ജനവിധി കാത്ത് കേരളം; കേരളം ഉള്‍പ്പെടെ നാല് സംസ്ഥാനങ്ങളില്‍ നാളെ വോട്ടെണ്ണല്‍

 കേരളം |ആഴ്ചകള്‍ നീണ്ട രാഷ്ട്രീയ പോരാട്ടങ്ങള്‍ക്കും വാശിയേറിയ പ്രചാരണങ്ങള്‍ക്കും ഒടുവില്‍ കേരളത്തിൻ്റെ രാഷ്ട്രീയഭാവി നിർണയിക്കുന്ന നിയമസഭ തെരഞ്ഞെടുപ്പിൻ്റെ വോട്ടെണ്ണലിന് ഇനി മണിക്കൂറുകള്‍ മാത്രം.

സംസ്ഥാനത്തെ 140 മണ്ഡലങ്ങളിലായി 43 വോട്ടെണ്ണല്‍ കേന്ദ്രങ്ങളില്‍ രാവിലെ 8 മണിയോടെ വോട്ടുകള്‍ എണ്ണിത്തുടങ്ങും.

രാവിലെ 8 മണിയോടെ സ്ട്രോങ് റൂം തുറക്കുന്നതോടെ വോട്ടെണ്ണല്‍ പ്രക്രിയയ്ക്ക് തുടക്കമാകും. ആദ്യഫല സൂചനകള്‍ എട്ടരയോടെ വന്നുതുടങ്ങും. മുന്നണികള്‍ നെഞ്ചിടിപ്പോടെയാണ് ഓരോ നിമിഷവും തള്ളിനീക്കുന്നത്. കൂട്ടലും കിഴിക്കലുമായി പാര്‍ട്ടി ക്യാമ്പുകള്‍ അവസാന നിമിഷവും സജീവമാണ്.

വോട്ടെണ്ണല്‍ കേന്ദ്രങ്ങളില്‍ കനത്ത സുരക്ഷയാണ് ഏർപ്പെടുത്തിയിരിക്കുന്നത്. കേരളത്തെ കൂടാതെ 4 സംസ്ഥാനങ്ങളിലും വോട്ടെണ്ണല്‍ നാളെയാണ് നടക്കുക. അസം, പോണ്ടിച്ചേരി, തമിഴ്നാട്,ബംഗാള്‍ എന്നി സംസ്ഥാനങ്ങളിലെ തെരഞ്ഞെടുപ്പ് ഫലമാണ് നാളെ പുറത്തുവരുക.