ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

കനത്ത മഴയിൽ പെരുവള്ളൂരിൽ കൂറ്റൻ പാറ വീട്ടുമുറ്റത്തേക്ക് പതിച്ചു

ഫോട്ടോ: പെരുവള്ളൂർ ഗ്രാമപഞ്ചായത്ത് പന്ത്രണ്ടാം വാർഡിൽ പറമ്പിൽ പീടിക കൊല്ലംചിന റോഡിൽ മേലെകണ്ടിയിൽ ഭാഗത്ത്‌ സ്വകാര്യ വ്യക്തിയുടെ ഭൂമിയിൽ നിന്നും കൂറ്റൻപാറ മറിഞ്ഞുവീണ സ്ഥലം പഞ്ചായത്ത്, റവന്യൂ അധികൃതർ സന്ദർശിക്കുന്നു_

പെരുവള്ളൂർ : ദിവസങ്ങളായി തുടരുന്ന കനത്ത മഴയെത്തുടർന്ന് ജനവാസ മേഖലയിൽ കൂറ്റൻ പാറ നിലംപൊത്തി വൻ അപകടം. പെരുവള്ളൂർ ഗ്രാമപഞ്ചായത്ത് പന്ത്രണ്ടാം വാർഡിലെ കൊല്ലംചിന - കൊടശ്ശേരി പൊറ്റ റോഡിൽ മേലെകണ്ടിയിൽ പ്രദേശത്താണ് സംഭവം ഉണ്ടായത്.

പ്രദേശവാസിയായ ചാനത്തുമാട്ടിൽ കെ.സി. കമാലിന്റെ വീട്ടുമുറ്റത്തേക്കാണ് കഴിഞ്ഞ ദിവസം മുകളിൽ നിന്ന് വൻ വലിപ്പമുള്ള പാറമറിഞ്ഞു വീണത്. അപകടസമയത്ത് വീട്ടുമുറ്റത്തോ പരിസരത്തോ ആളുകൾ ഇല്ലാതിരുന്നതിനാൽ മാത്രമാണ് വൻ ദുരന്തം ഒഴിവായത്.

പ്രദേശത്ത് പെയ്ത കനത്ത മഴയിൽ കമാലിന്റെ വീടിന് മുകൾഭാഗത്തെ മൺതിട്ട ശക്തമായി ഇടിഞ്ഞു താഴേക്ക് പോരുകയായിരുന്നു. ഇതോടെയാണ് മൺതിട്ടയ്ക്ക് മുകളിലുണ്ടായിരുന്ന കൂറ്റൻ പാറ നിയന്ത്രണം വിട്ട് താഴെയുള്ള വീട്ടുമുറ്റത്തേക്ക് പതിച്ചതെന്ന് പ്രാഥമിക നിഗമനം.

അപകടവിവരമറിഞ്ഞ് വില്ലേജ്, പഞ്ചായത്ത് അധികൃതര്‍ സംഭവസ്ഥലം സന്ദർശിച്ച് സ്ഥിതിഗതികൾ വിലയിരുത്തി.

നിലവിൽ അപകടാവസ്ഥയിലുള്ള ബാക്കി മൺതിട്ടയും പാറക്കഷ്ണങ്ങളും അടിയന്തരമായി നീക്കം ചെയ്യാനും പ്രദേശവാസികളുടെ സുരക്ഷ ഉറപ്പാക്കാനും ആവശ്യമായ തുടർനടപടികൾ സ്വീകരിക്കുമെന്ന് സന്ദർശനം നടത്തിയ ജനപ്രതിനിധികളും അധികൃതരും ഉറപ്പുനൽകി.

ദിവസങ്ങളായി മഴ ശക്തമായി തുടരുന്ന സാഹചര്യത്തിൽ ഉയർന്ന പാറകളും വലിയ മൺകൂനകളും നിലനിൽക്കുന്ന പ്രദേശങ്ങളിൽ താമസിക്കുന്നവർ പ്രത്യേകം ജാഗ്രത പാലിക്കണമെന്ന് വില്ലേജ് ഓഫീസറും പഞ്ചായത്ത് അധികൃതരും അറിയിച്ചു.


Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.