ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

പെട്രോള്‍ വിലയും E20 ആശങ്കയും; ഇന്ത്യ EVയിലേക്ക് ?


 മുംബൈ: ഇന്ത്യയില്‍ വാഹങ്ങള്‍ വാങ്ങുന്നതില്‍ വലിയ മാറ്റം വന്നുതുടങ്ങിയിരിക്കുകയാണ്. പ്രധാനമായും ഇതിന് രണ്ടു കാരണങ്ങളാണ് ഉള്ളത്.

ഒന്ന്, പശ്ചിമേഷ്യാ സംഘർഷത്തെത്തുടർന്ന് പെട്രോള്‍, ഡീസല്‍ വില ഉയർന്നതും രണ്ട്, എഥനോള്‍ ചേർത്ത പെട്രോള്‍ ഉപയോഗം വാഹനങ്ങളുടെ ഇന്ധനക്ഷമത കുറയ്ക്കുന്നതായുള്ള റിപ്പോർട്ടുകളുമാണ്. ഇതുമൂലം രാജ്യത്ത് വൈദ്യുത വാഹനങ്ങളുടെ വില്‍പ്പന കുത്തനെ ഉയർന്നിരിക്കുകയാണ്.

കണക്കുകള്‍ പ്രകാരം, ജൂലായില്‍ 3,27,901 വൈദ്യുതവാഹനങ്ങളാണ് നിരത്തുകളിലെത്തിയത്. ഫെഡറേഷൻ ഓഫ് ഓട്ടോമൊബൈല്‍ ഡീലേഴ്‌സ് അസോസിയേഷൻ (ഫാഡ) പുറത്തുവിട്ട കണക്കുകളാണിത്. ഇതുവരെയുള്ളതില്‍ ഒരുമാസത്തെ ഏറ്റവും ഉയർന്ന വില്‍പ്പന കണക്ക് ആണ് ഇത്.

2026 ജൂണിലെ 3,06,220 വൈദ്യുതവാഹനങ്ങളെന്നതിനെയാണ് ജൂലായില്‍ മറികടന്നിരിക്കുന്നത്. 2025 ജൂലായിലെ വില്‍പ്പനയെക്കാള്‍ 66 ശതമാനം വളർച്ചയാണ് ഈ വിഭാഗത്തിലുണ്ടായതെന്ന് ഫാഡ പറയുന്നു.

നിലവില്‍ രജിസ്‌ട്രേഷൻ നടത്തുന്ന എട്ടില്‍ ഒരു വാഹനം വൈദ്യുതിയിലോടുന്നതാണ്. ഇതോടെ രാജ്യത്ത് നിരത്തുകളില്‍ വൈദ്യുതവാഹനങ്ങളുടെ വിഹിതം 12 ശതമാനത്തിലേക്കുയർന്നതായും ഫാഡ വൈസ് പ്രസിഡന്റ് സായ് ഗിരിധർ പറഞ്ഞു.

വൈദ്യുതവാഹന വില്‍പ്പനയില്‍ മുന്നില്‍ ഇരുചക്രവാഹനങ്ങളാണ്. ജൂലായില്‍ ഇലക്‌ട്രിക് ഇരുചക്രവാഹന വില്‍പ്പന 2,04,362 യൂണിറ്റുകളാണ്. 2025 ജൂലായിലിത് 1,08,516 എണ്ണമായിരുന്നു. 88.32 ശതമാനമാണ് വർധന.

യാത്രാവാഹനങ്ങളുടെ വിഭാഗത്തില്‍ 83.13 ശതമാനം വർധനയുമായി 32,928 യൂണിറ്റിലെത്തി. മുൻവർഷം ഇതേകാലത്തിത് 17,981 എണ്ണമായിരുന്നു. കൂടാതെ 87,055 മുച്ചക്രവാഹനങ്ങളും 3,556 വാണിജ്യവാഹനങ്ങളും ജൂലായില്‍ വിറ്റഴിഞ്ഞിട്ടുണ്ട്. ഈ ഒരു മാറ്റം തുടർന്നും ഉണ്ടാകുമോ എന്നാണ് ഇപ്പോള്‍ വിപണി ഉറ്റുനോക്കുന്നത്.

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.