ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

കരിപ്പൂരിലെ റെസ വിപുലീകരണം അടുത്ത ഡിസംബറോടെ പൂർത്തിയാകും


കരിപ്പൂര്‍ :  കരിപ്പൂരിലെ അന്താരാഷ്ട്ര വിമാനത്താവളത്തിന്റെ റൺവേ സുരക്ഷാ പ്രതലം നീളം കൂട്ടുന്ന ജോലികൾ 60 ശതമാനത്തോളം പൂർത്തിയായതായി എയർപോർട്ട് ഡയറക്ടർ. നിലവിലെ പ്രവൃത്തികളുടെ വേഗതയനുസരിച്ച് വരുന്ന ഡിസംബറോടെ നിർമ്മാണം പൂർണ്ണമായും പൂർത്തിയാക്കാൻ കഴിയുമെന്നാണ് പ്രതീക്ഷിക്കുന്നത്.

ഈ വർഷം പെയ്ത കനത്ത മഴയും സംസ്ഥാനത്തെ പൊതുതിരഞ്ഞെടുപ്പ് നടപടികളും നിർമ്മാണ പ്രവൃത്തികളുടെ വേഗതയെ ചെറിയ രീതിയിൽ ബാധിച്ചതായും അദ്ദേഹം വ്യക്തമാക്കി. കഴിഞ്ഞ മാർച്ചിനകം തന്നെ പൂർത്തിയാക്കാൻ ലക്ഷ്യമിട്ടിരുന്ന പദ്ധതിയായിരുന്നു ഇത്.

കരിപ്പൂർ റൺവേയുടെ ഇരുവശങ്ങളിലും നേരത്തെ 90 മീറ്റർ വീതം മാത്രമായിരുന്നു റെസയുടെ നീളം. വലിയ വിമാനങ്ങളുടെ സുരക്ഷിതമായ ലാൻഡിംഗിനായി ഇത് 240 മീറ്റർ വീതമാക്കി ഉയർത്താനാണ് ഇപ്പോൾ വികസനം നടത്തുന്നത്. ഇതിനായി റൺവേയുടെ രണ്ടറ്റങ്ങളിലും 150 മീറ്റർ വീതമാണ് പുതുതായി നീളം കൂട്ടുന്നത്.

പദ്ധതിക്കായി സംസ്ഥാന സർക്കാർ പ്രത്യേകമായി ഏറ്റെടുത്തു നൽകിയ ഭൂമി, നിലവിലുള്ള റൺവേയുടെ അതേ നിരപ്പിലേക്ക് വൻതോതിൽ മണ്ണിട്ട് ഉയർത്തുന്ന ജോലികളാണ് ഇപ്പോൾ വിമാനത്താവളത്തിൽ പുരോഗമിക്കുന്നത്.

2020 ഓഗസ്റ്റിൽ കരിപ്പൂരിലുണ്ടായ വിമാനാപകടത്തെ തുടർന്നാണ് വിമാനത്താവളത്തിന്റെ റൺവേ സുരക്ഷ വർദ്ധിപ്പിക്കുന്നതിനായി റെസ വിപുലീകരിക്കണമെന്ന് വ്യോമയാന മന്ത്രാലയത്തിന് കീഴിലുള്ള ഡി.ജി.സി.എ കർശന നിർദ്ദേശം നൽകിയത്. ഇതിനെത്തുടർന്ന് കരിപ്പൂരിൽ നിന്നും വലിയ വിമാനങ്ങളുടെ സർവീസുകൾക്ക് താൽക്കാലിക വിലക്കേർപ്പെടുത്തിയിരുന്നു.

പുതിയ റെസ നിർമ്മാണം പൂർത്തിയാകുന്നതോടെ കരിപ്പൂരിലേക്ക് വലിയ വിമാന സർവീസുകൾ പുനരാരംഭിക്കാനാകുമെന്ന വലിയ പ്രതീക്ഷയിലാണ്.

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.