ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

ഇന്ത്യ- ഇസ്രയേൽ ബന്ധം; മോദിയെ ഫോണിൽ വിളിച്ച് ചർച്ച നടത്തി നെതന്യാഹു


 ന്യൂഡൽഹി : ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹുവുമായി ഫോണിൽ സംസാരിച്ച് പ്രധാനമന്ത്രി നരേന്ദ്ര മോദി. പശ്ചിമേഷ്യൻ സംഘർഷവും നിലവിലെ സാഹചര്യങ്ങളും ഇന്ത്യയും ഇസ്രയേലും തമ്മിലുള്ള ഉഭയകക്ഷി ബന്ധവും വിവിധ മേഖലകളിലെ സഹകരണവും അവലോകനം ചെയ്തു. ഫോൺ സംഭാഷണത്തിന് പിന്നാലെ എക്സ് പോസ്റ്റിലൂടെയാണ് പ്രധാനമന്ത്രി ഇക്കാര്യം അറിയിച്ചത്.

ഇന്ത്യ- ഇസ്രയേൽ ബന്ധം നാൾക്കുനാൾ ശക്തിപ്രാപിച്ചുവരികയാണെന്നും ഇരു രാജ്യങ്ങളും തമ്മിലുള്ള സഹകരണ മേഖലകളിലെ പുരോഗതി വിലയിരുത്തിയെന്നും മോദി എക്‌സിൽ കുറിച്ചു. സമ്പർക്കം തുടർന്നുപോകാനും ഇരു നേതാക്കളും ധാരണയായിട്ടുണ്ട്. കഴിഞ്ഞ ഫെബ്രുവരിയിൽ നെതന്യാഹുവിന്റെ ക്ഷണപ്രകാരം പ്രധാനമന്ത്രി മോദി ഉന്നതതല സംഘത്തോടൊപ്പം ഇസ്രയേലിൽ രണ്ടു ദിവസത്തെ സന്ദർശനം നടത്തിയിരുന്നു.

2017ലെ മോദിയുടെ ഇസ്രയേൽ സന്ദർശനവും 2018ൽ നെതന്യാഹു ഇന്ത്യയിലെത്തിയതും ഇരുരാജ്യങ്ങളും തമ്മിലുള്ള സഹകരണ പങ്കാളിത്തത്തിന് അടിത്തറയിട്ടതായി നേതാക്കൾ അനുസ്മരിച്ചു.

പ്രതിരോധം, സുരക്ഷ, സാങ്കേതികവിദ്യ, സൈബർ, കൃഷി, ജലവിഭവം, ആരോഗ്യം, സംരംഭകം തുടങ്ങിയ മേഖലകളിൽ ബന്ധം വളർന്നതായി നേതാക്കൾ വിലയിരുത്തി. ഇരുരാജ്യങ്ങളുടെയും തന്ത്രപ്രധാനമായ പങ്കാളിത്തത്തെ ' സമാധാനം, നവീകരണം, സമൃദ്ധി എന്നിവയ്ക്കായുള്ള പങ്കാളിത്തം ഉയർത്താനും തീരുമാനിച്ചിരുന്നു.

നിർമ്മിത ബുദ്ധി , സൈബർ സുരക്ഷ, സെമികണ്ടക്ടറുകൾ, ക്വാണ്ടം കമ്പ്യൂട്ടിംഗ്, ബയോടെക്‌നോളജി, ബഹിരാകാശ പര്യവേക്ഷണം തുടങ്ങിയ മേഖലകളിൽ ഇരുരാജ്യങ്ങളുടെയും സാങ്കേതിക മുന്നേറ്റങ്ങൾ സംയോജിപ്പിക്കാൻ നേതാക്കൾ പ്രതിജ്ഞാബദ്ധത അറിയിച്ചു. ഇന്ത്യയുടെ 'ആത്മനിർഭർ ഭാരത്, വിക്ഷിത് ഭാരത് 2047' ലക്ഷ്യങ്ങൾക്ക് ഈ പങ്കാളിത്തം കരുത്തുപകരുമെന്നും ഇരുരാജ്യങ്ങളും സംയുക്ത പ്രസ്താവനയിൽ വ്യക്തമാക്കിയിരുന്നു.

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.