തെരുവുനായ ശല്യത്തിനെതിരെ ജനകീയ പോരാട്ടം; തേഞ്ഞിപ്പലത്ത് ജനസുരക്ഷാ കൂട്ടായ്മ രൂപീകരിച്ചു

 തേഞ്ഞിപ്പലം: തെരുവുനായ  ശല്യത്തിന് ശാശ്വത പരിഹാരം ആവശ്യപ്പെട്ട് ജനകീയ ഇടപെടലുകൾ ശക്തമാക്കുന്നതിന്റെ ഭാഗമായി ജനസുരക്ഷാ കൂട്ടായ്മയുടെ ജനറൽ ബോഡി യോഗം ആലുങ്ങലിലെ AEMS Public School-ൽ ചേർന്നു.

അഹമ്മദ് കുട്ടി (ബാവ) ചെനക്കലങ്ങാടി സ്വാഗതം ആശംസിച്ച യോഗത്തിൽ സത്യൻ കൊയപ്പപ്പാടം അധ്യക്ഷത വഹിച്ചു. ആർ. എസ്. പണിക്കർ ഉദ്ഘാടനം നിർവഹിച്ചു.

ടി. കെ. ഉമ്മർ കോയ മാഷ് തെരുവുനായ ശല്യത്തിന്റെ നിലവിലെ സാഹചര്യവും പൊതുജനങ്ങൾ നേരിടുന്ന സുരക്ഷാ പ്രശ്നങ്ങളും വിശദീകരിച്ചു. ജാഫർ ചേളാരി ജനാഭിപ്രായ സർവേ റിപ്പോർട്ട് അവതരിപ്പിച്ചു. തുടർന്ന് നടന്ന ചർച്ചയിൽ കമറുദ്ദീൻ, പ്രഹ്ലാദൻ, ആബിദ് മന്നാർ, ജയപ്രകാശ്, ആബിദലി എ.പി. എന്നിവർ വിവിധ നിർദേശങ്ങൾ മുന്നോട്ടുവച്ചു.

യോഗത്തിൽ ജനസുരക്ഷാ കൂട്ടായ്മയുടെ പുതിയ കമ്മിറ്റി രൂപീകരിച്ചു. പി. എം. പോക്കർ കുട്ടി ഹാജി, പി. എം. ബാവ (ക്രസന്റ്) എന്നിവർ രക്ഷാധികാരികളായും, ആർ. എസ്. പണിക്കർ ചെയർമാനായും, സത്യൻ എം. (കൊയപ്പപ്പാടം), അബ്ദുൽ അസീസ് (കടലുണ്ടി) എന്നിവർ വൈസ് ചെയർമാൻമാരായും തിരഞ്ഞെടുക്കപ്പെട്ടു.

ജാഫർ (ചേളാരി) ജനറൽ കൺവീനറായും, അഹമ്മദ് കുട്ടി (ബാവ-ചെനക്കലങ്ങാടി), ആബിദ് (മന്നാർ) എന്നിവർ കൺവീനർമാരായും, സലീം കെ.പി. (പാണമ്പ്ര) കോഡിനേറ്ററായും, ബക്കർ കെ. (കൊളത്തോട്), സലാം (കോഴിശ്ശേരി) എന്നിവർ വൈസ് കോഡിനേറ്റർമാരായും, പി. എം. അമീറലി (ബാവ) ട്രഷററായും, ഹംസ (കൊളത്തോട്) മീഡിയ വിംഗ് ചുമതലക്കാരനായും തിരഞ്ഞെടുക്കപ്പെട്ടു.

ടി. കെ. ഉമ്മർ കോയ മാഷ്, വിജയകൃഷ്ണൻ (വില്ലൂന്നിയാൽ), ഹരിനാരായണൻ, അബ്ദു റസാഖ് (ചെനക്കൽ), വാനിഷ് വി.പി., കമറുദ്ദീൻ (പാണമ്പ്ര), സമദ് (അരീപാറ), രജീഷ് (ചേളാരി), ശിഹാബ് (ചേളാരി), അബ്ദു റഹ്മാൻ (ചേളാരി), ആബിദലി എ.പി., ജുബൈർ (മാതാപുഴ), സാഹിൽ ഷെറഫ്, റഫീഖ് എ.പി., പ്രഹ്ലാദൻ എന്നിവർ വർക്കിംഗ് കമ്മിറ്റി അംഗങ്ങളായി തിരഞ്ഞെടുക്കപ്പെട്ടു.

പഞ്ചായത്തിന് സമർപ്പിക്കേണ്ട ആവശ്യങ്ങൾ, നിവേദനം നൽകൽ, വിവരാവകാശ അപേക്ഷ സമർപ്പിക്കൽ, ആവശ്യമായ നിയമനടപടികൾ സ്വീകരിക്കൽ എന്നിവ ഉൾപ്പെടെയുള്ള പ്രവർത്തന പദ്ധതികൾക്കും യോഗം അംഗീകാരം നൽകി. പൊതുജനങ്ങളുടെ സുരക്ഷ ഉറപ്പാക്കുന്നതിനായി ബന്ധപ്പെട്ട വകുപ്പുകളുമായി സഹകരിച്ച് പ്രവർത്തനങ്ങൾ ശക്തമാക്കാനും യോഗം തീരുമാനിച്ചു. എം. എ. ഉസ്താദ് ആശംസകൾ നേർന്നു. പി. എം. അമീറലി ബാവ നന്ദി രേഖപ്പെടുത്തി.