ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

ഇൻസ്റ്റഗ്രാമില്‍ ജീവനൊടുക്കുമെന്ന് സന്ദേശം; മണിക്കൂറുകള്‍ നീണ്ട തിരച്ചിലില്‍ യുവാവിനെ കണ്ടെത്തി

മലപ്പുറം: ഇൻസ്റ്റഗ്രാമില്‍ ജീവനൊടുക്കുമെന്ന സന്ദേശം പങ്കുവെച്ചതിന് പിന്നാലെ കാണാതായ യുവാവിനെ മണിക്കൂറുകള്‍ നീണ്ട തിരച്ചിലിനൊടുവില്‍ കോഴിക്കോട് നിന്ന് കണ്ടെത്തി. മലപ്പുറം തിരുവാലി പത്തിരിയാർ സ്വദേശിയായ യുവാവിനെയാണ് പോലീസ് സുരക്ഷിതനായി കണ്ടെത്തിയത്.


ജീവനൊടുക്കാൻ പോകുകയാണെന്ന പോസ്റ്റ് പങ്കുവെച്ചതിന് പിന്നാലെ യുവാവിനെ ഫോണില്‍ ബന്ധപ്പെടാൻ കഴിയാതായതോടെ ബന്ധുക്കള്‍ പോലീസില്‍ പരാതി നല്‍കി. തുടർന്ന് സൈബർ സെല്ലിന്റെ സഹായത്തോടെ മൊബൈല്‍ ഫോണ്‍ ലൊക്കേഷൻ പരിശോധിച്ചപ്പോള്‍ യുവാവ് എടവണ്ണ സീതി ഹാജി പാലം വരെ എത്തിയതായി കണ്ടെത്തി.

തുടർന്ന് സമീപത്തെ ആശുപത്രിയിലെ സി.സി.ടി.വി. ദൃശ്യങ്ങള്‍ പരിശോധിച്ചപ്പോള്‍ യുവാവ് ചാലിയാർ പുഴയുടെ തീരത്തേക്ക് പോകുന്നതായി വ്യക്തമായി. പോലീസും അഗ്നിരക്ഷാസേനയും സന്നദ്ധപ്രവർത്തകരും നാട്ടുകാരും ചേർന്ന് നടത്തിയ പരിശോധനയില്‍ യുവാവിന്റെ മൊബൈല്‍ ഫോണും കൈവാച്ചും പുഴയുടെ തീരത്തെ പമ്പ് ഹൗസിന് സമീപത്ത് നിന്ന് കണ്ടെത്തി.

ശേഷം സി.സി.ടി.വി. ദൃശ്യങ്ങള്‍ വീണ്ടും പരിശോധിച്ചപ്പോള്‍ ഉച്ചയ്ക്ക് 1.05-ന് പുഴയുടെ തീരത്തേക്ക് പോയ യുവാവ് 1.35-ന് തിരിച്ചുപോകുന്നതായും വ്യക്തമായി. ഇതിന്റെ അടിസ്ഥാനത്തില്‍ തിരച്ചില്‍ വ്യാപിപ്പിച്ച പോലീസ്, ബന്ധുക്കളുടെ സഹായത്തോടെ രാത്രിയോടെ കോഴിക്കോട് കൂളിമാട് വെച്ച്‌ യുവാവിനെ കണ്ടെത്തി. അവശനിലയിലായിരുന്ന ഇയാളെ ഉടൻ ആശുപത്രിയില്‍ പ്രവേശിപ്പിച്ചു.

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.