ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

ചരിത്രമെഴുതി മെസി; ലോകകപ്പിലെ എക്കാലത്തെയും മികച്ച ഗോള്‍ വേട്ടക്കാരൻ


 കൻസാസ് സിറ്റി: ലോകകപ്പിലെ എക്കാലത്തെയും മികച്ച ഗോള്‍ വേട്ടക്കാരനായി അർജൻ്റീന നായകൻ ലയണല്‍ മെസി. ഓസ്ട്രിയക്കെതിരായ മത്സരത്തില്‍ ആദ്യ ഗോള്‍ നേടിയതോടെയാണ് മെസി റെക്കോഡ് കുറിച്ചത്.ഇന്നലെ ഇരട്ടഗോള്‍ നേടിയതോടെ ലോകകപ്പിലെ മെസിയുടെ അക്കൗണ്ടില്‍ 18 ഗോളുകളായിരുന്നു. ജർമനിയുടെ മുൻ സ്ട്രൈക്കർ മിറാസ്ലാവ് ക്ലോസെ (16) യുടെ റെക്കോഡാണ് മെസി മറികടന്നത്.

ലോകകപ്പിലെ ആദ്യ മത്സരത്തില്‍ അള്‍ജീരിയക്കെതിരേ ഹാട്രിക് ഗോള്‍ നേടിയതോടെ മെസി ക്ലോസേയ്‌ക്കൊപ്പമെത്തിയിരുന്നു. ലോകകപ്പില്‍ മെസിയുടെ ആദ്യ ഹാട്രിക് കൂടിയായിരുന്നു അത്. ഇത്തവണ രണ്ട് ലോകകപ്പ് മത്സരങ്ങളില്‍ നിന്ന് അഞ്ച് ഗോളുകള്‍ മെസി നേടിക്കഴിഞ്ഞു. കളിച്ച ആറുലോകകപ്പുകളില്‍ അഞ്ചു ലോകകപ്പുകളിലും മെസി ഗോള്‍ നേടി.

ഓസ്ട്രിയക്കെതിരായ മത്സരത്തിൻ്റെ ഒൻപതാം മിനിറ്റില്‍, ലഭിച്ച പെനാല്‍റ്റി മെസി പാഴാക്കി. എന്നാല്‍ നിരാശയിലാണ്ട ആരാധകർക്ക് അരമണിക്കൂറിനുള്ളില്‍ മെസി പുഞ്ചിരിയേകി. 38-ാം മിനിറ്റില്‍ ഓസ്ട്രിയൻ വലകുലുക്കി ലോകകപ്പിലെ എക്കാലത്തെയും മികച്ച ഗോള്‍വേട്ടക്കാരാനായി മെസി മാറി. ആദ്യ പകുതിയില്‍ ഒരു ഗോളിന്‍റെ ലീഡിലാണ് അർജന്‍റീന കളി അവസാനിപ്പിച്ചത്.

രണ്ടാം പകുതിയില്‍ ഓസ്ട്രിയ അർജന്‍റീനൻ പ്രതിരോധത്തെ വിറപ്പിച്ചുകൊണ്ട് കളിയിലേക്ക് തിരിച്ചുവരാൻ ശ്രമിച്ചെങ്കിലും ഫലം കണ്ടില്ല. ഓസ്ട്രിയൻ സൂപ്പർ താരം മാഴ്സല്‍ സബിറ്റ്സറുടെ ഷോട്ടുകള്‍ അർജന്‍റീനൻ ഗോളി എമിലിയാനോ മാർട്ടീനസ് മികച്ച സേവുകളിലൂടെ തട്ടിയകറ്റി.

മത്സരം അവസാനിക്കാൻ മിനിറ്റുകള്‍ മാത്രം ബാക്കിനില്‍ക്കെ സമനില ഗോളിനായി ഓസ്ട്രിയ താരങ്ങള്‍ മുന്നോട്ട് കയറി കളിച്ചു. എന്നാല്‍ ഇൻജുറി ടൈമിന്‍റെ അഞ്ചാം മിനിറ്റില്‍ (90+5') അർജൻ്റീന കൗണ്ടർ അറ്റാക്ക് നടത്തി. മെസി നല്‍കിയ അവസരം ജൂലിയൻ അല്‍വാരസിന് ലക്ഷ്യത്തിലെത്തിക്കാനായില്ല. എന്നാല്‍ തൊട്ടടുത്ത് തന്നെയുണ്ടായിരുന്ന മെസി ഓസ്ട്രിയൻ പ്രതിരോധ താരങ്ങളെ അനായാസം വെട്ടിച്ച്‌ പന്ത് വീണ്ടും വലയിലെത്തിച്ചു. മത്സരത്തില്‍ അർജൻ്റീനയുടെ രണ്ടാമത്തെയും ഇതിഹാസത്തിൻ്റെ പതിനെട്ടാം ലോകകപ്പ് ഗോളും പിറന്നു.


Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.