ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ
സംസ്ഥാന വിദ്യാഭ്യാസ ഭരണ പരിശീലന ഗവേഷണ കേന്ദ്രമായ സിമാറ്റിലെ കരാർ അധിഷ്ഠിത പദവിയില് നിന്നാണ് ഇവർ ഒടുവില് പടിയിറങ്ങിയത്. വെള്ളിയാഴ്ച സ്ഥാപന മേധാവിക്ക് രാജി സമർപ്പിക്കുകയായിരുന്നു.
പൊതു നോട്ടിഫിക്കേഷനോ കൃത്യമായ മാനദണ്ഡങ്ങളോ ഇല്ലാതെ ബയോഡേറ്റ മാത്രം നല്കിയാണ് ഈ പദവിയിലേക്ക് നിയമനം നേടിയതെന്ന ആരോപണം തുടക്കത്തിലേ ഉയർന്നുവന്നിരുന്നു. മുന്നറിയിപ്പുകളോ പരസ്യമോ ഇല്ലാതെ നടത്തിയ ഇന്റർവ്യൂവിനെക്കുറിച്ച് ഇവർ എങ്ങനെ വിവരമറിഞ്ഞു എന്ന ചോദ്യം വിവാദങ്ങള്ക്ക് വഴിവെച്ചു. ഇത്തരം ഒഴിവുകളില് സാധാരണയായി നോട്ടിഫിക്കേഷൻ പുറപ്പെടുവിക്കാറില്ലെന്നും ഒഴിവു വന്ന വിവരം ഷാനി ഷഫീർ എങ്ങനെ മനസ്സിലാക്കി എന്ന് തനിക്കറിയില്ലെന്നുമായിരുന്നു ഇതില് സിമാറ്റ് ഡയറക്ടറുടെ വിശദീകരണം.
ഇതിനുപിന്നാലെ ഷാനിയുടെ പിഎച്ച്ഡി യോഗ്യതയുമായി ബന്ധപ്പെട്ട ആരോപണങ്ങളും കൂടുതല് വലിപ്പത്തില് ഉയർന്നുവന്നു. റിസർച്ച് ഓഫീസർ പദവിക്ക് ആവശ്യമായ പി.എച്ച്.ഡി യോഗ്യത ഇവർക്കില്ലെന്ന വിവരങ്ങള് പുറത്തുവന്നതോടെ നിയമനം പൂർണ്ണമായും സംശയനിഴലിലായി.
പാർട്ടി ബന്ധങ്ങള് ഉപയോഗിച്ച് ആർക്കും ജോലിയോ സ്ഥലമാറ്റമോ സംഘടിപ്പിച്ചു നല്കില്ല എന്ന് എൻജിഒ അസോസിയേഷൻ വേദിയിലടക്കം പരസ്യ നിലപാടെടുത്തിരുന്ന വ്യക്തിയാണ് ബി.ആർ.എം. ഷഫീർ. എന്നാല് സ്വന്തം ഭാര്യയുടെ വഴിവിട്ട നിയമനം പുറത്തുവന്നതോടെ ഷഫീറിനും കോണ്ഗ്രസ് നേതൃത്വത്തിനും കടുത്ത പ്രതിരോധത്തിലാകേണ്ടി വന്നു. പ്രതിപക്ഷവും പൊതുസമൂഹവും പ്രതിഷേധം ശക്തമാക്കിയ സാഹചര്യത്തിലാണ് ഒടുവില് ഷാനി ഷഫീർ രാജി സമർപ്പിക്കാൻ നിർബന്ധിതയായത്.
Comments
Post a Comment