ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

സച്ചിന്റെ റെക്കോര്‍ഡ് തകര്‍ത്തു; 15-ാം വയസില്‍ ഇന്ത്യക്കായി അരങ്ങേറ്റം കുറിച്ച് വൈഭവ് സൂര്യവംശി


 മാഞ്ചസ്റ്റര്‍ : ഇന്ത്യന്‍ ദേശീയ ടീമില്‍  അരങ്ങേറ്റം കുറിച്ച്  15 വയസ്സുകാരന്‍ വണ്ടര്‍ കിഡ് വൈഭവ് സൂര്യവംശി . ഇംഗ്ലണ്ടിനെതിരായ രണ്ടാം ട്വന്റി-20 പോരാട്ടത്തില്‍ മലയാളി വിക്കറ്റ് കീപ്പർ ബാറ്റർ സഞ്ജു സാംസണ് പകരമാണ് വൈഭവ് സൂര്യവംശി ഇന്ത്യയുടെ പ്ലെയിങ് ഇലവനില്‍ ഇടംപിടിച്ചത്. വൈഭവും അഭിഷേക് ശർമ്മയും ചേർന്നാണ് ഇന്ത്യൻ ഇന്നിങ്സ് ഓപ്പണ്‍ ചെയ്യുന്നത്. മഴ മൂലം ആദ്യ മത്സരം ഉപേക്ഷിച്ച പരമ്പരയിലെ രണ്ടാം പോരാട്ടത്തില്‍ ടോസ് നേടിയ ഇന്ത്യ ബാറ്റിങ് തിരഞ്ഞെടുക്കുകയായിരുന്നു.

ഇംഗ്ലണ്ടിനെതിരായ മത്സരത്തില്‍ കളത്തിലിറങ്ങിയതോടെ ഇന്ത്യൻ സീനിയർ ടീമിനായി അന്താരാഷ്ട്ര ക്രിക്കറ്റില്‍ അരങ്ങേറ്റം കുറിക്കുന്ന ഏറ്റവും പ്രായം കുറഞ്ഞ താരമെന്ന ചരിത്ര റെക്കോർഡും ഇനി വൈഭവിന് സ്വന്തം. ഇതിഹാസ താരം സച്ചിൻ ടെണ്ടുല്‍ക്കറുടെ ദശാബ്ദങ്ങള്‍ പഴക്കമുള്ള റെക്കോർഡാണ് ഈ പതിനഞ്ചുകാരൻ തിരുത്തിക്കുറിച്ചത്. വെറും 15 വയസ്സും 3 മാസവും 7 ദിവസവും പ്രായമുള്ളപ്പോഴാണ് വൈഭവ് ഇന്ത്യൻ കുപ്പായമണിഞ്ഞത്. സച്ചിൻ തന്റെ 16-ാം വയസ്സില്‍ (16 വയസ്സും 205 ദിവസവും) പ്രായമുള്ളപ്പോഴായിരുന്നു ഇന്ത്യക്കായി ആദ്യമായി കളത്തിലിറങ്ങിയത്.

അതേ സമയം അരങ്ങേറ്റത്തില്‍ തിളങ്ങാൻ കഴിയാതെ വൈഭവ് സൂര്യവംശി. പത്ത് ബോളുകളില്‍ പതിനാല് റണ്‍സാണ് വൈഭവ് സൂര്യവംശിയുടെ അരങ്ങേറ്റ മത്സരത്തിലെ സ്‌കോർ. കരുതലോടെ തുടങ്ങിയ വൈഭവ് മത്സരത്തിന്‍റെ  അഞ്ചാം ഓവറില്‍  ജാക്കിനെ കയറി അടിക്കാനുളള ശ്രമത്തിനിടയില്‍ സ്റ്റമ്പിംഗായി പുറത്താവുകയായിരുന്നു. 

അഭിഷേക് ശർമയ്‌ക്കൊപ്പം ഓപ്പണ്‍ ചെയ്ത സൂര്യവംശി ആദ്യ മത്സരത്തില്‍ തന്നെ രണ്ട് സിക്സറുകളാണ് നേടിയത്. ഏറ്റവും ഒടുവിലെ കണക്കുകള്‍ പ്രകാരം 18 ഓവറില്‍ 5വിക്കറ്റ് നഷ്ടത്തില്‍ 165 റണ്‍സാണ് ഇന്ത്യ നേടിയിരിക്കുന്നത്.

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.