വിവാഹദിവസം കൈവിരലില്‍ മോതിരം കുടുങ്ങിയ വധുവിന് രക്ഷകരായി അഗ്നിരക്ഷാസേന

മലപ്പുറം: വിവാഹദിനത്തില്‍ കൈവിരലില്‍ മോതിരം കുടുങ്ങിയ വധുവിന് രക്ഷകരായി അഗ്നിരക്ഷാസേന. മലപ്പുറം മ‍ഞ്ചേരിയിലാണ് സംഭവം. വിവാഹാഘോഷത്തിനിടെ വേദന അനുഭവപ്പെട്ടതോടെയാണ് യുവതി അഗ്നിരക്ഷാസേന ഓഫീസിലെത്തിയത്.

വിവാഹവസ്ത്രത്തോടെയാണ് വധുവും വരനും മഞ്ചേരി അഗ്നിരക്ഷാസേന ഓഫീസിലെത്തിയത്. കട്ടർ ഉപയോഗിച്ച്‌ ഉദ്യോഗസ്ഥൻ മോതിരം മുറിച്ചുമാറ്റി. അതീവസുരക്ഷയോടെയാണ് ഉദ്യോഗസ്ഥർ വധുവിന്റെ മോതിരം മുറിച്ചുമാറ്റിയത്. ഉബൈദുള്ള എംഎല്‍എയുടെ സഹോദര പുത്രിയാണ് വധു. വിവാഹമംഗള ആശംസകള്‍ നേർന്നാണ് അഗ്നിരക്ഷാസേന ഉദ്യോഗസ്ഥർ ഇരുവരെയും യാത്രയാക്കിയത്.