ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

കോഴിക്കോട്ടെ ജ്വല്ലറികളില്‍ നിന്ന് 118 പവൻ സ്വര്‍ണവുമായി മുങ്ങിയ പ്രതി പിടിയില്‍


 കോഴിക്കോട് : കമ്മത്ത്‌ലെയ്‌നിലെ വിവിധ ജൂവലറികളില്‍ നിന്നും വ്യാപാരികള്‍ വില്‍ക്കാനേല്‍പ്പിച്ച 1.39 കോടി രൂപയിലധികം വില വരുന്ന 118 പവനിലേറെ സ്വർണാഭരണങ്ങളുമായി മുങ്ങിയ പ്രതി ഒടുവില്‍ പൊലീസിന്റെ വലയിലായി.

കോഴിക്കോട് നടക്കാവ് നാലുകുടിപറമ്പില്‍ സഫർനാസിനെയാണ് (29) മലപ്പുറം പുളിക്കലിലെ വാടകവീട്ടില്‍ വെച്ച്‌ സിറ്റി പൊലീസ് പിടികൂടിയത്.

കഴിഞ്ഞ ജൂലൈ 28-നാണ് കേസിനാസ്പദമായ സംഭവം നടക്കുന്നത്.
മറ്റ് വ്യാപാരികളുടെ കൈവശമുണ്ടായിരുന്ന ലക്ഷക്കണക്കിന് രൂപ വിലമതിക്കുന്ന സ്വർണവുമായി കടന്നുകളഞ്ഞ പ്രതിയെ കണ്ടെത്താൻ സിറ്റി പോലീസ് കമ്മിഷണർ എ.പി. ഷൗക്കത്തലിയുടെ നേതൃത്വത്തില്‍ പ്രത്യേക അന്വേഷണ സംഘം രൂപീകരിച്ച്‌ ഊർജിതമായ അന്വേഷണം നടത്തിവരികയായിരുന്നു.

* 46 ദിവസമായി ഒളിവിൽ കഴിഞ്ഞിരുന്ന പ്രതി  പൊലീസിന്റെ നീക്കങ്ങൾ മനസ്സിലാക്കി മൂന്ന് തവണ രക്ഷപ്പെട്ട പ്രതിയെ, ബന്ധുക്കളുടെയും സുഹൃത്തുക്കളുടെയും ഫോൺ ബന്ധങ്ങൾ ഉൾപ്പെടെ കൃത്യമായി പിന്തുടർന്നാണ് അന്വേഷണ സംഘം വലയിലാക്കിയത്.

ജൂലൈ 27ന് കമ്മത്ത് ലൈനിലെ 11 ജ്വല്ലറികളിൽ നിന്ന് ആഭരണങ്ങൾ വാങ്ങി തിരികെ നൽകാമെന്ന് പറഞ്ഞാണ് തട്ടിപ്പ് ആസൂത്രണം ചെയ്തതെന്നാണ് പൊലീസ് പറയുന്നത്. സഹോദരൻ പി.ടി. ഷഫീഖിന്റെ സഹായത്തോടെയാണ് തട്ടിപ്പ് നടത്തിയതെന്നും അന്വേഷണത്തിൽ കണ്ടെത്തി.

ആഭരണങ്ങൾ കൈവശപ്പെടുത്തിയ ശേഷം സ്കൂട്ടറിൽ രക്ഷപ്പെട്ട പ്രതി പിന്നീട് കുന്നമംഗലം, വയനാട്, ബെംഗളൂരു, കണ്ണൂർ എന്നിവിടങ്ങളിൽ ഒളിവിൽ കഴിഞ്ഞു. പ്രതിയെ പിടികൂടാൻ പൊലീസ് ഒരുക്കിയ തന്ത്രങ്ങൾ മനസ്സിലാക്കി പലതവണ ഇയാൾ താവളം മാറ്റി.

എന്നാൽ ബന്ധുക്കളുടെയും സുഹൃത്തുക്കളുടെയും ഫോൺ ബന്ധങ്ങൾ കേന്ദ്രീകരിച്ച് പൊലീസ് നടത്തിയ നിരന്തര അന്വേഷണമാണ് ഒടുവിൽ നിർണായകമായത്.
പ്രതിയുടെ സഹോദരനെ കസ്റ്റഡിയിലെടുത്ത് നടത്തിയ അന്വേഷണത്തിൽ ലഭിച്ച വിവരങ്ങളും മുങ്ങിയ സുഹൃത്തിന്റെ ഫോൺ നമ്പർ കേന്ദ്രീകരിച്ചുള്ള സൈബർ അന്വേഷണവും നിർണായകമായി. ഇതിന്റെ അടിസ്ഥാനത്തിൽ മലപ്പുറം പുളിക്കലിലെ വാടക വീട്ടില്‍ നിന്നാണ് സഫർനാസിനെ പൊലീസ് പിടികൂടിയത്.

അന്വേഷണത്തില്‍ പ്രതിക്ക് ഒളിത്താവളം ഒരുക്കാൻ സഹായിച്ച സഹോദരൻ ഷഫീഖിനെ പൊലീസ് നേരത്തെ അറസ്റ്റ് ചെയ്തിരുന്നു. മലപ്പുറത്ത് ഒളിവില്‍ കഴിയാൻ സഫർനാസിന് എല്ലാ സഹായങ്ങളും ചെയ്തത് ഷഫീഖിന്റെ അറിവോടെയാണെന്ന് പൊലീസ് കണ്ടെത്തി. ഇയാളെക്കൂടാതെ പ്രതിക്ക് ഒളിയിടം ഒരുക്കാൻ കൂട്ടുനിന്ന വെള്ളയില്‍ സ്വദേശിയായ തൊഴിലാളി നേതാവിനായുള്ള അന്വേഷണവും ഊർജിതമാക്കിയിട്ടുണ്ട്.

കമ്മിഷണർ എ.പി. ഷൗക്കത്തലിയുടെ നേതൃത്വത്തിൽ എസ്.ഐമാരായ സജീഷ് ഷിനോബ്, ടി.എ. വിഷ്ണു, ടി.കെ. ബിനിൽ കുമാർ, എസ്.സി.പി.ഒമാരായ പി. ശ്രീജിത്ത് കുമാർ, വിശോഭ് ലാൽ, ജുനൈസ്, രതീഷ്, എൻ. രഞ്ജിത്ത് പാതിരിയിൽ, സിറ്റി ക്രൈം സ്ക്വാഡ് അംഗങ്ങളായ എം. ഷാലു, സി.കെ. സുജിത്ത്, സൈബർ സെൽ പൊലീസുകാരായ സ്കൈലേഷ്, പി. പ്രജിത്ത് എന്നിവർ അന്വേഷണത്തിൽ പങ്കെടുത്തു.

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.