിലെ ഗ്രൂപ്പ് ഐ പോരാട്ടത്തില്‍ ഇറാഖിനെ തകർത്തു ഫ്രാൻസ്. ഫിലാഡെല്‍ഫിയ സ്റ്റേഡിയത്തില്‍ നടന്ന മത്സരത്തില്‍ എതിരില്ലാത്ത മൂന്നു ഗോളുകള്‍ക്കാണ് കൈലിയൻ എംബാപ്പെയും സംഘവും വിജയിച്ചതോടെ. ഇതോടെ തുടർച്ചയായ രണ്ടാം മത്സരത്തിലെ വിജയത്തോടെ ഫ്രാൻസ് നോക്കൗട്ടിലേക്കു മുന്നേറി. ഫ്രാൻസിന്റെ മുന്നേറ്റങ്ങളോടെയാണ് മത്സര ആരംഭിച്ചത്. എംബാപ്പെയും ഡെംപെലെയും ഒലിസെയെയും ഒക്കെ പലതവണ ഗോളിനടുത്തെത്തി. മത്സരം 14 മിനിറ്റ് എത്തിയപ്പോള്‍ തന്നെ ഫ്രഞ്ച് പട മുന്നിലെത്തി. സൂപ്പർ താരം കൈലിയൻ എംബെപ്പെ തന്നെയാണ് ഫ്രാൻസിനെ മുന്നിലെത്തിച്ചത്. ബോക്സിന് വെളിയില്‍നിന്നുള്ള ബുള്ളറ്റ് ഷോട്ട് ഗോളി മറികടന്നു പോസ്റ്റില്‍ കയറുകയായിരുന്നു. പിന്നീട് നിരവധി തവണ ഫ്രഞ്ച് പട ഇറാഖ് പോസ്റ്റിലെത്തി. എന്നാല്‍, ഗോള്‍ മാത്രം വന്നില്ല. ഒടുവില്‍ 1-0 ത്തിന് ആദ്യ പകുതി അവസാനിച്ചു. ഇതിനിടയില്‍ മഴയും ഇടിമിന്നലും എത്തി. ആദ്യ പകുതിക്ക് ശേഷം രണ്ട് മണിക്കൂറോളം മത്സരം നിർത്തിവച്ചു. മത്സരം പുനരാരംഭിച്ചതോടെ ഫ്രഞ്ച് ആക്രമണവും പുനരാരംഭിച്ചു. 54-ാം മിനിറ്റില്‍ എംബാപ്പെ തന്നെ ഫ്രാൻസിന്റെ ലീഡ് രണ്ടാക്കി ഉയർത്തി. ഈ ഗോളോടെ ഫിഫ ലോകകപ്പുകളി...

  ഫറോക്ക്  : കുണ്ടായിത്തോട് ഗീതാജ്ഞലി പ്രസ്സിനടുത്ത് വച്ചുണ്ടായ വാഹനാപകടത്തിൽ വീട്ടമ്മ മരിച്ചു. കൊയേ പാടത്തെ പരേതനായ അബൂബക്കറിൻ്റെ ഭാര്യ ആയിശാബി ഹജ്ജുമ്മ (89) ആണ് മരിച്ചത്. ഇന്നലെ വൈകീട്ടാണ് അപകടം നടന്നത്. പേരക്കുട്ടിയുടെ കൂടെ സ്കൂട്ടറിൽ യാത്ര ചെയ്യുന്നതിനിടെ മഞ്ചേരിയിൽ നിന്ന് കോഴിക്കോട്ടേക്ക് പോകുന്ന ബസ് ഇവർ സഞ്ചരിച്ച സ്കൂട്ടറിൽ ഇടിക്കുകയായിരുന്നു. സ്കൂട്ടർ ഓടിച്ച അമീന മർജാനത്തിനെ നിസ്സാര പരിക്കുകളോടെ സ്വകാര്യ ആശുപത്രിയിൽ പ്രവേശിപ്പിച്ചു. ആയിശാബിയുടെ മക്കൾ: നബീസ , നസീമ, ശരീഫ, സീനത്ത്, കോയാലി , ഖമറുദ്ധീൻ

 കൻസാസ് സിറ്റി: ലോകകപ്പിലെ എക്കാലത്തെയും മികച്ച ഗോള്‍ വേട്ടക്കാരനായി അർജൻ്റീന നായകൻ ലയണല്‍ മെസി. ഓസ്ട്രിയക്കെതിരായ മത്സരത്തില്‍ ആദ്യ ഗോള്‍ നേടിയതോടെയാണ് മെസി റെക്കോഡ് കുറിച്ചത്.ഇന്നലെ ഇരട്ടഗോള്‍ നേടിയതോടെ ലോകകപ്പിലെ മെസിയുടെ അക്കൗണ്ടില്‍ 18 ഗോളുകളായിരുന്നു. ജർമനിയുടെ മുൻ സ്ട്രൈക്കർ മിറാസ്ലാവ് ക്ലോസെ (16) യുടെ റെക്കോഡാണ് മെസി മറികടന്നത്. ലോകകപ്പിലെ ആദ്യ മത്സരത്തില്‍ അള്‍ജീരിയക്കെതിരേ ഹാട്രിക് ഗോള്‍ നേടിയതോടെ മെസി ക്ലോസേയ്‌ക്കൊപ്പമെത്തിയിരുന്നു. ലോകകപ്പില്‍ മെസിയുടെ ആദ്യ ഹാട്രിക് കൂടിയായിരുന്നു അത്. ഇത്തവണ രണ്ട് ലോകകപ്പ് മത്സരങ്ങളില്‍ നിന്ന് അഞ്ച് ഗോളുകള്‍ മെസി നേടിക്കഴിഞ്ഞു. കളിച്ച ആറുലോകകപ്പുകളില്‍ അഞ്ചു ലോകകപ്പുകളിലും മെസി ഗോള്‍ നേടി. ഓസ്ട്രിയക്കെതിരായ മത്സരത്തിൻ്റെ ഒൻപതാം മിനിറ്റില്‍, ലഭിച്ച പെനാല്‍റ്റി മെസി പാഴാക്കി. എന്നാല്‍ നിരാശയിലാണ്ട ആരാധകർക്ക് അരമണിക്കൂറിനുള്ളില്‍ മെസി പുഞ്ചിരിയേകി. 38-ാം മിനിറ്റില്‍ ഓസ്ട്രിയൻ വലകുലുക്കി ലോകകപ്പിലെ എക്കാലത്തെയും മികച്ച ഗോള്‍വേട്ടക്കാരാനായി മെസി മാറി. ആദ്യ പകുതിയില്‍ ഒരു ഗോളിന്‍റെ ലീഡിലാണ് അർജന്‍റീന കളി അവസാനിപ്പിച്ചത്. രണ്ടാം പകുതിയില്‍ ഓസ...

ലോക ഫുട്ബോളിന്റെ ഏറ്റവും വലിയ കളിത്തട്ടായ ഫിഫ ലോകകപ്പിന്റെ ചരിത്രത്തില്‍, ഗോള്‍വേട്ടക്കാരുടെ രാജാവെന്ന പദവി കഴിഞ്ഞ ഒരു പതിറ്റാണ്ടായി ജർമ്മനിയുടെ ക്ലോസ് ക്ലോപ്പിങ് സ്ട്രൈക്കർ മിറോസ്ലാവ് ക്ലോസെയുടെ പേരില്‍ സുരക്ഷിതമായിരുന്നു. 2002 മുതല്‍ 2014 വരെയുള്ള നാല് ലോകകപ്പുകളിലായി ജർമ്മൻ ജേഴ്സിയില്‍ ക്ലോസെ അടിച്ചുകൂട്ടിയ 16 ഗോളുകള്‍ എന്നത് തകർക്കാൻ കഴിയാത്ത ഒരു ഹിമാലയൻ പീഠമായിട്ടാണ് കായിക ലോകം വിലയിരുത്തിയിരുന്നത്. ബ്രസീലിന്റെ ഇതിഹാസ താരം റൊണാള്‍ഡോ നസാരിയോയുടെ (15 ഗോളുകള്‍) റെക്കോർഡ് മറികടന്ന് 2014-ലെ ആ ചരിത്രപ്രസിദ്ധമായ ബ്രസീല്‍ വിരുദ്ധ സെമിഫൈനലില്‍ (7-1 വിജയം) ക്ലോസെ സ്ഥാപിച്ച ഈ റെക്കോർഡിലേക്ക് മറ്റൊരു മനുഷ്യന് എത്തിനോക്കാൻ പോലും കഴിയില്ലെന്ന് പലരും വിചാരിച്ചു. എന്നാല്‍, ആധുനിക ഫുട്ബോള്‍ കണ്ട ഏറ്റവും വലിയ രണ്ട് പ്രതിഭകളായ ലയണല്‍ ആന്ദ്രേസ് മെസ്സിയും കിലിയൻ എംബാപ്പെയും ഇന്ന് ആ സിംഹാസനത്തിന്റെ അടിത്തറ ഇളക്കിക്കൊണ്ട് ചരിത്രം തിരുത്തിയെഴുതാൻ ഇറങ്ങിപ്പുറപ്പെട്ടിരിക്കുകയാണ്. ആഗോള കാല്‍പന്തിന്റെ യഥാർത്ഥ സുല്‍ത്താൻ ആരാണെന്ന് നിർണ്ണയിക്കുന്ന ഈ റെക്കോർഡ് വേട്ട, 2026-ലെ ലോകകപ്പ് വേദിയിലെ ഏറ്റവും ആവേശകരമായ ...