ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

നാളെ മുതല്‍ ട്രെയിനില്‍ കര്‍ശന പരിശോധന; യാത്രക്കാര്‍ ഈ രേഖകള്‍ നിര്‍ബന്ധമായും കരുതണം


 

ന്യൂഡല്‍ഹി: യാത്രക്കാരുടെ ടിക്കറ്റ് പരിശോധന കർശനമാക്കാൻ ഇന്ത്യൻ റെയില്‍വേ. നാളെ മുതല്‍ ഈ മാസം 31വരെ സെൻട്രല്‍ റെയില്‍വേ ശൃംഖലയില്‍ പ്രത്യേക ടിക്കറ്റ് പരിശോധനാ യജ്ഞം നടത്തും.

ടിക്കറ്റില്ലാതെ യാത്ര ചെയ്യുന്നവരെ കണ്ടെത്തുന്നതിനൊപ്പം ഇളവ് ലഭിക്കുന്ന ടിക്കറ്റുകള്‍, പ്രത്യേക ക്വാട്ടയിലെ റിസർവേഷൻ, റെയില്‍വേ പാസ്, ഗ്രൂപ്പ് ബുക്കിംഗ് എന്നിവയും പരിശോധനയ്ക്ക് വിധേയമാക്കും.

ഇളവ് ലഭിക്കുന്ന നിരക്കിലോ പ്രത്യേക റിസർവേഷൻ ക്വാട്ടയിലോ ടിക്കറ്റ് എടുത്തവർ തങ്ങള്‍ക്ക് ആ ആനുകൂല്യത്തിന് അർഹതയുണ്ടെന്ന് തെളിയിക്കുന്ന ഒറിജിനല്‍ തിരിച്ചറിയല്‍ രേഖ കൈവശം കരുതണം. ഫോണില്‍ സൂക്ഷിച്ചിരിക്കുന്ന രേഖയുടെ ഫോട്ടോയോ ഫോട്ടോകോപ്പിയോ മാത്രം ആശ്രയിക്കരുതെന്നാണ് റെയില്‍വേ നിർദേശം.

ഏതെല്ലാം തിരിച്ചറിയല്‍ രേഖകള്‍ അംഗീകരിക്കും?

റെയില്‍വേ നിയമപ്രകാരം താഴെപ്പറയുന്ന രേഖകള്‍ തിരിച്ചറിയല്‍ രേഖയായി ഉപയോഗിക്കാം.

ആധാർ കാർഡ്

പാസ്‌പോർട്ട്

പാൻ കാർഡ്

ഡ്രൈവിംഗ് ലൈസൻസ്

വോട്ടർ ഫോട്ടോ തിരിച്ചറിയല്‍ കാർഡ്

കേന്ദ്ര-സംസ്ഥാന സർക്കാരുകള്‍ നല്‍കുന്ന ഫോട്ടോ പതിച്ച തിരിച്ചറിയല്‍ കാർഡ്


അംഗീകൃത സ്കൂള്‍/കോളേജ് നല്‍കുന്ന ഫോട്ടോ പതിച്ച വിദ്യാർത്ഥി തിരിച്ചറിയല്‍ കാർഡ്

ഫോട്ടോ പതിച്ച ദേശസാല്‍കൃത ബാങ്ക് പാസ്‌ബുക്ക്


ഫോട്ടോ പതിച്ച ലാമിനേറ്റ് ചെയ്ത ബാങ്ക് ക്രെഡിറ്റ് കാർഡ്

ഗ്രൂപ്പ്ടിക്കറ്റുള്ളവർ ശ്രദ്ധിക്കണം  

ഒരേ ടിക്കറ്റില്‍ ഒന്നിലധികം പേർ യാത്ര ചെയ്യുന്ന സാഹചര്യത്തിലും പരിശോധന കർശനമാക്കും. ഗ്രൂപ്പ് ടിക്കറ്റില്‍ ഉള്‍പ്പെട്ട കുറഞ്ഞത് ഒരാള്‍ എങ്കിലും നിർദേശിച്ച ഒറിജിനല്‍ തിരിച്ചറിയല്‍ രേഖ കൈവശം കരുതണം. രേഖ ഹാജരാക്കാൻ കഴിയാത്ത പക്ഷം ബാധകമായ റെയില്‍വേ നിയമപ്രകാരം സാധുവായ ടിക്കറ്റില്ലാതെ യാത്ര ചെയ്തതായി കണക്കാക്കാൻ സാദ്ധ്യതയുണ്ട്.

ഇ-പാസ്, പി.ടി.ഒ ഉപയോഗിക്കുന്നവരും ശ്രദ്ധിക്കണം

ഇ-പാസ് അല്ലെങ്കില്‍ പ്രിവിലേജ് ടിക്കറ്റ് ഓർഡർ (പിടിഒ) ഉപയോഗിച്ച്‌ യാത്ര ചെയ്യുന്നവർക്കും രേഖാ പരിശോധന ഉണ്ടാകും. ഇവർ ആവശ്യമായ ഒറിജിനല്‍ തിരിച്ചറിയല്‍ രേഖ കൈവശം കരുതുന്നതിനൊപ്പം യാത്രയ്ക്ക് മുമ്പ് ഇ-പാസ്/പിടിഒ നിർദേശിച്ച രീതിയില്‍ അതോറിറ്റി ടു ട്രാവല്‍ ആയി മാറ്റിയിട്ടുണ്ടെന്നും ഉറപ്പാക്കണം.

അണ്‍ റിസർവ്ഡ് ടിക്കറ്റുകള്‍ക്കും പരിശോധന


അണ്‍ റിസർവ്ഡ് ടിക്കറ്റുകളും പ്രത്യേക പരിശോധനയ്ക്ക് വിധേയമാക്കും. ടിക്കറ്റിന്റെ സാധുത പരിശോധിക്കാൻ ആവശ്യമായ സാഹചര്യങ്ങളില്‍ റെയില്‍വേ ജീവനക്കാർ ടിടിഇ ആപ്പ് ഉപയോഗിക്കും. സാധുവായ ടിക്കറ്റുമായി യാത്ര ചെയ്യണമെന്നും പരിശോധനാ ജീവനക്കാരുമായി സഹകരിക്കണമെന്നും സെൻട്രല്‍ റെയില്‍വേ യാത്രക്കാരോട് അഭ്യർത്ഥിച്ചു.

ടിക്കറ്റില്ലാതെ യാത്ര ചെയ്താല്‍ കനത്ത പിഴ

സാധുവായ ടിക്കറ്റോ യാത്രാനുമതിയോ ഇല്ലാതെ യാത്ര ചെയ്താല്‍ ഈടാക്കുന്ന കുറഞ്ഞ അധിക ചാർജ് 2026 ജൂണ്‍ 20 മുതല്‍ 250 രൂപയില്‍ നിന്ന് 500 രൂപയായി ഉയർത്തിയിട്ടുണ്ട്. അതിനാല്‍ ടിക്കറ്റും ആവശ്യമായ രേഖകളും ഇല്ലാതെ യാത്ര ചെയ്യുന്നവർക്ക് ഉയർന്ന സാമ്പത്തിക പിഴ നേരിടേണ്ടിവരും.

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.