ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

കലാശപ്പോരിന് കാത്ത് ലോകം; അര്‍ജന്‍റീന - സ്പെയിന്‍ പോരാട്ടം രാത്രി 12.30ന്


 ന്യൂയോര്‍ക്ക് : ഇന്ന് രാത്രി 12.30ന് വേണ്ടി കാത്തിരിക്കുകയാണ് ലോകം. യൂറോപ്യന്‍ കരുത്തരായ സ്‌പെയിനും നിലവിലെ ലോക ജേതാക്കളായ അര്‍ജന്റീനയും കിരീടപ്പോരാട്ടത്തില്‍ മാറ്റുരയ്ക്കുമ്പോള്‍ ലോകം കണ്ണിമവെട്ടാതെ കാത്തിരിക്കും.

ആരായിരിക്കും അന്തിമ വിസിലൂതുമ്പോള്‍ ജേതാക്കളെന്നറിയാന്‍. നാലാം ലോകകിരീടവും തുടര്‍ച്ചയായ രണ്ടാമത്തെ ലോകകപ്പുമാണ് അര്‍ജന്റീന ലക്ഷ്യമിടുന്നത്. സ്‌പെയിനാകട്ടെ ലക്ഷ്യം ചരിത്രത്തിലെ രണ്ടാം ലോകകപ്പ് കിരീടം.

അപരാജിതരായാണ് ഇരുടീമുകളുടെയും കുതിപ്പ്. അര്‍ജന്റീന ഇതുവരെ തോറ്റിട്ടില്ലെന്ന് മാത്രമല്ല, സമനിലയും വഴങ്ങിയിട്ടില്ല. എന്നാല്‍ സ്‌പെയിന് ഒരു സമനിലയുണ്ട്.

*അര്‍ജന്റീന ടു ഫൈനല്‍ :*
അര്‍ജന്റീന-അള്‍ജീരിയ (3-0)
അര്‍ജന്റീന-ഓസ്ട്രിയ (2-0)
അര്‍ജന്റീന-ജോര്‍ദാന്‍ (3-1)
അര്‍ജന്റീന-കേപ് വെര്‍ദെ (3-2)
അര്‍ജന്റീന-ഈജിപ്ത് (3-2)
അര്‍ജന്റീന-സ്വിറ്റ്‌സര്‍ലന്‍ഡ് (3-1)
അര്‍ജന്റീന-ഇംഗ്ലണ്ട് (2-1)

*സ്‌പെയിന്‍ ടു ഫൈനല്‍ :*
സ്‌പെയിന്‍-കേപ് വെര്‍ദെ (0-0)
സ്‌പെയിന്‍-സൗദി അറേബ്യ- (4-0)
സ്‌പെയിന്‍-യുറഗ്വായ് (1-0)
സ്‌പെയിന്‍-ഓസ്ട്രിയ (3-0)
സ്‌പെയിന്‍-പോര്‍ച്ചുഗല്‍ (1-0)
സ്‌പെയിന്‍-ബെല്‍ജിയം (2-1)
സ്‌പെയിന്‍-ഫ്രാന്‍സ് (2-0)

*ഗോള്‍ഡന്‍ ബൂട്ടിന് മെസ്സിക്ക് കടമ്പ:*

നിലവില്‍ കിലിയന്‍ എംബാപ്പെയാണ് ഗോള്‍ഡന്‍ ബൂട്ടിനുവേണ്ടിയുള്ള പോരാട്ടത്തില്‍ ഒന്നാമതെത്തി നില്‍ക്കുന്നത്. ആകെ പത്തുഗോളാണ് താരത്തിനുള്ളത്. മെസ്സിക്ക് എട്ടും. ഇന്ന് രണ്ട് ഗോളടിക്കേണ്ടതുണ്ട് മെസ്സിക്ക്. എന്നാല്‍ മാത്രമേ എംബാപ്പെയെ മറികടക്കാനാകൂ. സ്‌പെയിനെതിരായ മത്സരത്തില്‍ അത് സാധ്യമാകുമോ എന്നതാണ് ചോദ്യം. കാരണം ഉനൈ സിമോണെന്ന ഗോള്‍കീപ്പര്‍ ഗോള്‍ വഴങ്ങുന്നതില്‍ പിശുക്ക് കാണിക്കുന്നതാണ് തടസ്സമാകുന്നത്. ഈ ലോകകപ്പില്‍ ഇതുവരെ ഉനൈ സിമോണ്‍ വഴങ്ങിയത് ഒരുഗോള്‍ മാത്രം. ഗോള്‍ വഴങ്ങിയതാകട്ടെ ബെല്‍ജിയത്തിനെതിരെയായിരുന്നു. ഗോളടിച്ചുകൂട്ടുന്ന ഫ്രാന്‍സ് പോലും പക്ഷെ, സ്പാനിഷ് വലയിലേക്ക് നിറയൊഴിച്ചില്ല. ഇന്ന് മെസ്സിക്കും സംഘത്തിനും അത് സാധ്യമാകുമോ എന്നതാണ് ആകാംക്ഷ.

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.