ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ
ജോഷി, ഷാജി കൈലാസ്, വിഎം വിനു, എം പത്മകുമാര്, വൈശാഖന് തുടങ്ങി പുതുതലമുറയിലെ തരുണ് മൂര്ത്തി വരെയുള്ള സംവിധായകര്ക്ക് പ്രിയപ്പെട്ട ക്യാമറാമാനായിരുന്നു ഷാജികുമാര്. പ്രശസ്ത ഛായാഗ്രാഹകന് വിപിന് മോഹന്റെ അസിസ്റ്റന്റായാണ് സിനിമയില് എത്തുന്നത്. 2001 ല് ജയറാം ചിത്രം ഉത്തമനിലൂടെ സ്വതന്ത്ര ഛായാഗ്രാഹകനായി. ആദ്യം ചിത്രം തന്നെ സൂപ്പര്ഹിറ്റായി.
കാലത്തിന് അനുസരിച്ച് മാറിയ ഷാജികുമാര് പിന്നീട് മലയാള സിനിമയിലെ മികച്ച പല ചിത്രങ്ങളുടെയും ദൃശ്യ വിസ്മയം ഒരുക്കി. നരന്, ഒടിയന്, പോക്കിരിരാജ, നസ്രാണി, റോബിന്ഹുഡ്, ബാബാ കല്യാണി, വെള്ളിനക്ഷത്രം, അത്ഭുതദ്വീപ്, പുലിമുരുകന്, മധുരരാജ, റിങ് മാസ്റ്റര്, മല്ലു സിങ്, പത്തൊന്പതാം നൂറ്റാണ്ട്, ബാന്ദ്ര, തുടരും തുടങ്ങിയ സൂപ്പര്ഹിറ്റ് ചിത്രങ്ങള്ക്കായി ക്യാമറ ചലിപ്പിച്ചു.
സമകാലീനര്ക്ക് കാലിടറിയ ഡിജിറ്റല് ഫിലിം മേക്കിങ്ങില് മികച്ച വിജയങ്ങള് തുടര്ച്ചയായി നേടിക്കൊണ്ടാണ് അദ്ദേഹം തന്റെ പ്രതിഭ തെളിയിച്ചത്. ഒരു പതിറ്റാണ്ടിലേറെയായി സിനിമയില് സജീവമായിരുന്നു. മോഹന്ലാല് - തരുണ് മൂര്ത്തി ചിത്രമായ അതിമനോഹരം , സുരേഷ് ഗോപി ചിത്രമായ ഒറ്റക്കൊമ്പന് എന്നിവയാണ് അവസാനം ചിത്രീകരിച്ച സിനിമകള്. അതിമനോഹരം അടുത്ത മാസം അവസാനം പുറത്തിറങ്ങാനിരിക്കെയാണ് അന്ത്യം.
രണ്ട് ദിവസം മുന്പാണ് ആലപ്പുഴയില് ദിലീപ് ചിത്രത്തിന്റെ സെറ്റില് വച്ചാണ് ഷാജികുമാറിന് ദേഹാസ്വാസ്ഥ്യമുണ്ടായി കുഴഞ്ഞുവീഴുന്നത്. ആലപ്പുഴയില് പ്രാഥമിക ചികിത്സ നല്കിയ ശേഷം കൊച്ചിയിലേക്കു മാറ്റിയ ഷാജികുമാര് ഐസിയുവിലായിരുന്നു. പിന്നീട് അദ്ദേഹത്തെ മുറിയിലേക്കു മാറ്റിയിരുന്നു. ഇന്നലെ രാത്രിയോടെ ശുചിമുറിയിലേക്കു പോകുന്നതിനിടെ കുഴഞ്ഞുവീഴുകയായിരുന്നു.
മലയാളത്തിനു പുറമേ തമിഴ്, ഹിന്ദി ചിത്രങ്ങളിലും പ്രവര്ത്തിച്ചിട്ടുണ്ട്. ഷാജികുമാര് സ്വതന്ത്ര ക്യാമറമാന് എന്ന നിലയില് പ്രവര്ത്തിച്ച സിനിമകള് ഇനി പറയുന്നവയാണ്. ഉത്തമന്, വാല്ക്കണ്ണാടി, പകല്പ്പൂരം, കണ്മഷി, അമ്മക്കിളിക്കൂട്, പട്ടണത്തില് സുന്ദരന്, ഞാന് സല്പ്പേര് രാമന്കുട്ടി, വെള്ളിനക്ഷത്രം, സത്യം, വേഷം, നരന്, അത്ഭുതദ്വീപ്, യെസ് യുവര് ഓണര്, മഹാസമുദ്രം, ബാബാ കല്യാണി.
ജൂലൈ 4, നസ്രാണി, സൈക്കിള്, വെറുതെ ഒരു ഭാര്യ, റോബിന്ഹുഡ്, റെഡ് ചില്ലീസ്, പോക്കിരി രാജ, ഡോക്ടര് ലവ്, സീനിയേഴ്സ്, മാമ്പട്ടിയാന്, പൊന്നര് ശങ്കര്, ദ കിംഗ് ആന്ഡ് ദി കമ്മീഷണര്, മല്ലൂസിംഗ്, മദിരാശി, സിംഹാസനം, ശൃംഗാരവേലന്, സൗണ്ട് തോമ, രാജാധിരാജ, റിംഗ് മാസ്റ്റര്, കസിന്സ്, പുലിമുരുകന്, സാഹസം (തമിഴ്), രാമലീല, മോഹന്ലാല്, ഒടിയന്, ചന്ദ്രഗിരി, മധുരരാജ, ഇട്ടിമാണി മെയ്ഡ് ഇന് ചൈന, നൈറ്റ് ഡ്രൈവ്, പത്തൊമ്പതാം നൂറ്റാണ്ട്, ബാന്ദ്ര, കാഥികന്, വണ്സ് അപ്പോണ് എ ടൈം ഇന് കൊച്ചി, തുടരും, അതിമനോഹരം, ഒറ്റക്കൊമ്പന്
Comments
Post a Comment