ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

ബൈക്ക് ബസിനടിയിലേക്ക് മറിഞ്ഞു; യുവാവ് മരിച്ചു


കൊണ്ടോട്ടി : ദേശീയപാതയിലെ വള്ളുവമ്പ്രം മുസ്‌ലിയാർപീടികയിൽ ബൈക്ക് ദീർഘദൂര ബസിനടിയിലേക്ക് മറിഞ്ഞുണ്ടായ ദാരുണ അപകടത്തിൽ യുവാവ് മരണപ്പെട്ടു. കൊണ്ടോട്ടി മേലങ്ങാടിയിലെ പാലക്കൽ മുഹമ്മദലിയുടെ മകൻ ഷിബിൽ റഹ്മാൻ (26) ആണ് മരിച്ചത്.

ബൈക്കിൽ ഒപ്പമുണ്ടായിരുന്ന സഹയാത്രികൻ തറയിട്ടാൽ സ്വദേശി എം.വി. ആഷിഖിന് (24) അപകടത്തിൽ സാരമായി പരുക്കേറ്റു. ഇദ്ദേഹത്തെ അടിയന്തര ചികിത്സയ്ക്കായി കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്.

ഇന്നലെ രാത്രി ഏഴുമണിയോടെയായിരുന്നു നാടിനെ നടുക്കിയ ഈ അപകടം സംഭവിച്ചത്. ​വെള്ളൂരിലെ സുഹൃത്ത് ടി.വി. മുസ്തഫയുടെ വിവാഹവീട്ടിലേക്ക് സുഹൃത്തുക്കൾക്കൊപ്പം ബൈക്കിൽ പോകുന്നതിനിടെയാണ് ഷിബിൽ അപകടത്തിൽപ്പെട്ടത്.

ഷിബിലും ആഷിഖും ഒരു ബൈക്കിലും, സുഹൃത്തായ യാസീൻ മറ്റൊരു ബൈക്കിലുമായിരുന്നു യാത്ര ചെയ്തിരുന്നത്. മുസ്‌ലിയാർപീടികയിൽ വെച്ച് മുന്നിലുണ്ടായിരുന്ന തമിഴ്‌നാട് ആർ.ടി.സി വക സേലം ബസിനെ മറികടക്കാൻ ശ്രമിക്കുന്നതിനിടെ, എതിർദിശയിൽ നിന്നും വന്ന കാറിലിടിച്ച് ബൈക്കിന്റെ നിയന്ത്രണം നഷ്ടപ്പെടുകയായിരുന്നു.

ബൈക്കിൽ നിന്നും തെറിച്ചുവീണ ഷിബിൽ തൊട്ടടുത്ത ബസിനടിയിലേക്ക് വീഴുകയായിരുന്നുവെന്ന് നാട്ടുകാർ പറഞ്ഞു. ഉടൻ തന്നെ ഓടിക്കൂടിയ നാട്ടുകാർ ഇരുവരെയും മഞ്ചേരി മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ഗുരുതരമായി പരിക്കേറ്റ ഷിബിലിന്റെ ജീവൻ രക്ഷിക്കാനായില്ല.

കളിയും ചിരിയുമായി സന്തോഷത്തോടെ അതിഥികളെ സ്വീകരിച്ചിരുന്ന വെള്ളൂരിലെ കല്യാണവീട്ടിലേക്ക് പെട്ടെന്നാണ് ഈ ഞെട്ടിക്കുന്ന മരണവാർത്ത എത്തിയത്. തങ്ങളുടെ പ്രിയ സുഹൃത്ത് കല്യാണം കൂടാൻ വരുന്നതിനിടെ തൊട്ടടുത്ത കിലോമീറ്ററുകൾക്കപ്പുറത്ത് വെച്ച് അപകടത്തിൽ മരണപ്പെട്ടു എന്ന വാർത്ത ഉൾക്കൊള്ളാൻ സുഹൃത്തുക്കൾക്കായില്ല. വിവാഹവീട്ടിലേക്ക് വെറും മൂന്ന് കിലോമീറ്റർ ദൂരം മാത്രം ശേഷിക്കെയാണ് വിധി ഷിബിലിന്റെ ജീവൻ കവർന്നത്. മരണവാർത്തയറിഞ്ഞ് കല്യാണവീട് നിമിഷനേരം കൊണ്ട് മൂകമായി മാറി.

കരിപ്പൂർ വിമാനത്താവളത്തിലെ കരാർ ജീവനക്കാരനായിരുന്നു അന്തരിച്ച ഷിബിൽ റഹ്മാൻ. മാതാവ്: മൈമൂന. സഹോദരങ്ങൾ: ഷബീൽ, സാഹിൽ. മൃതദേഹം പോസ്റ്റ്‌മോർട്ടം നടപടികൾക്ക് ശേഷം ഇന്ന് കൊണ്ടോട്ടി മേലങ്ങാടി ജുമാമസ്ജിദ് ഖബർസ്ഥാനിൽ ഖബറടക്കും.

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.