ബിജെപി ആശയങ്ങളുമായി മുന്നോട്ട് പോകാനാകില്ല'; ബിജെപിയിൽ നിന്ന് രാജിവെച്ച് പത്മജ വേണുഗോപാൽ

Image
  തിരുവനന്തപുരം :  ബിജെപി അംഗത്വം രാജിവെച്ച് പത്മജ വേണുഗോപാല്‍. ഇ മെയിലായാണ് രാജി സമര്‍പ്പിച്ചത്. പാര്‍ട്ടിയില്‍ നിന്ന് കടുത്ത അവഗണന നേരിട്ടുവെന്ന് വെളിപ്പെടുത്തിയാണ് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് രാജി നല്‍കിയത്. ബിജെപി ആശയങ്ങളുമായി മുന്നോട്ട് പോകാനാകുന്നില്ലെന്നും തെറ്റു തിരുത്തുന്നുവെന്നും പത്മജ വേണുഗോപാല്‍ പറഞ്ഞു. ബിജെപിയില്‍ പോകാനുള്ള തീരുമാനം തെറ്റായിരുന്നു. കെ കരുണാകരന്റെ മകളാണ്. ജനിച്ചു വീണത് കോണ്‍ഗ്രസുകാരിയായാണ്. ബിജെപിയിലേക്ക് പോയത് തെറ്റായിപ്പോയി. ആ തെറ്റ് തിരുത്തുന്നു. പദവിക്ക് വേണ്ടിയല്ല ബിജെപിയില്‍ പോയത്. അധികാരത്തിനായിരുന്നെങ്കില്‍ യുഡിഎഫിനൊപ്പം തന്നെ നിന്നാല്‍ മതിയായിരുന്നു. ഭാവി പരിപാടികള്‍ തീരുമാനിച്ചിട്ടില്ല. അച്ഛന്റെ ഓര്‍മകളുമായി മുന്നോട്ട് പോകും. കെ മുരളീധരനോട് മാത്രമാണ് രാജിക്കാര്യം സംസാരിച്ചത്. കോണ്‍ഗ്രസില്‍ മറ്റാരോടും ആശയവിനിമയം നടത്തിയിട്ടില്ലെന്നും പത്മജ പറഞ്ഞു. കഴിഞ്ഞ കുറച്ചുനാളുകളായി ബിജെപി നേതൃത്വവുമായി അകല്‍ച്ചയിലായിരുന്നു പത്മജ. 2024 മാര്‍ച്ചിലാണ് പത്മജ വേണുഗോപാല്‍ കോണ്‍ഗ്രസ് ബന്ധം ഉപേക്ഷിച്ച് ബിജെപിയില്‍ ചേര്‍ന്നത്. ബിജെപിയില്‍...

ഹയർ സെക്കൻഡറി മൂല്യനിർണ്ണയ ക്യാമ്പുകളില്‍ അധ്യാപകരുടെ വൻ അസാന്നിധ്യം; ഹാജരാകാത്തത് 2,177 അധ്യാപകര്‍


 തിരുവനന്തപുരം: ഹയർ സെക്കൻഡറി പരീക്ഷാഫലം മേയ് 25-ന് പ്രസിദ്ധീകരിക്കാൻ ലക്ഷ്യമിട്ടിരിക്കെ, മൂല്യനിർണ്ണയ ക്യാമ്പുകളില്‍ അധ്യാപകരുടെ വൻ അസാന്നിധ്യം പ്രതിസന്ധി സൃഷ്ടിക്കുന്നു.

സംസ്ഥാനത്തൊട്ടാകെ 2,177 അധ്യാപകരാണ് ഇതുവരെ ക്യാമ്പുകളില്‍ റിപ്പോർട്ട് ചെയ്യാത്തത്. വിട്ടുനില്‍ക്കുന്നവർക്കെതിരെ കർശന അച്ചടക്ക നടപടികള്‍ സ്വീകരിക്കുമെന്ന് പൊതുവിദ്യാഭ്യാസ വകുപ്പ് മുന്നറിയിപ്പ് നല്‍കി.

ഹാജരാകാത്ത അധ്യാപകരുടെ കണക്കില്‍ മലപ്പുറം ജില്ലയാണ് ഒന്നാമത്. മലപ്പുറം (258), എറണാകുളം (211), തിരുവനന്തപുരം (209) എന്നിങ്ങനെയാണ് കൂടുതല്‍ പേർ വിട്ടുനില്‍ക്കുന്ന ജില്ലകള്‍. ഇംഗ്ലീഷ് (363), ഫിസിക്സ് (283), കെമിസ്ട്രി (261), ഗണിതം (248) എന്നിങ്ങനെയാണ്‌ വിഷയം തിരിച്ചുള്ള ഹാജരാകാത്ത അധ്യാപകരുടെ എണ്ണം.

തിരഞ്ഞെടുപ്പ് ഡ്യൂട്ടികള്‍ കാരണം ഏപ്രില്‍ 16-നാണ് ഇത്തവണ മൂല്യനിർണ്ണയം ആരംഭിക്കാനായത് (കഴിഞ്ഞ വർഷം ഇത് നേരത്തെ തുടങ്ങിയിരുന്നു). നിലവില്‍ 89 ക്യാമ്പുകളിലായി ഏകദേശം 59 ലക്ഷത്തിലധികം ഉത്തരക്കടലാസുകളാണ് പരിശോധിക്കാനുള്ളത്. ഒന്നാംവർഷം 26,20,932 പേപ്പറും രണ്ടാംവർഷം 26,69,493 പേപ്പറും ഒന്നാംവർഷ ഇംപ്രൂവ്മെൻറ്‌ 6,25,000 പേപ്പറുമാണ് നോക്കേണ്ടത്. അടുത്ത ദിവസങ്ങളില്‍ ക്യാമ്പുകളില്‍ റിപ്പോർട്ട് ചെയ്യാത്തവർക്കെതിരെ വകുപ്പുതല നടപടികള്‍ ഉണ്ടാകുമെന്ന് ഉറപ്പായിട്ടുണ്ട്. 24,167 ജീവനക്കാരാണ് ആകെ മൂല്യനിർണ്ണയ പ്രക്രിയയില്‍ പങ്കാളികളാകേണ്ടത്.

Comments

Popular posts from this blog

പന്തീരങ്കാവിൽ വൻ ലഹരിവേട്ട: ഒരു കിലോ എം.ഡി.എം.എയുമായി പളളിക്കല്‍ സ്വദേശി ഉൾപ്പെടെ മൂന്ന്പേർ പിടിയിൽ.

വയോധികനായ സെക്യൂരിറ്റി ജീവനക്കാരനെ മർദിച്ച കേസ്; പ്രതിക്ക് തടവുശിക്ഷ വിധിച്ച് കോടതി

അതിതീവ്ര മഴ തുടരും ; അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് നാളെ അവധി.