സ്കൂൾ ബസ് നിയന്ത്രണംവിട്ട് ഫർണിച്ചർ ഷെഡിലേക്ക് ഇടിച്ചുകയറി അപകടം; കുട്ടികൾ പരിക്കേൽക്കാതെ രക്ഷപ്പെട്ടു

 കിഴിശ്ശേരി : തൃപ്പനച്ചി മുത്തനൂരിൽ സ്കൂൾ ബസ് നിയന്ത്രണം വിട്ട് റോഡരികിലെ ഫർണിച്ചർ ഷെഡിലേക്ക് ഇടിച്ചുകയറി അപകടം. കിഴിശ്ശേരി ഇസ്സത്ത് സ്കൂളിന്റെ ബസ്സാണ് ഇന്ന് അപകടത്തിൽപ്പെട്ടത്.

അപകടസമയത്ത് ബസ്സിൽ വിദ്യാർത്ഥികൾ ഉണ്ടായിരുന്നുവെങ്കിലും ആർക്കും പരിക്കുകളില്ലാതെ അത്ഭുതകരമായി രക്ഷപ്പെട്ടു. ​നിയന്ത്രണം വിട്ട ബസ് റോഡരികിൽ പ്രവർത്തിച്ചിരുന്ന ഫർണിച്ചർ നിർമ്മാണ ഷെഡിന്റെ തടിയും ഷീറ്റും കൊണ്ടുള്ള ഭിത്തി തകർത്താണ് ഉള്ളിലേക്ക് ഇടിച്ചുകയറിയത്.

ബസ്സിന്റെ മുൻഭാഗത്തിനും ഷെഡിനും കേടുപാടുകൾ സംഭവിച്ചിട്ടുണ്ട്. നാട്ടുകാരും സ്കൂൾ അധികൃതരും ഉടൻ തന്നെ സ്ഥലത്തെത്തി ബസ്സിലുണ്ടായിരുന്ന കുട്ടികളെ സുരക്ഷിതമായി പുറത്തെത്തിച്ചു.