ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

മണ്ഡലകാലത്തിന് തുടക്കം; ശബരിമല നട ഇന്ന് തുറക്കും


 പത്തനംതിട്ട: മണ്ഡലകാല തീർത്ഥാടനത്തിനായി ശബരിമല നട ഇന്ന് തുറക്കും. വൈകിട്ട് അഞ്ചിന് തന്ത്രി കണ്ഠര് ബ്രഹ്മദത്തന്റെ സാന്നിധ്യത്തില്‍ മേല്‍ശാന്തി ഇ.ഡി.പ്രസാദ് നമ്പൂതിരി നട തുറന്ന് ദീപം തെളിക്കും. വൃശ്ചികം ഒന്നായ നാളെ പുലർച്ചെ മൂന്നു മണി മുതലാണ് മണ്ഡലപൂജകള്‍ക്ക് തുടക്കമാകുക.

മേല്‍ശാന്തി ശ്രീകോവിലില്‍ വിളക്ക് തെളിയിച്ച ശേഷം പതിനെട്ടാംപടി ഇറങ്ങി ആഴിയില്‍ തീപകരും. പിന്നാലെ ഇരുമുടിയുമായി കാത്തുനില്‍ക്കുന്ന നിയുക്ത ശബരിമല മേല്‍ശാന്തി സുബ്രഹ്മണ്യൻ ശങ്കരൻ നമ്പൂതിരിയെയും മാളികപ്പുറം മേല്‍ശാന്തി എ ദാമോദരൻ നമ്പൂതിരിയെയും പതിനെട്ടാം പാടി കയറ്റും. ദീപാരാധനയ്ക്ക് ശേഷം കലശം കുളിപ്പിച്ച്‌ ശബരിമല മേല്‍ശാന്തിയെ സോപാനത്തിലേക്ക് ആനയിക്കും പിന്നാലെ തന്ത്രി മൂലമന്ത്രം ചൊല്ലി കൊടുക്കും. സമാനമായ ചടങ്ങാണ് മാളികപ്പുറത്തും നടക്കുക. രാത്രി ഹരിവരാസനം പാടി നടയടച്ച ശേഷം നിലവിലെ മേല്‍ശാന്തി മാരായ പ്രസാദ് നമ്പൂതിരി, എം ജി മനു നബൂതിരി എന്നിവർ മലയിറങ്ങും.

നാളെ പുലർച്ചെ പുതിയ മേല്‍ശാന്തിമാരാകും നട തുറക്കുക. ഇന്ന് ഉച്ചയ്ക്ക് 12 മണിക്ക് ശേഷം മാത്രമേ നിലയ്ക്കലില്‍ നിന്ന് പമ്പയിലേക്ക് തീർഥാടകരെ കടത്തിവിടുകയുള്ളൂ. വെർച്വല്‍ ക്യൂ, സ്‌പോട്ട്‌ ബുക്കിങ്‌ എന്നിവ വഴി ദിവസം 80,000 പേർക്കാണ്‌ ദർശന സ‍ൗകര്യം ഒരുക്കുക. കാനനപാത വഴി വരുന്നവർക്കായി എരുമേലിയിലും, പുല്ലുമേട് വഴി എത്തുന്നവർക്കായി സത്രത്തിലും, ട്രെയിൻ മാർഗം എത്തുന്ന തീർഥാടകർക്ക്‌ ചെങ്ങന്നൂരിലും സ്പോട്ട് ബുക്കിങ് സൗകര്യം ഒരുക്കിയിട്ടുണ്ട്.

ഓരോ ദിവസത്തെയും തീർഥാടകരുടെ തിരക്കും ഹൈക്കോടതി നിർദ്ദേശങ്ങളും അനുസരിച്ച്‌ സ്‌പോട്ട് ബുക്കിങ്‌ പാസുകളുടെ എണ്ണത്തില്‍ വ്യത്യാസം ഉണ്ടാകും. ഭക്തർക്കായി 50 ലക്ഷം ടിൻ അരവണ കരുതല്‍ശേഖരമായി ഒരുക്കിയിട്ടുണ്ട്‌. വിതരണത്തിന്‌ അഞ്ചു ക‍ൗണ്ടറുകള്‍കൂടി തുറക്കും. നീലിമല കയറുന്ന ഭക്തർക്ക് വിശ്രമിക്കാനും വിരിവെക്കാനും കൂടുതല്‍ സൗകര്യങ്ങള്‍ ഒരുക്കുമെന്ന് ദേവസ്വം ഭാരവാഹികള്‍ അറിയിച്ചു.

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.