ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

നീറ്റ്‌ ചോദ്യച്ചോര്‍ച്ച: മുഖ്യസൂത്രധാരന്‍ അറസ്‌റ്റില്‍


 ന്യൂഡല്‍ഹി: നീറ്റ്‌ യു.ജി.-2026 ചോദ്യക്കടലാസ്‌ ചോര്‍ച്ചയുടെ പ്രധാന സൂത്രധാരനെന്നു കരുതുന്നയാള്‍ സി.ബി.ഐയുടെ പിടിയില്‍.മഹാരാഷ്‌ട്രയില്‍നിന്നുള്ള കെമിസ്‌ട്രി ലക്‌ചറര്‍ പി.വി. കുല്‍ക്കര്‍ണിയാണ്‌ വലയിലായത്‌. നാഷണല്‍ ടെസ്‌റ്റിങ്‌ ഏജന്‍സി (എന്‍.ടി.എ)ക്കായി ചോദ്യം തയാറാക്കുന്ന സംഘത്തിലെ അംഗമാണ്‌ ലാത്തൂര്‍ ദയാനന്ദ സയന്‍സ്‌ കോളജിലെ ലക്‌ചററായ കുല്‍ക്കര്‍ണിയെന്നാണു സ്‌ഥിരീകരിക്കാത്ത വിവരം.

 മഹാരാഷ്‌ട്രയിലെ ലാത്തൂര്‍ സ്വദേശിയായ ഇയാളെ പുനെയില്‍നിന്നാണ്‌ അറസ്‌റ്റ്‌ ചെയ്‌തത്‌. ഇതോടെ കേസില്‍ അറസ്‌റ്റിലായവരുടെ എണ്ണം എട്ടായി. കഴിഞ്ഞ 14 ന്‌ അറസ്‌റ്റിലായ മനീഷ വാഗ്‌മെയറുമായി ചേര്‍ന്നു പ്രവര്‍ത്തിച്ച കുല്‍ക്കര്‍ണിയാണ്‌ ചോദ്യച്ചോര്‍ച്ചയിലെ പ്രധാനകണ്ണിയെന്നു സി.ബി.ഐ. പറയുന്നു. ചോദ്യക്കടലാസ്‌ ഇയാള്‍ നേരില്‍ക്കണ്ടതായാണു സംശയം. ഏപ്രില്‍ അവസാനവാരം വാഗ്‌മെയറിന്റെ സഹായത്തോടെ കൂല്‍ക്കര്‍ണി വിദ്യാര്‍ഥികളെ സംഘടിപ്പിച്ചു. ശേഷം പുനെയിലെ സ്വന്തം വസതിയില്‍ പ്രത്യേക പരിശീലന ക്ലാസുകള്‍ ക്രമീകരിച്ചു. 

ചോദ്യങ്ങളും ഓപ്‌ഷനുകളും ശരിയുത്തരങ്ങളും ഈ ക്ലാസില്‍ പങ്കെടുത്തവര്‍ക്ക്‌ കുല്‍ക്കര്‍ണി കൈമാറി. മേയ്‌ മൂന്നിനു നടന്ന നീറ്റ്‌ പരീക്ഷയില്‍ ഇതേചോദ്യങ്ങള്‍ ആവര്‍ത്തിക്കുകയും കുല്‍ക്കര്‍ണിയുടെ ക്ലാസില്‍ പങ്കെടുത്തവര്‍ക്ക്‌ പ്രയോജനപ്പെടുകയും ചെയ്‌തു. സ്‌പെഷല്‍ ക്ലാസില്‍ പങ്കെടുക്കാന്‍ ലക്ഷങ്ങളാണ്‌ കുട്ടികളില്‍നിന്ന്‌ ഈടാക്കിയത്‌. ഇതിന്‌ ഇടനിലക്കാരായവരെ ഉള്‍പ്പെടെ കണ്ടെത്താനുള്ള ശ്രമത്തിലാണെന്നു കേന്ദ്ര പഴ്‌സണല്‍ മന്ത്രാലയം പത്രക്കുറിപ്പില്‍ അറിയിച്ചു.

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.