ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

അനുജന്റെ മയ്യത്ത് നിസ്കാരത്തിന് നേതൃത്വം നൽകുന്നതിനിടെ ജേഷ്ഠൻ കുഴഞ്ഞുവീണ് മരിച്ചു.


 മലപ്പുറം: അനുജന്റെ മയ്യത്ത് നിസ്കാരത്തിന് നേതൃത്വം നൽകുന്നതിനിടെ ജേഷ്ഠൻ പള്ളിയിൽ കുഴഞ്ഞുവീണ് മരിച്ചു. മഞ്ചേരി ആനക്കയം പന്തല്ലൂർ മുടിക്കോട് സ്വദേശി മദാരിമേൽ വീട്ടിൽ ഹംസ ഫൈസി (59) ആണ് മരണപ്പെട്ടത്.

അരീക്കോട് കിഴുപറമ്പിലെ ലീവാഉൽ ഹുദാ കോളേജിലെ പ്രമുഖ മുദരിസ് ആയിരുന്നു ഇദ്ദേഹം. മണിക്കൂറുകളുടെ വ്യത്യാസത്തിൽ രണ്ട് സഹോദരങ്ങൾ മരണപ്പെട്ടത് നാടിനെയാകെ കടുത്ത സങ്കടത്തിലാഴ്ത്തി.

ഹംസ ഫൈസിയുടെ അനുജനും പ്രദേശത്തെ പ്രമുഖ വ്യാപാര സ്ഥാപനമായ എം.എം. ഡെക്കറേഷൻ ഉടമയുമായ അലവിക്കുട്ടി എന്ന ബാപ്പുട്ടി (58) മരണപ്പെട്ടിരുന്നു. തുടർന്ന് മുടിക്കോട് ജുമാ മസ്ജിദിൽ അനുജൻ്റെ മയ്യത്ത് നമസ്ക്കാരത്തിന് ജേഷ്ഠനായ ഹംസ ഫൈസി നേതൃത്വം നൽകാൻ നിൽക്കുകയായിരുന്നു.

നിസ്കാരം ആരംഭിക്കുന്നതിനിടെ ഇദ്ദേഹം അപ്രതീക്ഷിതമായി കുഴഞ്ഞുവീഴുകയായിരുന്നു. ഉടൻ തന്നെ മഞ്ചേരിയിലെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

സഹോദരന്റെ വിയോഗത്തിലുണ്ടായ കടുത്ത മാനസിക വിഷമമാവാം ഹൃദയാഘാതത്തിന് കാരണമായതെന്നാണ് കരുതുന്നത്.

പരേതനായ മൊയ്തുവിന്റെ മകനാണ് ഹംസ ഫൈസി. കുമ്മിണിപ്പറമ്പിലെ മേലായി റംലയാണ് ഭാര്യ.

മയ്യിത്ത് നിസ്കാരം ഇന്ന് രാവിലെ (ജൂൺ 22) രാവിലെ 08:00 മണിക്ക് മുടിക്കോട് ജുമാ മസ്ജിദിൽ നടന്നു.

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.