ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

ഓർമ്മയിൽ ബേപ്പൂർ സുൽത്താൻ

മലയാള സാഹിത്യ തറവാട്ടിൽ ആർക്കും ഭേദിക്കാൻ  കഴിയാത്ത ശക്തമായ തൂലികയിൽ  'മതിലുകൾ' തീർത്ത ഒരേയൊരു സുൽത്താനേയുള്ളൂ, സാക്ഷാൽ വൈക്കം മുഹമ്മദ് ബഷീർ.  അദ്ദേഹത്തിന്റെ ഓർമ്മകൾക്ക് ഇന്ന്  32 വർഷം. 

1908 ജനുവരി 21ന് കോട്ടയം ജില്ലയിലെ തലയോലപ്പറമ്പിൽ ജനനം. സ്വാതന്ത്ര്യ സമരസേനാനി, നവോഥാന നായകൻ,  സാഹിത്യകാരൻ, എന്നീ മേഖലകളിൽ ഖ്യാതി നേടി.  സാഹിത്യത്തിന്റെ അതിപ്രസരം ഒഴിവാക്കി   ഭാഷയുടെയും വ്യാകരണത്തിന്റെയും വേലിക്കെട്ടുകൾ പൊളിച്ചെഴുതി മലയാള സാഹിത്യത്തെ സാധാരണക്കാരന്റെ ജീവിതത്തോട് ചേർത്തു നിർത്തി ബേപ്പൂർ സുൽത്താൻ. 

 സാധാരണക്കാരിൽ സാധാരണക്കാരനായ നാട്ടുമനുഷ്യന്റെ പച്ചഭാഷയിലുള്ള ഹാസ്യാത്മകമായ രചനകൾ വായനക്കാരനെ ഒരുപോലെ ചിരിപ്പിക്കുകയും, ചിന്തിപ്പിക്കുകയും  ചെയ്തു. ആ തൂലികയുടെ ശക്തിയും ചൈതന്യവും സാഹിത്യലോകം ഏറെ ചർച്ച ചെയ്യപ്പെട്ടു. 

ഒരിക്കലും അലക്കിത്തേച്ച വടിവാർന്ന   ഭാഷയിൽ അദ്ദേഹം എഴുതിയില്ല. ഇത് മലയാളത്തിലെ മറ്റൊരു സാഹിത്യകാരനും അവകാശപ്പെടാൻ സാധിക്കാത്തവിധം ബഷീറിനെ ജനകീയനാക്കി. തന്റേതുമാത്രമായ വാക്കുകളും ശൈലിയുമായിരുന്നു  ബഷീറിന്റെ രചനാ സവിശേഷത. അതുകൊണ്ട് തന്നെയാണ് കുഞ്ഞിപ്പാത്തുവും, എട്ടുകാലി മമ്മുഞ്ഞും, പൊൻകുരിശ് തോമയും,ആനവാരി രാമൻ നായരും  സുഹറയും  മജീദുമൊക്കെ  നമ്മുടെ ഹൃദയാന്തരങ്ങളിൽ ഇന്നും  ജ്വലിച്ചു നിൽകുന്നത്. സമൂഹത്തിലെ പൊങ്ങച്ചത്തെയും തൻപ്രമാണിത്തത്തെയും അന്തമായ മതാചാര വൈകൃതത്തെയും ബഷീർ എതിർത്തു.   ബാല്യകാലസഖി, മതിലുകൾ, ശബ്ദങ്ങൾ, ജന്മദിനം, പാത്തുമ്മാന്റെ ആട്,  ന്റുപ്പുപ്പാക്ക് ഒരാനണ്ടാർന്നു എന്നിവയാണ് പ്രധാന കൃതികൾ. ബാല്യകാലസഖി, ഭാർഗവീനിലയം, മതിലുകൾ, മുച്ചീട്ടു കളിക്കാരന്റെ മകൾ എന്നിവ സിനിമയാക്കപ്പെട്ടു.

പത്മശ്രീ പുരസ്‌കാരം, വള്ളത്തോൾ അവാർഡ്, മുട്ടത്ത് വർക്കി അവാർഡ് തുടങ്ങിയവ ബഷീറിന് ലഭിച്ചു.

1994 ജൂലൈ 5 ന് 86 ആം  വയസിൽ ബേപ്പൂരിൽ വെച്ച് സുൽത്താൻ  മരണപ്പെട്ടു. 


 

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.