തിരൂരങ്ങാടിയില്‍ ബൈക്കിൽ നിന്ന് വീണ നിലയിൽ കണ്ടെത്തിയ യുവാവ് മരിച്ചു

 തിരൂരങ്ങാടി : പി.എസ്.എം.ഒ  കോളേജിന് മുൻവശത്ത് വെച്ച് ബൈക്കിൽ നിന്ന് വീണ നിലയിൽ കണ്ടെത്തിയ യുവാവ് മരണപ്പെട്ടു. വെന്നിയൂർ പനങ്ങാട്ടൂർ സ്വദേശി കുന്നത്ത് ഹൗസ് ഷഹാദുദ്ദീൻ ആണ് മരണപ്പെട്ടത്. കഴിഞ്ഞ വ്യാഴാഴ്ച രാവിലെ 10 മണിയോടെയാണ് സംഭവം നടന്നത്. കോളേജിന് മുന്നിലെ റോഡിൽ ഷഹാദുദ്ദീനെ ബൈക്കിൽ നിന്ന് വീണ നിലയിൽ കണ്ടെത്തുകയായിരുന്നു.

അപകടം ശ്രദ്ധയിൽപ്പെട്ട ഉടൻ തന്നെ പരിസരത്തുണ്ടായിരുന്നവരും നാട്ടുകാരും ചേർന്ന് ഇയാളെ ഉടൻ തന്നെ ആശുപത്രിയിൽ എത്തിച്ചെങ്കിലും ചികിത്സയിലിരിക്കെ മരണം സംഭവിക്കുകയായിരുന്നു. നിയമ നടപടികൾക്കും ഇൻക്വസ്റ്റ് ഉൾപ്പെടെയുള്ള പോസ്റ്റ്മോർട്ടം നടപടികൾക്കും ശേഷം മൃതദേഹം ബന്ധുക്കൾക്ക് വിട്ടുനൽകും. ഖബറടക്കം ഇന്ന് നടക്കും.