ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

മില്‍മയില്‍ കരാര്‍ ഒഴിവ്; 43,000 രൂപ ശമ്പളം..ഇപ്പോള്‍ തന്നെ അപേക്ഷിക്കാം

 
 തിരുവനന്തപുരം: മില്‍മയില്‍ ജോലി നേടാന്‍ അവസരം. തിരുവനന്തപുരം റീജണല്‍ കോ-ഓപ്പറേറ്റീവ് മില്‍ക്ക് പ്രൊഡ്യൂസേഴ്സ് യൂണിയൻ (TRCMPU - മില്‍മ) അസിസ്റ്റന്റ് മാർക്കറ്റിംഗ് ഓഫീസർ തസ്തികയിലേക്ക് കരാർ അടിസ്ഥാനത്തില്‍ നിയമനം നടത്തുന്നു.

ആകെ എട്ട് ഒഴിവുകളാണ് റിപ്പോർട്ട് ചെയ്തിരിക്കുന്നത്. അഭിമുഖത്തിന്റെ അടിസ്ഥാനത്തിലാണ് യോഗ്യരായ ഉദ്യോഗാർത്ഥികളെ തിരഞ്ഞെടുക്കുക.

നിയമിതരാകുന്നവർക്ക് പ്രതിമാസം 43,500 രൂപ വീതം ശമ്പളം ലഭിക്കും. കൂടാതെ 50,320 - 1,01,560 എന്ന ശമ്പള സ്കെയിലില്‍ ഡിഎ, എച്ച്‌ആർഎ, പിഎഫ്, ഗ്രാറ്റുവിറ്റി, മെഡിക്കല്‍ ഇൻഷുറൻസ് ഉള്‍പ്പെടെയുള്ള മറ്റ് ആകർഷകമായ ആനുകൂല്യങ്ങളും ഉദ്യോഗാർത്ഥികള്‍ക്ക് ലഭിക്കുന്നതായിരിക്കും. ഫുഡ് ടെക്നോളജി, ഡയറി ആൻഡ് ടെക്നോളജി അല്ലെങ്കില്‍ ഡയറി ടെക്നോളജിയില്‍ നേടിയ ബിടെക് അല്ലെങ്കില്‍ പിജി ബിരുദമാണ് അപേക്ഷകർക്ക് വേണ്ട പ്രധാന വിദ്യാഭ്യാസ യോഗ്യത.

ഇതുകൂടാതെ ഏതെങ്കിലും വിഷയത്തിലുള്ള ബിരുദവും മാർക്കറ്റിംഗില്‍ സ്പെഷ്യലൈസേഷനോടെയുള്ള എംബിഎ യോഗ്യതയുള്ളവർക്കും അപേക്ഷിക്കാം. ഉദ്യോഗാർത്ഥികള്‍ കേരളത്തിലെ ഏതെങ്കിലും സർവ്വകലാശാലയില്‍ നിന്നോ അല്ലെങ്കില്‍ കെപിഎസ്സി, യുപിഎസ്സി, യുജിസി എന്നിവ അംഗീകരിച്ചിട്ടുള്ള മറ്റ് സർവ്വകലാശാലകളില്‍ നിന്നോ ബിരുദം നേടിയവരായിരിക്കണം. 2026 ജനുവരി 1-ലെ കണക്കനുസരിച്ച്‌ അപേക്ഷകരുടെ പരമാവധി പ്രായപരിധി 40 വയസ്സാണ്.

വിദ്യാഭ്യാസ യോഗ്യതയ്ക്ക് പുറമെ നിശ്ചിത പ്രവൃത്തിപരിചയവും തസ്തികയിലേക്ക് ആവശ്യമാണ്. ടെക്നിക്കല്‍ ബിരുദമുള്ള (B.Tech / PG) ഉദ്യോഗാർത്ഥികള്‍ക്ക് ഡയറി അല്ലെങ്കില്‍ ഫുഡ് പ്രോഡക്‌ട്സ് മാർക്കറ്റിംഗ് മേഖലയില്‍ കുറഞ്ഞത് ഒരു വർഷത്തെ ജോലി പരിചയം ഉണ്ടായിരിക്കണം. എന്നാല്‍ എംബിഎ (MBA) യോഗ്യതയുള്ളവരാണെങ്കില്‍ ഇതേ മേഖലയില്‍ മൂന്ന് വർഷത്തെ ജോലി പരിചയം നിർബന്ധമാണ്. താല്പര്യമുള്ളതും യോഗ്യതയുള്ളതുമായ ഉദ്യോഗാർത്ഥികള്‍ തിരുവനന്തപുരം മില്‍മയുടെ ഔദ്യോഗിക റിക്രൂട്ട്മെന്റ് പോർട്ടല്‍ വഴി ഓണ്‍ലൈനായി വേണം അപേക്ഷ സമർപ്പിക്കാൻ.കൂടുതല്‍ വിവരങ്ങള്‍ അറിയാനും വിജ്ഞാപനം വിശദമായി വായിക്കാനും താഴെ നല്‍കിയിരിക്കുന്ന ലിങ്ക് സന്ദർശിക്കാവുന്നതാണ്:
https://milmatrcmpu.com/event_detail/walk-in-interview-for-appointment-of-assistant-marketing-officer-08072026

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.