കോഴിക്കോട് വിവാഹസംഘം സഞ്ചരിച്ച ബസ് വെള്ളക്കെട്ടില്‍ കുടുങ്ങി

കോഴിക്കോട് :  പൂനൂർ-കട്ടിപ്പാറ റൂട്ടിലെ കുണ്ടത്തില്‍ വിവാഹസംഘം സഞ്ചരിച്ച ബസ് വെള്ളക്കെട്ടില്‍ കുടുങ്ങി. നിറയെ യാത്രക്കാരുമായി പോയ സ്വകാര്യ ബസാണ് വെള്ളത്തില്‍ കുടുങ്ങിയത്.

ശനിയാഴ്ച ഉച്ചയോടെയാണ് സംഭവം നടന്നത്. പൂനൂർ പുഴ കരകവിഞ്ഞൊഴുകിയതിനെ തുടർന്ന് കുണ്ടത്തില്‍ റോഡില്‍ വലിയ തോതില്‍ വെള്ളപ്പൊക്കം രൂപപ്പെടുകയായിരുന്നു. എന്നാല്‍ സമീപവാസികളും നാട്ടുകാരും അടിയന്തിരമായി ഇടപെട്ട് ബസിലുണ്ടായിരുന്ന മുഴുവൻ യാത്രക്കാരെയും സുരക്ഷിതമായി പുറത്തെത്തിച്ചതിനാല്‍ വൻ ദുരന്തം ഒഴിവായി. അവേലം, ചേപ്പാല, കോളിക്കല്‍, കുണ്ടത്തില്‍ തുടങ്ങിയ പ്രധാന റോഡുകളിലെല്ലാം വെള്ളം കയറിയതോടെ മേഖലയിലെ ഗതാഗതം പൂർണ്ണമായും തടസ്സപ്പെട്ടിരിക്കുകയാണ്.