ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

കൊണ്ടോട്ടി എംഡിഎംഎ കടത്ത് കേസില്‍ ലഹരിമാഫിയ സംഘത്തിലെ ഒരാള്‍ കൂടി പിടിയില്‍


 കൊണ്ടോട്ടി: മലപ്പുറം ജില്ലയില്‍ ലഹരിസംഘങ്ങള്‍ക്കെതിരെ പോലീസ് നടത്തുന്ന 'ഓപ്പറേഷൻ തൂഫാന്റെ' ഭാഗമായി കൊണ്ടോട്ടിയില്‍ എംഡിഎംഎ (MDMA) പിടികൂടിയ കേസില്‍ ഒരാള്‍ കൂടി അറസ്റ്റില്‍.

പെരിന്തല്‍മണ്ണ ചെമ്മലശ്ശേരി സ്വദേശി മല്ലിറ്റിയില്‍ വീട്ടില്‍ ഹൈദ്രാലിയെ (23) ആണ് പോലീസ് പിടികൂടിയത്. ഇന്നലെ വൈകിട്ടോടെ ചെമ്മലശ്ശേരിയില്‍ വെച്ചാണ് ഇയാള്‍ വലയിലായത്.

കൊണ്ടോട്ടി കാഞ്ഞിരംപറമ്പ് സ്വദേശിയായ അഷ്ഫാക്കിന്റെ വീട്ടില്‍ നടത്തിയ പരിശോധനയില്‍ 16 ഗ്രാം എംഡിഎംഎ പിടികൂടിയിരുന്നു. ഈ കേസിലെ അന്വേഷണമാണ് ഇപ്പോള്‍ ഹൈദ്രാലിയിലേക്ക് എത്തിയത്. ഇതിനിടെ, കോട്ടക്കല്‍ പോലീസ് സ്റ്റേഷൻ പരിധിയില്‍ 77 ഗ്രാം എംഡിഎംഎയുമായി പിടിയിലായ പുലാമന്തോള്‍ സ്വദേശി ഷമീറിന്റെ കേസുമായി ബന്ധപ്പെട്ട് അഷ്ഫാക്കിന്റെ അറസ്റ്റും പോലീസ് ഇന്നലെ രേഖപ്പെടുത്തിയിട്ടുണ്ട്.

അറസ്റ്റിലായ ഹൈദ്രാലിയെ വിശദമായി ചോദ്യം ചെയ്തതില്‍ നിന്ന് ജില്ലയിലെ ലഹരി കടത്ത് ശൃംഖലയിലെ മറ്റ് പ്രധാന കണ്ണികളെക്കുറിച്ച്‌ പോലീസിന് വ്യക്തമായ സൂചന ലഭിച്ചിട്ടുണ്ട്. മലപ്പുറം ജില്ലാ പോലീസ് മേധാവി ചൈത്ര തെരേസ ജോണ്‍ ഐപിഎസിന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന. കൊണ്ടോട്ടി എഎസ്പി കാർത്തിക് ബാലകുമാർ ഐപിഎസ്, ഇൻസ്പെക്ടർ അനുദാസ് എന്നിവരുടെ നേതൃത്വത്തിലുള്ള ഡാൻസാഫ് (DANSAF) ടീമാണ് പ്രതികളെ പിടികൂടി അന്വേഷണം വ്യാപിപ്പിക്കുന്നത്.

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.