ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ
തിക്കോടി റെയില്വേ സ്റ്റേഷന് പിന്വശം താമസിക്കുന്ന ഇതര സംസ്ഥാന തൊഴിലാളിയായ യുവാവിനാണ് രോഗം ബാധിച്ചത്. പനി ബാധിച്ച യുവാവ് പയ്യോളിയില് സ്വകാര്യ ക്ലിനിക്കില് സമീപിക്കുകയും പരിശോധനയില് മലേറിയ ആണെന്ന് കണ്ടെത്തുകയായിരുന്നു. തുടര്ന്ന് വിവരം തിക്കോടി പഞ്ചായത്ത് ആരോഗ്യ വിഭാഗത്തെ അറിയിക്കുകയായിരുന്നു. തിക്കോടിയില് വാടക കെട്ടിടത്തില് താമസിക്കുന്ന 15 പേരില് ഒരാളാണ് മധ്യപ്രദേശ് സ്വദേശിയായ ഈ യുവാവ്. മറ്റു 14പേരുടെയും രക്തം പരിശോധനക്കായി അയച്ചതായി ആരോഗ്യ വിഭാഗം അറിയിച്ചിട്ടുണ്ട്.
എന്താണ് മലമ്പനി
പ്ലാസ്മോഡിയം വിഭാഗത്തില്പ്പെട്ട ഒരു ഏകകോശ പരാദമാണ് മലമ്പനിക്ക് കാരണം. മലമ്പനി പ്രധാനമായും പെണ് വിഭാഗത്തില്പ്പെട്ട അനോഫിലിസ് കൊതുകുകളാണ് പകര്ത്തുന്നത്. രോഗബാധ തലച്ചോറിനെ ബാധിക്കുന്ന സെറിബ്രല് മലേറിയ പോലെയുള്ള ഗുരുതരാവസ്ഥക്കും അതുമൂലമുള്ള മരണത്തിനും കാരണമാകാന് സാധ്യതയുള്ളതാണ്.
രോഗലക്ഷണങ്ങള്
പനിയോടൊപ്പം ശക്തമായ കുളിരും, തലവേദനയും പേശി വേദനയുമാണ് പ്രാരംഭ ലക്ഷണം. വിറയലോടുകൂടി ആരംഭിച്ച് ശക്തമായ പനിയും കുളിരും ദിവസേനയോ, ഒന്നിടവിട്ടുള്ള ദിവസങ്ങളിലോ മൂന്നുദിവസം കൂടുമ്പോഴോ ആവര്ത്തിക്കുന്നത് മലമ്പനിയുടെ മാത്രം പ്രത്യേക ലക്ഷണമായി കരുതാം. ഇതോടൊപ്പം മനംപുരട്ടല്, ഛര്ദ്ദി, ചുമ, ത്വക്കിലും കണ്ണിലും മഞ്ഞ നിറം എന്നിവയും ഉണ്ടാകാം. പനി, ശക്തമായ തലവേദന എന്നീ ലക്ഷണങ്ങള് മാത്രമായും മലമ്പനി കാണാറുണ്ട്.
പ്രതിരോധ മാര്ഗങ്ങള്
കൊതുകുകടി ഏല്ക്കാതിരിക്കുവാനായി വ്യക്തിഗത സുരക്ഷാമാര്ഗങ്ങള് സ്വീകരിക്കുകയാണ് പ്രധാനം. മലമ്പനിയ്ക്ക് കാരണമാകുന്ന കൊതുകുകള് ശുദ്ധജലത്തില് മുട്ടയിട്ട് വളരുന്നതിനാല് വീടിനുള്ളിലും പരിസരങ്ങളിലും വെള്ളം കെട്ടിനില്ക്കുന്ന സാഹചര്യം ഒഴിവാക്കുക.
Comments
Post a Comment