ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

ഫുജൈറയിൽ വൻ വാഹനാപകടം; നിരവധി പേർ മരിച്ചു ; മരിച്ചവരിൽ കുന്നുംപുറം സ്വദേശികളായ ഒരു കുടുംബത്തിലെ മൂന്ന് പേര്‍


ദുബായ്: ഫുജൈറ- എമിറേറ്റിലേക്കുള്ള പ്രവേശന കവാടത്തിൽ, ഷെയ്ഖ് ഖലീഫ ബിൻ സായിദ് റോഡിൽ ഒരു ട്രക്കും നിരവധി വാഹനങ്ങളും കൂട്ടിയിടിച്ച് അപകടം.  അപകടത്തിൽ നിരവധി പേർ മരിക്കുകയും പരിക്കേൽക്കുകയും ചെയ്തു.  അപകടത്തില്‍ മലപ്പുറം കുന്നുംപുറം സ്വദേശികളായ കുടുംബത്തിലെ മൂന്ന് പേര്‍ക്ക് ദാരുണാന്ത്യം.
ഫുജൈറ കോടതിക്ക് മുന്നില്‍ വെച്ച്‌ കുടുംബം സഞ്ചരിച്ചിരുന്ന കാര്‍ നിയന്ത്രണം വിട്ട് ട്രക്കിന് പിന്നിലേക്ക് ശക്തമായി ഇടിച്ചുകയറിയാണ് ഈ വലിയ ദുരന്തമുണ്ടായത്. ഫുജൈറയില്‍ ഇവാ കഫറ്റീരിയ നടത്തിവരുന്ന മലപ്പുറം വേങ്ങര കുന്നുംപുറം കുണ്ടില്‍പ്പാറ സ്വദേശി സിദ്ദീഖിന്റെ കുടുംബമാണ് ഈ അപകടത്തില്‍പ്പെട്ടത്. നാട്ടിലും പ്രവാസലോകത്തും ഒരുപോലെ വലിയ നടുക്കവും ദുഃഖവുമാണ് ഈ വാര്‍ത്ത ഉണ്ടാക്കിയിട്ടുള്ളത്.

ഫുജൈറയില്‍ ഇവാ കഫറ്റീരിയ നടത്തുന്ന സിദ്ദീഖിന്റെ മക്കളായ മുഹമ്മദ് അസ്മില്‍ (21), മിസ്ന ജുബിന്‍ (21), സിദ്ദീഖിന്റെ മറ്റൊരു മകളുടെ മകനായ മൂന്ന് വയസ്സുകാരന്‍ മുഹമ്മദ് ഫായിസ് എന്നിവരാണ് അപകടത്തില്‍ സംഭവസ്ഥലത്തുവെച്ചുതന്നെ മരണപ്പെട്ടത്.

അപകടം നടക്കുമ്പോള്‍ വാഹനം പൂര്‍ണ്ണമായും തകര്‍ന്ന നിലയിലായിരുന്നുവെന്നാണ് പുറത്തുവരുന്ന വിവരങ്ങള്‍ സൂചിപ്പിക്കുന്നത്. അപകടസമയത്ത് ഈ വാഹനത്തില്‍ കുടുംബത്തിലെ ഏഴ് പേരാണ് ആകെ ഉണ്ടായിരുന്നത്. ഫുജൈറ കോടതിക്ക് സമീപമുള്ള റോഡിലൂടെ സഞ്ചരിക്കവെയാണ് പ്രതീക്ഷിക്കാത്ത രീതിയില്‍ ഈ വലിയ അപകടം അവരുടെ വാഹനത്തെ തേടിയെത്തിയത്. അപ്രതീക്ഷിതമായി മുന്നില്‍ നിന്നിരുന്ന ട്രക്കിന് പിന്നിലേക്ക് കാര്‍ അതിവേഗതയില്‍ ഇടിച്ചുകയറുകയായിരുന്നുവെന്നാണ് പ്രാഥമിക നിഗമനം.

ഈ ദാരുണമായ അപകടത്തില്‍ ഗുരുതരമായി പരുക്കേറ്റ സിദ്ദീഖിന്റെ ഭാര്യ, മൂത്ത മകള്‍, ഇവരുടെ മറ്റ് രണ്ട് മക്കള്‍ എന്നിവര്‍ നിലവില്‍ ഫുജൈറയിലെ വിവിധ ആശുപത്രികളില്‍ അതീവ ഗുരുതരാവസ്ഥയില്‍ ചികിത്സയിലാണ്. പരുക്കേറ്റവരുടെ ആരോഗ്യനില സംബന്ധിച്ച വിവരങ്ങള്‍ ഡോക്ടര്‍മാര്‍ നിരന്തരം നിരീക്ഷിച്ചുവരികയാണ്. കുടുംബാംഗങ്ങളുടെ പെട്ടെന്നുള്ള ഈ ദുര്‍വിധിയറിഞ്ഞ് നാട്ടിലുള്ള ബന്ധുക്കളും വലിയ ആശങ്കയിലാണ് കഴിയുന്നത്. മൃതദേഹങ്ങള്‍ നാട്ടിലെത്തിക്കാനുള്ള നടപടികള്‍ക്കായി പ്രവാസികളും സാമൂഹിക പ്രവര്‍ത്തകരും രംഗത്തുണ്ട്.


Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.