ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

സ്വര്‍ണം പറക്കുന്നു; മണിക്കൂറുകള്‍ക്കിടെ 5000 രൂപയോളം കൂടി


കൊച്ചി: കേരളത്തില്‍ സ്വര്‍ണവിലയില്‍ വന്‍ കുതിപ്പ്. ഇന്നലെയും ഇന്നുമായി 5000 രൂപയോളം ഒരു പവന് വര്‍ധിച്ചു. സര്‍വകാല റെക്കോര്‍ഡിലേക്ക് സ്വര്‍ണം കുതിക്കുമോ എന്നാണ് ആശങ്ക. നിലവിലെ വിപണി സാഹചര്യം അതിന് അനിയോജ്യമാണ്. 24 മണിക്കൂറിനിടെയാണ് 4680 രൂപ ഒരു പവന് വര്‍ധിച്ചിരിക്കുന്നത്. ഇനിയും വില കൂടിയേക്കുമെന്നാണ് വ്യാപാരികള്‍ നല്‍കുന്ന സൂചന.

അമേരിക്കയില്‍ ട്രംപ് ഭരണകൂടത്തില്‍ വലിയ രാഷ്ട്രീയ തിരിച്ചടിയേറ്റതാണ് വിപണിയിലെ പൊടുന്നനെയള്ള മാറ്റത്തിന് കാരണം. കൂടാതെ അമേരിക്കയെ യുദ്ധത്തിന് പ്രേരിപ്പിച്ച ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹുവിനും രാഷ്ട്രീയ തിരിച്ചടി ലഭിച്ചു. ഭരണം നിലനിര്‍ത്താന്‍ നെതന്യാഹുവിന് സാധിച്ചില്ല. ഇറാനെതിരായ യുദ്ധത്തില്‍ നിന്ന് അമേരിക്ക പിന്നാക്കം പോകുമെന്നാണ് സൂചനകള്‍. ഇതോടെ ക്രൂഡ് ഓയില്‍ വില കുത്തനെ ഇടിഞ്ഞു.

മൂന്ന് ദിവസം മുമ്പ് ക്രൂഡ് ഓയില്‍ ബാരല്‍ വില 105 ഡോളറിന് മുകളിലായിരുന്നു. ഇന്ന് 93 ഡോളറായി ഇടിഞ്ഞു. ഇത്രയും വലിയ ഇടിവ് പെട്ടെന്ന് സംഭവിച്ചതോടെ വിപണി താളംതെറ്റി. ഡോളര്‍ സൂചിക ഇടിയാന്‍ തുടങ്ങി. മറ്റു കറന്‍സികള്‍ മൂല്യം കൂടി. അവ ഉപയോഗിച്ച്‌ കൂടുതല്‍ പേര്‍ സ്വര്‍ണം വാങ്ങാന്‍ ആരംഭിച്ചതോടെ സ്വര്‍ണവില കുതിച്ചു.

കേരളത്തിലെ ഇന്നത്തെ സ്വര്‍ണവില

കേരളത്തില്‍ ഇന്ന് ഒരു പവന്‍ സ്വര്‍ണത്തിന് 2360 രൂപയാണ് കൂടിയത്. ഇന്നലെ രണ്ട് തവണയായി 2400 രൂപയോളം വര്‍ധിച്ചു. ഇന്ന് ഒരു പവന്‍ സ്വര്‍ണത്തിന്റെ വില 107080 രൂപയാണ്. ഗ്രാമിന് 13385 രൂപയുമായി. ആഗോള വിപണിയില്‍ സ്വര്‍ണവില 4140 ഡോളറിലെത്തി. രണ്ട് ദിവസം മുമ്പ് 3800ലായിരുന്നു വില്‍പ്പന. കേരളത്തില്‍ വെള്ളിയുടെ ഗ്രാം വില 210 ഡോളറായി വര്‍ധിച്ചു.

നിലവില്‍ ഓഹരി വിപണി സജീവമായിട്ടുണ്ട്. അമേരിക്കയിലെ ട്രംപ് ഭരണകൂടത്തിന് ഒറ്റയ്ക്ക് തീരുമാനങ്ങള്‍ എടുത്ത് നടപ്പാക്കാന്‍ സാധിക്കാത്ത അവസ്ഥയാണ്. അതുകൊണ്ടുതന്നെ ട്രംപിന്റെ നയങ്ങള്‍ നടപ്പാക്കല്‍ മരവിച്ചേക്കും. ഈ പ്രതീക്ഷയാണ് വിപണിയെ ഉണര്‍ത്തിയത്. യുദ്ധം അവസാനിക്കുമെന്ന പ്രതീക്ഷയും വ്യാപിച്ചു. ഡോളറിലേക്കും ബാങ്ക് നിക്ഷേപങ്ങളിലേക്കും മടങ്ങിയവര്‍ തിരിച്ചെത്തി സ്വര്‍ണം വാങ്ങിക്കൂട്ടാന്‍ തുടങ്ങി.

നിലവിലെ ട്രെന്‍ഡ് തുടര്‍ന്നാല്‍ സ്വര്‍ണവില കൂടും. എന്നാല്‍ വലിയ ലാഭം കിട്ടുമെന്ന് മനസിലാക്കി നിക്ഷേപകര്‍ സ്വര്‍ണം വില്‍ക്കാന്‍ ആരംഭിച്ചാല്‍ സ്വര്‍ണവില താഴും. വൈകാതെ ഈ അവസ്ഥയുണ്ടാകുമെന്ന് പ്രതീക്ഷിക്കുന്ന വിപണി നിരീക്ഷകരുമുണ്ട്. എങ്കിലും ഇപ്പോള്‍ വില കയറുന്ന പോലെ വന്‍തോതില്‍ താഴില്ല. ക്രമേണയായിരിക്കും ആ മാറ്റം സംഭവിക്കുക.

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.