ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ
ആദ്യം അടിക്കാൻ ശ്രമിച്ചയാളെ പോലീസ് തടഞ്ഞെങ്കിലും, പിന്നീട് ആശുപത്രിയുടെ മുറ്റത്തേക്ക് ഇറങ്ങിയപ്പോള് വശത്തുനിന്നുണ്ടായ ആക്രമണം സുഹൈലിന്റെ മുഖത്ത് കൊള്ളുകയായിരുന്നു. മുഖം പൊത്തിപ്പിടിച്ചാണ് പിന്നീട് സുഹൈല് നടന്നത്. തുടർന്ന് പോലീസ് ഇയാളെ വീണ്ടും ആശുപത്രിയിലേക്ക് തന്നെ തിരികെ കൊണ്ടുപോയി. ആക്രമണത്തില് പ്രതിക്ക് കാര്യമായ പരിക്കുകള് ഒന്നുമില്ലെന്നാണ് വിവരം.
അതേസമയം, പോലീസിന്റെ കസ്റ്റഡിയിലിരിക്കെ പ്രതിയെ അടിക്കാൻ ശ്രമിച്ച യുവാവിനെ പോലീസ് പിടികൂടിയിട്ടുണ്ട്. 'കസ്റ്റഡിയിലിരിക്കുന്ന ആളെ അടിക്കാറായോടാ' എന്ന് ചോദിച്ചുകൊണ്ട് പോലീസുകാർ ഇയാളെ പിടികൂടുന്നത് ദൃശ്യങ്ങളില് വ്യക്തമാണ്. നെടുമ്പാശ്ശേരിയിലേക്ക് സുഹൃത്തുക്കളെ കൂട്ടാനായി യാത്ര ചെയ്യുകയായിരുന്നു സുഹൈല് സജീവ് എന്നാണ് വിവരം. എന്നാല് യാത്രയ്ക്കിടയില് വഴിയിലെ മൂന്ന് ബാറുകളില് കയറി പ്രതി മദ്യപിച്ചിരുന്നതായും, ഇതിന്റെ ദൃശ്യങ്ങള് ഇയാള് സ്വന്തം മൊബൈല് ഫോണില് ചിത്രീകരിച്ചിട്ടുണ്ടെന്നും വ്യക്തമായിട്ടുണ്ട്. കൊച്ചിയിലെ പ്രമുഖ വസ്ത്ര വ്യാപാര സ്ഥാപനമായ 'ഇഹാ ഡിസൈൻസി'ന്റെ ഉടമകളായ നൂഹ സജീവിന്റെയും സജീവ് ജമാലിന്റെയും മകനാണ് സുഹൈല് സജീവ്.
അപകട സമയത്ത് കാറില് നിന്ന് വലിച്ചിറക്കി നാട്ടുകാർ ഇയാളെ നേരിട്ടപ്പോള് 'കേസ് വാപ്പ നോക്കിക്കോളും" എന്നായിരുന്നു പ്രതികരണം. പൊലീസിനോടും പരുഷമായി ഇടപെട്ടു. തുടർന്ന് വിലങ്ങിട്ടാണ് കൊണ്ടുപോയത്.
സംഭവവുമായി ബന്ധപ്പെട്ട് സോഷ്യല് മീഡിയയിലടക്കം വലിയ പ്രതിഷേധമാണ് പ്രതിക്ക് എതിരെ ഉയരുന്നത്. നെടുമ്പാശ്ശേരി എയർപോർട്ട് റോഡില് ഞായറാഴ്ച പുലർച്ചെ രണ്ടരയോടെയാണ് അപകടം നടന്നത്. ഇയാള് ഓടിച്ച മിനികൂപ്പർ കാർ അതിവേഗതയില് ചെന്ന് മൂന്നുപേർ സഞ്ചരിച്ചിരുന്ന സ്കൂട്ടറിലേക്ക് ഇടിച്ചുകയറുകയായിരുന്നു. അപകടത്തില് വയനാട് സ്വദേശി ദേവിക, പാലക്കാട് സ്വദേശി ഗോപിക, കർണാടക സുള്ള്യ സ്വദേശി ഇയാസ് എന്നിവർ സംഭവസ്ഥലത്തുതന്നെ തല്ക്ഷണം മരിച്ചു. സുഹൈല് സജീവിനെതിരെ മനപ്പൂർവ്വമല്ലാത്ത നരഹത്യയ്ക്കാണ് പോലീസ് കേസെടുത്തിട്ടുള്ളത്.
Comments
Post a Comment