വാട്ട്സ്ആപ്പ് ഈ വർഷം അവസാനത്തോടെ നിരവധി പഴയ ആൻഡ്രോയിഡ് സ്മാർട്ട്ഫോണുകളില് പ്രവർത്തനം നിർത്താനൊരുങ്ങുന്നു.
ന്യൂയോര്ക്ക്: പ്രമുഖ മെസേജിംഗ് പ്ലാറ്റ്ഫോമായ വാട്ട്സ്ആപ്പ് ഈ വർഷം അവസാനത്തോടെ നിരവധി പഴയ ആൻഡ്രോയിഡ് സ്മാർട്ട്ഫോണുകളില് പ്രവർത്തനം നിർത്താനൊരുങ്ങുന്നു. ഫോണുകള് അപ്ഗ്രേഡ് ചെയ്തില്ലെങ്കില് ദശലക്ഷക്കണക്കിന് ഉപയോക്താക്കള്ക്ക് വാട്ട്സ്ആപ്പ് സേവനം നഷ്ടമാകും. വാട്ട്സ്ആപ്പ് ഹെല്പ്പ് സെന്റർ നല്കുന്ന വിവരങ്ങള് പ്രകാരം, 2026 സെപ്റ്റംബർ 8 മുതല് ആൻഡ്രോയിഡ് 6-ന് താഴെയുള്ള (Android 6.0) വേർഷനുകളില് പ്രവർത്തിക്കുന്ന ഫോണുകള്ക്കുള്ള പിന്തുണ വാട്ട്സ്ആപ്പ് അവസാനിപ്പിക്കും. അതായത്, ആൻഡ്രോയിഡ് 5.0, 5.1 വേർഷനുകളില് പ്രവർത്തിക്കുന്ന ഉപകരണങ്ങളില് വാട്ട്സ്ആപ്പ് ഉപയോഗിക്കാൻ കഴിയില്ല. സുരക്ഷ മെച്ചപ്പെടുത്തുന്നതിനും മികച്ച പ്രകടനം ഉറപ്പാക്കുന്നതിനും പുതിയ ഫീച്ചറുകള് ഉള്പ്പെടുത്തുന്നതിനുമായി കമ്പനി നടത്തുന്ന പതിവ് അപ്ഡേറ്റുകളുടെ ഭാഗമായാണ് ഈ നടപടി. പഴയ ഓപ്പറേറ്റിംഗ് സിസ്റ്റങ്ങളില് അത്യാധുനിക അപ്ഡേറ്റുകളും സുരക്ഷാ പ്രോട്ടോക്കോളുകളും പിന്തുണയ്ക്കാനുള്ള ശേഷി കുറവായതിനാലാണ് അവ ഒഴിവാക്കുന്നതെന്നാണ് വിശദീകരണം. 2014-ന് മുൻപ് പുറത്തിറങ്ങിയ ഭൂരിഭാഗം പഴയ സ്മാർട്ട്ഫോണുകളെയും ഈ തീരുമാ...
Comments
Post a Comment