ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

രണ്ടുപേരിൽ തുടങ്ങിയ അന്വേഷണം; വലയിലായത് കേരളത്തിലെ വൻ എം.ഡി.എം.എ റാക്കറ്റ്


 കോഴിക്കോട്: എൻ.എച്ച് 66-ൽ ഒളവണ്ണ ടോൾ പ്ലാസയ്ക്കു സമീപം മൂന്നര കിലോയോളം എം.ഡി.എം.എയുമായി രണ്ടുപേർ പിടിയിലായതിൽ തുടങ്ങി എക്സൈസ് നടത്തിയ അന്വേഷണം എത്തിയത് സംസ്ഥാനത്തെ വൻ സിന്തറ്റിക് മയക്കുമരുന്ന് റാക്കറ്റിലേക്ക്. മയക്കുമരുന്ന് വ്യാപാരത്തിന്റെ ഉന്നത കണ്ണികളായി വളരാൻ ലക്ഷ്യമിട്ടിരുന്നവരടക്കം റാക്കറ്റിലെ നിരവധി പേരെയാണ് പ്രത്യേക അന്വേഷണ സംഘം വലയിലാക്കിയത്.

ഏപ്രിൽ 23നാണ്  കൊണ്ടോട്ടി സ്വദേശി പി.കെ. ഷഫീഖ് (36), കോഴിക്കോട് അടിവാരം സ്വദേശിനിയും യൂട്യൂബറുമായ ഫാത്തിമ നസ്രിൻ (20) എന്നിവർ പിടിയിലായത്. ഇവർ സഞ്ചരിച്ച കാറും കോഴിക്കോട് എക്സൈസ് ആന്റി നാർക്കോട്ടിക് സ്പെഷൽ സ്ക്വാഡ് കസ്റ്റഡിയിലെടുത്തു.

സംസ്ഥാനത്ത് കണ്ടെത്തിയ ഏറ്റവും വലിയ സിന്തറ്റിക് മയക്കുമരുന്ന് കേസുകളിലൊന്നായതിനാൽ കോഴിക്കോട്, വയനാട് അസിസ്റ്റന്റ് എക്സൈസ് കമീഷണർമാരുടെ നേതൃത്വത്തിൽ കോഴിക്കോട്, മലപ്പുറം, വയനാട് ജില്ലകളിലെ ഉദ്യോഗസ്ഥരെ ഉൾപ്പെടുത്തി 11 അംഗ പ്രത്യേക അന്വേഷണ സംഘത്തിന് രൂപം നൽകി. തുടർന്ന് നടന്ന അന്വേഷണത്തിലാണ് റാക്കറ്റിന്റെ കണ്ണികൾ ഒന്നൊന്നായി പുറത്തുവന്നത്.

ഷഫീഖും ഫാത്തിമ നസ്രിനും സഞ്ചരിച്ച കാറിന്റെ ഉടമയായ മലപ്പുറം കുഴിമണ്ണ സ്വദേശി ഉമ്മർ ഫാറൂഖ് (36) ആണ് ആദ്യം അറസ്റ്റിലായത്. ഇയാളിൽനിന്ന് ലഭിച്ച വിവരങ്ങളുടെ അടിസ്ഥാനത്തിൽ തിരൂർ സ്വദേശി മുഹമ്മദ് മുസ്തഫ എന്ന ബിലാലിനെ (28) ഗോവ റെയിൽവേ സ്റ്റേഷനിൽനിന്ന് അറസ്റ്റ് ചെയ്തു.

ഡൽഹിയിലേക്ക് കടക്കാൻ ശ്രമിക്കുന്നതിനിടെയാണ് ബിലാൽ പിടിയിലായത്. രാജസ്ഥാൻ അതിർത്തിയിൽനിന്ന് ചൈനീസ് പിസ്റ്റളുകൾ വാങ്ങി വിൽക്കുന്നതായുള്ള വിവരങ്ങളും അന്വേഷണ സംഘത്തിന് ലഭിച്ചതായി അധികൃതർ അറിയിച്ചു.

തുടർന്ന് ആലപ്പുഴ കാർത്തികപ്പള്ളി ചേരാവള്ളി സ്വദേശി ഹിരൺ കാർത്തികേയൻ (31), ഇയാളുടെ സഹായിയും ഡ്രൈവറുമായ പത്തനംതിട്ട സ്വദേശി ആരോമൽ എന്ന ഗഗൻ (22) എന്നിവരും അറസ്റ്റിലായി.

ഷഫീഖിന്റെ ലിവിങ് ടുഗതർ പങ്കാളിയും തമിഴ്നാട് സ്വദേശിനിയും വിവാഹമോചിതയുമായ റംസിയ (26)യെയും അന്വേഷണ സംഘം പിന്നീട് പിടികൂടി.

റംസിയയുടെ അക്കൗണ്ടിലേക്ക് പണം അയച്ച് ഇവരിൽനിന്ന് എം.ഡി.എം.എ വാങ്ങിയതായി കണ്ടെത്തിയതിനെ തുടർന്ന് കൊടിയത്തൂർ സ്വദേശി നൗഷാദ് (49)നെ ജൂലൈ മൂന്നിന് അറസ്റ്റ് ചെയ്തു.

മയക്കുമരുന്ന് കടത്തുന്നതിനായി കാറിൽ രഹസ്യ അറ നിർമിച്ച മഹാരാഷ്ട്ര കങ്കാവലി സ്വദേശി സന്ദേശ് മോഹൻ വാൽക്കെ (27)യും അറസ്റ്റിലായി.

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.