ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ
അപകടം നടക്കുന്നതിന് മണിക്കൂറുകള്ക്ക് മുന്പ് ഷറഫുദ്ദീന് വാട്സ്ആപ്പ് സ്റ്റാറ്റസിലൂടെ മദ്യപിച്ചുള്ള ഡ്രൈവിങ്ങിനെതിരെ ഇപ്രകാരം പ്രതികരിച്ചിരുന്നു. കൊച്ചിയിലുണ്ടായ അപകടത്തിന്റെ പശ്ചാത്തലത്തിലായിരുന്നു ആ കുറിപ്പ്.
തുടര്ന്ന് കഴിഞ്ഞ ദിവസം രാത്രി മലപ്പുറം ഒതുക്കങ്ങലില് നടന്ന സമാനമായ അപകടത്തില് കുഴിപ്പുറം പാലേമാട് സ്വദേശിയായ ഷറഫുദ്ദീന് (36) മരിച്ചു.
മലപ്പുറം പറപ്പൂര് സ്വദേശിയായ അക്ബര് അലി മദ്യപിച്ച് ഓടിച്ച കാറാണ് ഷറഫുദ്ദീനെ ഇടിച്ചത്. അക്ബര് അലിയെ പൊലീസ് അറസ്റ്റു ചെയ്തിട്ടുണ്ട്.
ഇയാളുടെ കാര് ഷറഫുദ്ദീനും സുഹൃത്ത് ഹബീബും സഞ്ചരിച്ച സ്കൂട്ടറില് ഇടിക്കുകയായിരുന്നു. ഇരുവരെയും ഉടന് ആശുപത്രിയിലെത്തിച്ചെങ്കിലും ഷറഫുദ്ദീനെ രക്ഷിക്കാനായില്ല. മഞ്ചേരി നോബിള് കോളേജിലെ താല്ക്കാലിക അധ്യാപകനാണ് ഷറഫുദ്ദീന്. ഹബീബ് പരിക്കുകളോടെ ആശുപത്രിയില് ചികിത്സയിലാണ്.
പ്രതിയായ അക്ബര് അലി കടുത്ത മദ്യലഹരിയിലായിരുന്നുവെന്ന് വൈദ്യപരിശോധനയില് തെളിഞ്ഞിട്ടുണ്ട്. ഇയാള്ക്കെതിരെ നരഹത്യാക്കുറ്റം ഉള്പ്പെടെയുള്ള വകുപ്പുകള് ചുമത്തിയാണ് പോലീസ് കേസെടുത്തിരിക്കുന്നത്.
Comments
Post a Comment