ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

ഫറോക്കില്‍ ഓടുന്ന കാറിന് തീപിടിച്ച്‌ വൻ അപകടം ഒഴിവായി; ഡ്രൈവര്‍ അത്ഭുതകരമായി രക്ഷപ്പെട്ടു


 ഫറോക്ക്:  ഓടിക്കൊണ്ടിരുന്ന കാറിന് തീപിടിച്ച്‌ ഉണ്ടായേക്കാമായിരുന്ന വൻ ദുരന്തം വഴിയാത്രക്കാരന്റെ സമയോചിതമായ ഇടപെടല്‍ മൂലം ഒഴിവായി. ഫറോക്ക് കോളേജ് മേലേവാരത്ത് വെച്ചാണ് സംഭവം. വാഹനം ഓടിച്ചിരുന്ന മലപ്പുറം ചങ്ങരംകുളം സ്വദേശി സാജിദ് പൊള്ളലേല്‍ക്കാതെ അത്ഭുതകരമായി രക്ഷപ്പെട്ടു.

ഫറോക്കില്‍ നിന്നും ഫറോക്ക് കോളേജ് വഴി ദേശീയപാതയിലേക്ക് യാത്ര ചെയ്യുകയായിരുന്നു സാജിദ്. യാത്രാമധ്യേ മൊബൈല്‍ ഫോണില്‍ കോള്‍ വന്നതിനെ തുടർന്ന് ഇദ്ദേഹം വാഹനം റോഡരികിലേക്ക് ഒതുക്കി നിർത്തി സംസാരിക്കുകയായിരുന്നു. ഈ സമയം കാറിൻ്റെ എഞ്ചിൻ ഭാഗത്തുനിന്നും പുക ഉയരുന്നത് വഴിപോക്കനായ ഒരാളുടെ ശ്രദ്ധയില്‍പ്പെട്ടു. അദ്ദേഹം ഉടൻ തന്നെ സാജിദിനോട് കാറില്‍ നിന്നും ഇറങ്ങാൻ ആവശ്യപ്പെടുകയായിരുന്നു.

തീ പടർന്നത് നിമിഷങ്ങള്‍ക്കകം സാജിദ് വാഹനത്തില്‍ നിന്നും പുറത്തിറങ്ങിയ തൊട്ടുപിന്നാലെ കാറിൻ്റെ ബോണറ്റിനുള്ളില്‍ നിന്നും വലിയ രീതിയില്‍ തീ പടർന്നുപിടിച്ചു. ഫോണ്‍ വന്നതും വാഹനം നിർത്തിയതും, വഴിപോക്കൻ്റെ കൃത്യമായ മുന്നറിയിപ്പും കൊണ്ടാണ് വലിയൊരു ദുരന്തം ഒഴിവായത്.

തുടർന്ന് തദ്ദേശവാസികളും സമീപത്തെ വ്യാപാരികളും ഉടൻ തന്നെ ഒത്തുചേർന്ന് വെള്ളമൊഴിച്ച്‌ തീ പൂർണ്ണമായും അണച്ചു. എഞ്ചിൻ ഭാഗത്തുണ്ടായ ഷോർട്ട് സർക്യൂട്ടാണ് തീപിടുത്തത്തിന് കാരണമായതെന്നാണ് പ്രാഥമിക നിഗമനം.

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.