ലോകകപ്പ് ക്വാര്‍ട്ടര്‍ ഫൈനലില്‍ ഗ്ലാമര്‍ പോരാട്ടം; ഫ്രാൻസിന് തടയിടാൻ മൊറോക്കോ

 ബോസ്റ്റണ്‍: (Morocco vs France)

ഫിഫ ലോകകപ്പ് ക്വാർട്ടർ ഫൈനലില്‍ ഇന്ന് ഫ്രാൻസും മൊറോക്കോയും നേർക്കുനേർ . ഇന്ത്യൻ സമയം ഇന്ന് രാത്രി 1.30 ന്  നടക്കുന്ന പോരാട്ടത്തില്‍, 2022 ലോകകപ്പ് സെമിഫൈനലില്‍ തങ്ങളെ പരാജയപ്പെടുത്തിയ ഫ്രാൻസിനോട് കണക്കുതീർക്കാനാണ് മൊറോക്കോ അറ്റ്‌ലസ് ലയണ്‍സ് ഇറങ്ങുന്നത്.

ടൂർണമെന്റിലുടനീളം തോല്‍വി അറിയാതെ 14 ഗോളുകള്‍ അടിച്ചുകൂട്ടി മുന്നേറുന്ന ഡിഡിയർ ദെഷാംപ്സിന്റെ ഫ്രാൻസ് തകർപ്പൻ ഫോമിലാണ്. ഏഴ് ഗോളുകളോടെ ഗോള്‍ഡൻ ബൂട്ട് പോരാട്ടത്തില്‍ മുന്നിലുള്ള കിലിയൻ എംബാപ്പെയ്ക്ക് പുറമെ ഉസ്മാൻ ഡെംബെലെ, മൈക്കല്‍ ഒലിസെ, ബാർക്കോള എന്നിവരടങ്ങുന്ന മുന്നേറ്റനിര തന്നെയാണ് ഫ്രാൻസിന്റെ പ്രധാന കരുത്ത്.

മറുഭാഗത്ത് പ്രീ-ക്വാർട്ടറില്‍ നെതർലൻഡ്സിനെയും കാനഡയെയും അട്ടിമറിച്ച്‌ എത്തുന്ന മൊറോക്കോ തുടർച്ചയായ രണ്ടാം തവണയും സെമി ഫൈനല്‍ ലക്ഷ്യമിട്ടാണ് ഇറങ്ങുന്നത്. 2025ലെ ആഫ്രിക്കൻ നേഷൻസ് കപ്പ് ജേതാക്കളായ മൊറോക്കോ തുടർച്ചയായ 34 മത്സരങ്ങളിലെ അപരാജിത കുതിപ്പുമായാണ് കളം നിറയുന്നത്. എന്നാല്‍ പരിക്കുമൂലം സൂപ്പർ താരം ഇസ്മായില്‍ സെയ്ബാരി ഇല്ലാതെ ഇറങ്ങേണ്ടി വരുന്നത് മൊറോക്കോയ്ക്ക് തിരിച്ചടിയാണ്.

സൗഹൃദത്തിന്റെ കളിക്കളത്തില്‍ :

പാരീസ് സെന്റ് ജെർമെയ്ൻ (PSG) ക്ലബ്ബിലെ സഹതാരങ്ങളായ കിലിയൻ എംബാപ്പെയും അഷ്റഫ് ഹക്കിമിയും തമ്മിലുള്ള പോരാട്ടമാണ് ഈ മത്സരത്തിന്റെ ഏറ്റവും വലിയ പ്രത്യേകത. കളിക്കളത്തിന് പുറത്ത് അടുത്ത സുഹൃത്തുക്കളാണെങ്കിലും, നിർണ്ണായക മത്സരത്തില്‍ സൗഹൃദം മാറ്റിനിർത്തി ഇരുവരും പരസ്പരം പൊരുതുമെന്ന് ഹക്കിമി വ്യക്തമാക്കിയിട്ടുണ്ട്.