ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

വീട്‌ കുത്തിപ്പൊളിച്ച്‌ കവര്‍ച്ച: കുപ്രസിദ്ധ മോഷ്‌ടാവ്‌ പിടിയില്‍

നിലമ്പൂര്‍: രാമംകുത്തില്‍ വീട്‌ കുത്തിപ്പൊളിച്ച്‌ രണ്ട്‌ പവന്‍ സ്വര്‍ണാഭരണങ്ങളും 10,000 രൂപയും കവര്‍ച്ച ചെയ്‌ത സംഭവത്തില്‍ കുപ്രസിദ്ധ മോഷ്‌ടാവ്‌ വഴിക്കടവ്‌ പൂവത്തിപൊയില്‍ സ്വദേശി വാക്കയില്‍ അക്‌ബറി (56)നെ നിലമ്പൂര്‍ പോലീസ്‌ ഇന്‍സ്‌പെക്‌ടര്‍ ബി.എസ്‌.ബിനുവിന്റെ നേതൃത്വത്തിലുള്ള പ്രത്യേക അന്വേഷണസംഘം അറസ്‌റ്റ് ചെയ്‌തു.

ഇക്കഴിഞ്ഞ അഞ്ചിന്‌ രാത്രിയാണ്‌ കേസിനാസ്‌പദമായ സംഭവം. രാമംകുത്ത്‌ സ്വദേശിനി അക്കരെ പീടിക റുഖിയയുടെ വീടിന്റെ പുറകുവശം വാതില്‍ പൊളിച്ച്‌ അകത്തു കയറിയ പ്രതി അലമാരയില്‍ സൂക്ഷിച്ചിരുന്ന സ്വര്‍ണാഭരണങ്ങളും പണവും കവര്‍ച്ച ചെയ്യുകയായിരുന്നു. റുഖിയയുടെ മകന്‍ നാസര്‍ മൈസൂരുവിലേക്ക്‌ പോയതിനാല്‍ റുഖിയ ഉള്‍പ്പെടെ എല്ലാവരും രാത്രി 9. 45 മണിയോടെ വീട്‌ പൂട്ടി തൊട്ടടുത്തുള്ള മകളുടെ വീട്ടിലേക്ക്‌ പോയി.

രാവിലെ ആറിന്‌ തിരികെ എത്തിയപ്പോഴാണ്‌ മോഷണ വിവരം അറിയുന്നത്‌. തുടര്‍ന്ന്‌ നിലമ്പൂര്‍ ഡിവൈ.എസ്‌.പി. വി.കെ. വിശ്വംഭരന്‍ നായരുടെ നേതൃത്വത്തില്‍ പ്രത്യേക അന്വേഷണസംഘ രൂപീകരിച്ചിരുന്നു. സംഭവ ശേഷം ഒളിവില്‍ പോയ പ്രതി മേലാറ്റൂര്‍ ഭാഗത്ത്‌ ഒളിവില്‍ താമസിച്ചു വരുന്നുണ്ട്‌ എന്ന്‌ രഹസ്യവിവരം ലഭിച്ചതിന്റെ അടിസ്‌ഥാനത്തില്‍ നടത്തിയ പരിശോധനയിലാണ്‌ പിടിയിലായത്‌. മുമ്പ്‌ ജയിലില്‍ വച്ച്‌ പരിചയപ്പെട്ട മറ്റൊരു മോഷണ കേസിലെ പ്രതിയോടൊപ്പമായിരുന്നു അക്‌ബര്‍ താമസിച്ചിരുന്നത്‌.

പ്രതി ഓടി രക്ഷപ്പെടാന്‍ ശ്രമിച്ചെങ്കിലും പോലീസ്‌ പിന്തുടര്‍ന്ന്‌ പിടികൂടുകയായിരുന്നു. മോഷണം മുതലുകള്‍ വിറ്റ്‌ ഗോവയിലും മറ്റും ആഡംബര ജീവിതം നയിക്കുന്ന പ്രതി കഴിഞ്ഞ തവണ നേപ്പാളില്‍ വരെ കൂട്ടുപ്രതികളോടൊപ്പം ഉല്ലാസയാത്ര നടത്തിയിരുന്നു. നിരവധി മോഷണ കേസുകളില്‍ പ്രതിയായ അക്‌ബര്‍ കഴിഞ്ഞ മെയ്‌ അവസാനമാണ്‌ ജയില്‍ മോചിതനായത്‌.

രാത്രികാലത്ത്‌ ട്രെയിനില്‍ വന്നു ആള്‍താമസമില്ലാത്ത വീട്ടില്‍ മോഷണം നടത്തുന്നതാണ്‌ പ്രതിയുടെ രീതി. പ്രതിയെ സംഭവസ്‌ഥലത്ത്‌ എത്തിച്ച്‌ തെളിവെടുപ്പ്‌ നടത്തി. പ്രത്യേക അന്വേഷണ സംഘത്തില്‍ എസ്‌.ഐ. രതീഷ്‌, എ.എസ്‌.ഐ. സുനിത, സി.പി.ഒ. അനസ്‌, പ്രത്യേക അന്വേഷണ സംഘത്തിലെ സാബിറലി, പി. സജീഷ്‌, സി.കെ. സജേഷ്‌, കൃഷ്‌ണദാസ്‌ എന്നിവരുമുണ്ടായിരുന്നു.


 

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.