ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ
കരിപ്പൂർ അന്താരാഷ്ട്ര വിമാനത്താവള പരിസരം കേന്ദ്രീകരിച്ച് നടത്തിയ ലഹരിവിരുദ്ധ സ്പെഷ്യല് ഡ്രൈവിനിടയിലാണ് മയക്കുമരുന്ന് വില്പ്പന നടത്തിവന്ന ലഹരിക്കടത്ത് സംഘത്തിലെ രണ്ട് പ്രധാന കണ്ണികളെ പോലീസ് അറസ്റ്റ് ചെയ്തത്. വാഴക്കാട് നൂഞ്ഞിക്കര സ്വദേശി വലിയ ചോലയില് അസറുദ്ദീൻ (26), തിരൂരങ്ങാടി മമ്പുറം സ്വദേശി ചുക്കാൻ മേലോട്ടില് വീട്ടില് മുഹമ്മദ് ഫാസില് (31) എന്നിവരാണ് കൊണ്ടോട്ടി പോലീസിന്റെയും ഡാൻസാഫ് സംഘത്തിന്റെയും വലയിലായത്.
പ്രതികളില് നിന്ന് വില്പ്പനയ്ക്കായി കാറില് സൂക്ഷിച്ചിരുന്ന 2.5 ഗ്രാമോളം നിരോധിത മാരക സിന്തറ്റിക് മയക്കുമരുന്നായ എം.ഡി.എം.എയും 20.5 ഗ്രാം കഞ്ചാവും പോലീസ് പിടിച്ചെടുത്തു. ലഹരിവസ്തുക്കള് കൃത്യമായി അളന്ന് തിരിച്ച് വിതരണം ചെയ്യാൻ ഉപയോഗിച്ചിരുന്ന ഡിജിറ്റല് ഇലക്ട്രിക് ത്രാസ്, മയക്കുമരുന്ന് വിറ്റ വകയില് ലഭിച്ച പണം, ഇവർ സഞ്ചരിച്ചിരുന്ന കാറും പോലീസ് കസ്റ്റഡിയിലെടുത്തിട്ടുണ്ട്.
മലപ്പുറം ജില്ലാ പോലീസ് മേധാവി ചൈത്രാ തെരേസാ ജോണ് ഐ.പി.എസിന് ലഭിച്ച രഹസ്യവിവരത്തിന്റെ അടിസ്ഥാനത്തില് കൊണ്ടോട്ടി എ.എസ്.പി കാർത്തിക് ബാലകുമാർ, ഇൻസ്പക്ടർ അനുദാസ് കെ, സബ് ഇൻസ്പക്ടർ കൃഷ്ണ പ്രസാദ് എന്നിവരുടെ നേതൃത്വത്തിലാണ് പ്രത്യേക പരിശോധന സംഘം പ്രതികളെ വലയിലാക്കിയത്. കരിപ്പൂർ വിമാനത്താവള മേഖലയും അന്താരാഷ്ട്ര മയക്കുമരുന്ന് മാഫിയകളും തമ്മിലുള്ള ബന്ധത്തെക്കുറിച്ച് പോലീസ് അന്വേഷണം വ്യാപിപ്പിച്ചിട്ടുണ്ട്.
Comments
Post a Comment