കുടുംബ വഴക്കിനിടെ അടുക്കള വാതിലിന്റെ ചില്ല് അടിച്ച്‌ തകര്‍ത്തു, കൈമുറിഞ്ഞ് രക്തം വാര്‍ന്ന് 49കാരന് ദാരുണാന്ത്യം

 കൊച്ചി : കുടുംബ വഴക്കിനിടെ അടുക്കള വാതിലിന്റെ ചില്ല് അടിച്ച്‌ തകര്‍ത്തു, കൈമുറിഞ്ഞ് രക്തം വാര്‍ന്ന് 49കാരന് ദാരുണാന്ത്യം. മഞ്ഞുമ്മല്‍ ചാലനാട്ടുവീട്ടില്‍ പ്രവീണ്‍ (49) ആണ് മരിച്ചത്. ചൊവ്വാഴ്ച രാത്രി 10.30ഓടെയായിരുന്നു സംഭവം. ചില്ല് തകർക്കുന്നതിനിടെ കൈ മുറിഞ്ഞ് രക്തം വാർന്നതിനെ തുടർന്ന് പ്രവീണ്‍ കുളിമുറിയില്‍ കയറി വാതില്‍ അടയ്ക്കുകയായിരുന്നു.

കുറച്ച്‌ സമയം കഴിഞ്ഞിട്ടും വാതില്‍ തുറക്കാതിരുന്നതിനെ തുടർന്ന് ഭാര്യ സഹോദരനെ വിളിച്ച്‌ വരുത്തി. തുടർന്ന് ഏലൂർ പൊലീസിനെ വിവരം അറിയിക്കുകയായിരുന്നു. പൊലീസെത്തി പ്രവീണിനെ എറണാകുളം മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും ബുധനാഴ്ച പുലർച്ചെ 3.30ഓടെ മരിച്ചു. പോസ്റ്റ്മോർട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടുനല്‍കി. ഷിംനയാണ് ഭാര്യ. മക്കള്‍: ആൻഡ്രിയ, അജോയ്.