ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

കുത്തേറ്റിട്ടും ചെറുത്ത് നിന്നു, കുഞ്ഞുങ്ങൾ ഉൾപെടെ 174 ജീവൻ രക്ഷിച്ചു; ഫ്ളൈ ദുബായ് 'ഹീറോ' ക്യാപ്റ്റൻ സ്മ‌ിത്ത് മച്ചാർ

ദുബായ്:  കുത്തേറ്റിട്ടും സഹപൈലറ്റിനെ ചെറുത്തുനിന്ന് യാത്രക്കാരുടെ ജീവൻകാത്ത ഇന്ത്യക്കാരൻ. ക്യാപ്റ്റൻ സ്മിത് മച്ചാർ അക്ഷരാർത്ഥത്തിൽ 'ഹീറോ' ആയിരിക്കുകയാണ് വിമാനത്തിലെ യാത്രക്കാർക്കും പ്രിയപ്പെട്ടവർക്കും.
കഴിഞ്ഞ ദിവസമായിരുന്നു ദുരൂഹമായ സംഭവം. 

ദുബൈയിൽനിന്ന് ഇസ്‌റാഈൽ തലസ്ഥാനമായ തെൽ അവീവിലേക്ക് 180 യാത്രക്കാരുമായി പറന്ന ഫ്ളൈ ദുബൈ വിമാനം ഇടിച്ചിറക്കാൻ പൈലറ്റ് ശ്രമിക്കുന്നു. ഇതിനെ തുടർന്ന് കോക്ക്പിറ്റിൽ കൈയേറ്റവും കത്തിക്കുത്തുമുണ്ടാവുന്നു. വിമാനം റാഞ്ചിയെന്ന് എയർ ട്രാഫിക് കൺട്രോൾ ടവറിലേക്ക് (എ.ടി.സി) രണ്ടു തവണ അടിയന്തര സന്ദേശം
ലഭിച്ചതോടെ വ്യോമയാന മേഖല മിനുട്ടുകളോളം നടുങ്ങി. റഡാറിൽ നിന്ന് അപ്രത്യക്ഷമായ വിമാനം ഒടുവിൽ സഊദി അറേബ്യയിലെ തബൂക്കിൽ അടിയന്തരമായി ഇറക്കിയാണ് യാത്രക്കാരെ രക്ഷപ്പെടുത്തിയത്.

ഒരു പൈലറ്റ് വിമാനം തകർത്ത് ആത്മഹത്യ ചെയ്യാൻ ശ്രമിച്ചതാണ് പ്രശ്നങ്ങളുടെ തുടക്കം. കോക്ക്പിറ്റിന്റെ നിയന്ത്രണം ഏറ്റെടുക്കാൻ ശ്രമിച്ച പൈലറ്റ് സഹപ്രവർത്തകനെ കുത്തിപ്പരുക്കേൽപ്പിക്കുകയായിരുന്ന ക്യാപ്റ്റൻ സ്മിത് മച്ചാറിനാണ് കുത്തേറ്റത്. കുത്തിയ സഹ പൈലറ്റ് ഒമാൻ സ്വദേശിയാണ്.

ഇന്നലെ രാവിലെ 7.5ന് ദുബൈ വിമാനത്താവളത്തിൽനിന്ന് പുറപ്പെട്ട '737 മാക്സ് 8 ബോയിങ്' വിഭാഗത്തിൽപ്പെട്ട ഫ്ളൈ ദുബൈ (എദ 1073) വിമാനത്തിലാണ് നടുക്കുന്ന സംഭവങ്ങൾ അരങ്ങേറിയത്. പറന്നുയർന്ന് രണ്ടു മണിക്കൂറിനു ശേഷം വിമാനം വിചിത്രമായ രീതിയിൽ കുത്തനെ താഴേക്ക് പതിക്കുകയായിരുന്നു. 30 സെക്കൻഡിനുള്ളിൽ 14,000 അടി താഴേക്ക് പോയി.
ഇതിനു പിന്നാലെ വിമാനത്തിൽ നിന്ന് 'സ്ക്വാക് 7700' സന്ദേശം പുറപ്പെടുവിച്ചു.

 വിമാനം ഹൈജാക്ക് ചെയ്യപ്പെടുകയോ വിമാനത്തിനുള്ളിൽ അടിയന്തര സുരക്ഷാ ഭീഷണിയുണ്ടാകുകയോ ചെയ്യുമ്പോൾ നൽകുന്ന അപായ സന്ദേശമാണിത്. 7 മിനുട്ടിനു ശേഷം സന്ദേശം സാധാരണ നിലയിലായി. തുടർന്ന് വിമാന യാത്രാപാതയിലില്ലാത്ത സഊദിയിലെ തബൂക്ക് പ്രാദേശിക വിമാനത്താവളത്തിൽ വിമാനം സുരക്ഷിതമായി ലാൻഡ് ചെയ്തു.അക്രമിയായ പൈലറ്റിനെ പൊലിസ് അറസ്റ്റ് ചെയ്തു. യാത്രക്കാരനായ യു.എ.ഇ സ്വദേശിയായ പൈലറ്റും കുത്തേറ്റ ഇന്ത്യക്കാരനായ പൈലറ്റും ചേർന്നാണ് വിമാനം സുരക്ഷിതമായി ഇറക്കിയതും വൻ ദുരന്തം ഒഴിവാക്കിയതും.

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.